फूलकोर्ट बैठकमा वरिष्ठ न्यायाधीश सपना प्रधान मल्ल अनुपस्थित छन् । उनी हाल विदेशमा रहेकाले बैठकमा सहभागी नभएकी हुन् ।
काठमाडौँ — प्रधानन्यायाधीश मनोजकुमार शर्माले बोलाएको सर्वोच्च अदालतको फूलकोर्ट बैठक सुरु भएको छ ।
शुक्रबार बिहान ठिक ९ बजे सुरु भएको बैठकमा बिहीबार सार्वजनिक भएको न्यायाधीश र बिचौलिया इनम सापकोटाबीचको कुराकानी तथा प्रधानन्यायाधीश शर्माको नाममा भएको भनिएको रकम लेनदेनका विषयमा छलफल हुने बताइएको छ । त्यस्तै, संवैधानिक इजलाससम्बन्धी विवादबारे पनि बैठकमा कुरा उठ्नेछ ।
फूलकोर्ट बैठकमा वरिष्ठ न्यायाधीश सपना प्रधान मल्ल अनुपस्थित छन् । उनी हाल विदेशमा रहेकाले बैठकमा सहभागी नभएकी हुन् । न्यायाधीश हरि फुयालसहित अन्य सबै न्यायाधीश बैठकमा सहभागी भएको स्रोतले जनाएको छ ।
शुक्रबार बिहान इजलासका लागि गोला प्रक्रियाअघि फूलकोर्ट बैठक बोलाइएको हो ।
दुर्गा कान्तिपुर मिडिया ग्रुपका कानुन संवाददाता हुन् । उनी कानुन, न्याय र संवैधानिक मामिलाबारे रिपोर्टिङ गर्छन् ।
