बैंकले आफ्नो स्थापनाको ९०औं वार्षिकोत्सवको अवसर पारेर ९० दिनका लागि न्यून ब्याजदर तथा सेवा शुल्कमा सर्वसुलभ आवास कर्जा योजना ल्याएको हो ।
नेपाल बैंक लिमिटेडले विशेष छुट सुविधासहितको घर कर्जा योजना सार्वजनिक गरेको छ ।
बैंकले आफ्नो स्थापनाको ९०औं वार्षिकोत्सवको अवसर पारेर ९० दिनका लागि न्यून ब्याजदर तथा सेवा शुल्कमा सर्वसुलभ आवास कर्जा योजना ल्याएको हो ।
उक्त घर कर्जा योजनाअन्तर्गत ग्राहकले घर खरिद, घर निर्माण तथा मर्मत र अपार्टमेन्टसमेत खरिद गर्न सक्ने बैंकले जारी गरेको विज्ञप्तिमा उल्लेख छ । आधार दरमा शून्य दशमलव पाँच प्रतिशत प्रिमियम ब्याजदरबाट प्रारम्भ हुने यो कर्जाको अवधि अधिकतम २५ वर्षसम्म हुने बैंकले जनाएको छ ।
यसमा ०.२५ प्रतिशत मात्र सेवा शुल्क लाग्नेछ । यो कर्जा लिने ग्राहकले बैंकबाट ५ लाखसम्मको लाइफ टाइम निःशुल्क क्रेडिट कार्ड सुविधा र लकर सुविधाको वाार्षिक शुल्कमा ५० प्रतिशत छुट पाउने बैंकको भनाइ छ ।
