नेपाल प्रिमियर लिग एनपीएल - ३ : पोखरा एभेन्जर्सविरुद्ध सुदूरपश्चिम रोयल्स भिड्दै छन् ।
त्रिवि अन्तर्राष्ट्रिय क्रिकेट रंगशालामा बुधबार हुने डेनाइट खेल हेर्न दर्शकहरु आउने क्रम जारी छ । आज सुदूरपश्चिम रोयल्स र पोखरा एभेन्जर्सबीचको खेल साँझ ५ बजे हुँदैछ ।
त्रिवि अन्तर्राष्ट्रिय क्रिकेट रंगशाला र आसपासको मौसम घमाइलो छ । सेतो बादलले आकाशको केही भाग छोपे पनि पश्चिमपट्टि भने घाम लागिरहेको छ । ५ बजे हुने खेलका लागि पिचको तयारी भइरहेको छ ।
शुभ दिन । यहाँहरू सबैलाई नेपाल प्रिमियर लिग (एनपीएल) सिजन ३ को तेस्रो दिनको खेलमा स्वागत छ । त्रिवि अन्तर्राष्ट्रिय क्रिकेट रंगशालाबाट प्रत्यक्ष अपडेटका लागि कान्तिपुर टिम आज पनि उपस्थित भइसकेको छ । आज साँझ हुने पोखरा एभेन्जर्स र सुदूरपश्चिम रोयल्सबीचको खेलको प्रत्यक्ष अपडेट लिएर आएका छौं । हामीसँगै रहनुहोला ।
.png)
