पोखरा रंगशालास्थित अन्नपूर्ण स्केट पार्कमा आयोजना हुने कार्यक्रममा मोटरसाइकल स्टन्ट, बीएमएक्स, स्केटबोर्डिङ, ब्रेकिङ, क्यालिस्थेनिक्स, संगीत तथा अन्य मनोरन्जनात्मक गतिविधि हुने कम्पनीले जनाएको छ ।
काठमाडौँ — एकै मञ्चमा जोड्दै ‘पल्सर आरपीएम’ १४ कात्तिकमा पोखरामा आयोजना हुने भएको छ ।
पोखरा रंगशालास्थित अन्नपूर्ण स्केट पार्कमा आयोजना हुने कार्यक्रममा मोटरसाइकल स्टन्ट, बीएमएक्स, स्केटबोर्डिङ, ब्रेकिङ, क्यालिस्थेनिक्स, संगीत तथा अन्य मनोरन्जनात्मक गतिविधि समावेश हुने कम्पनीले जारी गरेको विज्ञप्तिमा उल्लेख छ ।
काठमाडौं र बुटवलमा सम्पन्न भएका संस्करणपछि पोखरा आइपुग्न लागेको पल्सर आरपीएमले यस पटक सहरका युवा, खेलप्रेमी र सिर्जनशील समुदायलाई एउटै मञ्चमा ल्याउनेछ ।
बुटवलमा करिब २ हजार ५ सय जनाको सहभागिता रहेको यस कार्यक्रमले पोखरामा पनि उत्साहपूर्ण सहभागिताको अपेक्षा गरेको कम्पनीको भनाइ छ ।
कार्यक्रममा पल्सर एन१६० मार्फत रोमाञ्चक मोटरसाइकल स्टन्ट प्रदर्शन गरिने कम्पनीको भनाइ छ ।
पल्सर आरपीएम मनोरन्जनमा मात्र सीमित नभई स्थानीय प्रतिभालाई आफ्नो सीप र सिर्जनशीलता प्रस्तुत गर्ने अवसर प्रदान गर्ने मञ्च पनि रहेको कम्पनीले जनाएको छ ।
