जुलियन अल्भारेजको ४८औँ मिनेटको गोल निर्णायक बनेपछि एटलेटिकोले १० खेलबाट २५ अंक जोड्दै बार्सिलोनासँग दूरी दुई अंकमा सीमित गर्यो।
काठमाडौँ — एटलेटिको म्याड्रिडले शनिबार स्पेनी ला लिगामा डेपोर्टिभो लाकुरुनालाई १–० ले हराएको छ । यो जितपछि लयमा रहेको एटलेटिकोले दोस्रो स्थानमा आफ्नो स्थिति अझ मजबुत गरेको छ ।
एटलेटिकोको १० खेलबाट २५ अंक भएको छ । यो शीर्षमा रहेको बार्सिलोनासँग दुई अंकको मात्र दूरी हो । एटलेटिकोका लागि घरमा भएको खेलमा एक मात्र गोल जुलियन अल्भारेजले ४८ औं मिनेटमा गरे र यो नै तीन अंक बटुल्न पर्याप्त रह्यो ।
बार्सिलोना २७ अंकमा पहिलो र रियल म्याड्रिड २१ अंकमा तेस्रो स्थानमा छन् । बार्सिलोना र रियलबीच नै अब अल क्लासिको खेल रहेको छ ।
आइतबारका अन्य खेलमा भिल्लारियलले भ्यालेन्सियालाई २–१, रेसिङ सान्टेन्डरले इस्पनयोगललाई २–१ र एल्चेले रायो भालेकानोलाई ३–० ले हरायो ।
