उद्योग विभागका अनुसार स्वचालित मार्ग (अटोमेटिक रुट) बाट ४१० उद्योगमार्फत १४ अर्ब ५८ करोड ६५ लाख रुपैयाँ र स्वीकृति मार्ग (अप्रुभल रुट)बाट १२ उद्योगमा १ अर्ब ६४ करोड ५४ लाख रुपैयाँ एफडीआई प्रतिबद्धता आएको छ।
काठमाडौँ — चालु आर्थिक वर्षको पहिलो तीन महिनामा नेपालमा १६ अर्ब २३ करोड १९ लाख रुपैयाँको बराबरको वैदेशिक लगानी (एफडीआई) प्रतिबद्धता आएको छ ।
उद्योग विभागको वैदेशिक लगानी तथा प्रविधि हस्तान्तरण शाखाले हालै सार्वजनिक गरेको मासिक प्रतिवेदन अनुसार तीन महिनामा ४२२ वटा नयाँ उद्योगमा उक्त वैदेशिक लगानी स्वीकृत भएको हो ।
विभागका अनुसार स्वचालित मार्ग (अटोमेटिक रुट) बाट ४१० उद्योगमार्फत १४ अर्ब ५८ करोड ६५ लाख रुपैयाँ र स्वीकृति मार्ग (अप्रुभल रुट)बाट १२ उद्योगमा १ अर्ब ६४ करोड ५४ लाख रुपैयाँ एफडीआई प्रतिबद्धता आएको छ । उक्त लगानीबाट कुल ५ हजार १२९ जनालाई रोजगारी दिने अनुमान गरिएको छ ।
लगानी रकमका आधारमा पर्यटन क्षेत्रमा सबैभन्दा धेरै ६ अर्ब ८२ लाख ८५ हजार रुपैयाँ प्रतिबद्धता आएको छ । ऊर्जा क्षेत्रमा ४ अर्ब रुपैयाँ लगानी प्रतिबद्धता आएको विभागको तथ्यांक छ ।
सेवा क्षेत्रमा ३ अर्ब ५७ करोड ५४ लाख, सूचना प्रविधि क्षेत्रमा ९२ करोड ८३ लाख, उत्पादनमूलक उद्योगमा १ अर्ब ६० करोड ५३ लाख रुपैयाँ, कृषि तथा वन पैदावारमा ४ करोड रुपैयाँ लगानी प्रतिबद्धता आएको विभागको तथ्यांक छ ।
विभागका अनुसार असोजमा मात्रै ९४ उद्योगमा ५ अर्ब १० करोड़ ७५ लाख रुपैयाँ बराबरको वैदेशिक लगानी प्रतिबद्धता आएको हो ।
.jpeg)
