Trending
Prev Story
Next Story

बलिङमा छाएका रिजन

Onlinekhabar •
November 20, 2026 • 12:00 PM
4
4 reads 0 reactions 4 comments

५ मंसिर, काठमाडौं । तेस्रो संस्करणको नेपाल प्रिमियर लिग (एनपीएल)मा फाइनलमा पुग्न नसकेपनि विधागततर्फ चितवन राइनोजका खेलाडीले वर्चश्व कायम गरे । चितवनका रिजन ढकालले उत्कृष्ट नेपाली खेलाडी र उत्कृष्ट बलरको अवार्ड हात पार्दा चितवनकै कमिल मिशारा …

1 / 2
Swipe Photos

५ मंसिर, काठमाडौं । तेस्रो संस्करणको नेपाल प्रिमियर लिग (एनपीएल)मा फाइनलमा पुग्न नसकेपनि विधागततर्फ चितवन राइनोजका खेलाडीले वर्चश्व कायम गरे ।

चितवनका रिजन ढकालले उत्कृष्ट नेपाली खेलाडी र उत्कृष्ट बलरको अवार्ड हात पार्दा चितवनकै कमिल मिशारा ‘इनर्जेटिक प्लेयर अफ द टुर्नामेन्ट’ बने ।

च्याम्पियन टोली सूदुरपश्चिम रोयल्सबाट कप्तान दीपेन्द्रसिंह ऐरी ‘प्लेयर अफ द टुर्नामेन्ट’ बन्दा उपविजेता लुम्बिनीले स्पिरिट अफ क्रिकेटको अवार्डमा चित्त बुझायो ।

विराटगर किंग्सका लोकेश बमले उत्कृष्ट ब्याटर र जनकपुर बोल्ट्सका युवा बलर राहुल यादवले इमर्जिङ प्लेअरको अवार्ड जिते ।

उत्कृष्ट नेपाली खेलाडी र उत्कृष्ट बलरको अवार्ड जितेका रिजनले कार र मोटरसाइकल हात पारे । चितवनलाई दोस्रो क्वालिफायरसम्म पुर्याउन रिजनले उत्कृष्ट प्रदर्शन गरेका थिए ।

रिजनले ८ खेलबाट १७ विकेट लिँदै यो सिजनमा सर्वाधिक विकेट लिने खेलाडी बने । सूदुरपश्चिमका स्कट कुइगेइन १५ विकेट लिँदै दोस्रो स्थानमा रहे ।

रिजनले पहिलो खेलमै २ विकेट लिँदै राम्रो सुरुआत गरेका थिए । विराटनगर किंग्सलाई ८ विकेटले पराजित गर्दा रिजनले २ विकेट लिए । उनले ३ ओभरमा २५ रन खर्चिए ।

लुम्बिनी लायन्सविरुद्धको खेल वर्षाका कारण रद्द हुँदा सुदूरपश्चिम रोयल्सविरुद्ध रिजनले खासै राम्रो प्रदर्शन गर्न सकेनन् । एक ओभरमा एक विकेट लिएपनि १८ रन खर्चिदैँ महँगो सावित भए । उक्त खेलमा चिवतन ५ विकेटले पराजित हुन पुग्यो ।

पोखरा एभेन्जर्सलाई ३० रनले पराजित गर्दा रिजन नायक बने । उक्त खेलमा रिजन एक्लैले ४ विकेट लिँदै प्लेयर अफ द म्याच घोषित भए । उनले ४ ओभरमा २४ रन खर्चिएका थिए । काठमाण्डु गोर्खाजसँग १० रनले पराजित भएपनि रिजनको लय कायम रह्यो । रिजनले ४ ओभर बलिङ गर्दै १४ रन खर्चिएर ३ विकेट हात पारे ।

जनकपुर बोल्ट्सलाई ४ विकेटले पराजित गर्दा पनि रिजनले किफायती बलिङ गरे । उनले ३ ओभरमा १० रन खर्चेर एक विकेट लिए । कर्णाली याक्ससँग २४ रनले पराजित भएको खेलमा रिजनले एक विकेट लिए । उनले ४ ओभरमा ३५ रन खर्चिएर एक विकेट लिएका थिए ।

इलिमिनेटरमा काठमाण्डुविरुद्ध रिजनले शानदार प्रदर्शन गरे । उनले ४ ओभरमा १६ रन खर्चेर ४ विकेट लिए । उक्त खेलमा काठमाण्डुलाई हराउँदै चितवन क्वालिफायर २ मा प्रवेश गरेको थियो । दोस्रो क्वालिफायरमा आफ्नो टोली पराजित भएपनि रिजनले एक विकेट लिँदै आफ्नो प्रभाव कायम राखे ।

एनपीएलको पहिलो संस्करणमा उत्कृष्ट प्रदर्शन गरेका रिजन दोस्रो सिजन भने चल्न सकेका थिएनन् । उनले पहिलो सिजनमा १३ विकेट लिँदै सर्वाधिक विकेट लिने खेलाडीको पाँचौं नम्बरमा थिए । दोस्रो सिजनमा रिजनले ५ खेलमा मात्र ३ विकेट लिएका थिए । तिनवटै सिजन रिजनले चितवनबाटै खेलेका छन् ।

यो अवार्डले क्रिकेटमा लाग्न थप मोटिभेट गरेको रिजन बताउँछन् । ‘यसले मेरो आगामी क्रिकेट यात्रालाई सहज बनाएको महसुस गरेको छु । यो प्रतियोगितामा कन्सिटेन्ट प्रदर्शन गरेको छु । यसलाई नै लिएर अगाडि जाऊँ भन्ने सोच छ’ उनले भने ।

घरेलु क्रिकेटमा बागमती प्रदेशबाट खेल्दै आएका तीव्र गतिका बलर रिजनले राम्रो प्रदर्शन गर्दै आइरहेका छन् । गत अप्रिलमा भएको प्रधानमन्त्री कप क्रिकेटमा रिजनले ९ खेलमा १७ विकेट लिएका थिए ।

रिजनले राष्ट्रिय टोलीबाट समेत डेब्यु गरिसकेका छन् । उनले सन् २०२४ को फेब्रुअरीमा क्यानडाविरुद्ध ओडीआई र टी–२०आईमा डेब्यु गरेका थिए ।

सन् २०२५ जुन यता उनी राष्ट्रिय टोलीबाट खेल्ने अवसर पाएका छैनन् । उनले नेपालका लागि ४ ओडीआईमा ३ र ८ टी–२०आईमा ४ विकेट लिएका छन् ।

अनुभवी बलर सोमपाल कामी र करण केसी हुँदा रिजनले सीमित अवसर मात्र पाउने गरेका छन् ।

Prev Swipe Story Next

Same Story from Other Publications

Compare how 5 other independent news outlets reported on this story.

5 Publications
Nagarik News
5h ago
रिजन ढकालले पाए ओमोडा कार र पल्सर बाइक

रिजन ढकालले पाए ओमोडा कार र पल्सर बाइक

नेपाल प्रिमियर लिग (एनपिएल) को तेस्रो सिजनमा चितवन राइनोजका बलर रिजन ढकाल सर्वोत्कृष्ट खेलाडी र उत्कृष्ट बलर घोषित भएका छन्।

#एनपीएल #प्रिमियर-लिग #उत्कृष्ट
Compare →
Hamro Patro News
5h ago
एनपिएल सिजन–३: रिजनले जिते कार र बाइक

एनपिएल सिजन–३: रिजनले जिते कार र बाइक

काठमाडौं । नेपाल प्रिमियर लिग (एनपिएल) को तेस्रो सिजनमा चितवन राइनोजका बलर रिजन ढकालले ओमोडाको कार प्राप्त गरेका छन् । तेस्रो सिजनमा सर्वोत्कृष्ट खेलाडी भएपछि रिजनले कार पाएका हुन् । चितवन प्लेअफम...

#एनपीएल #प्रिमियर-लिग #चितवन
Compare →
Bizshala
2h ago
एनपीएल छैटौँ संस्करणदेखि होम एन्ड अवे प्रणालीमा खेलाउने घोषणा, आठै क्लबलाई फ्लडलाइटसहितको घरेलु मैदान

एनपीएल छैटौँ संस्करणदेखि होम एन्ड अवे प्रणालीमा खेलाउने घोषणा, आठै क्लबलाई फ्लडलाइटसहितको घरेलु मैदान

काठमाण्डौ । प्रधानमन्त्री बालेन शाहले नेपाल प्रिमियर लिग (एनपीएल) को छैटौँ संस्करणदेखि होम एन्ड अवे प्रणालीमा...

#एनपीएल #प्रिमियर-लिग
Compare →
Arthasansar
6h ago
एनपीएलको उपाधि सुदुरपश्चिमलाई, लुम्बिनी माथि १० विकेटकाे किर्तिमानी जित

एनपीएलको उपाधि सुदुरपश्चिमलाई, लुम्बिनी माथि १० विकेटकाे किर्तिमानी जित

नेपाल प्रिमियर लिग (एनपीएल) को तेस्रो सिजनको उपाधि सुदुरपश्चिम रोएल्सले जितेको हो । शनिबार भएको खेलमा साविक विजेता लुम्बिनी लायन्सलाई...

#एनपीएल #प्रिमियर-लिग
Compare →
Ekantipur
6h ago
तस्बिरमा हेर्नुहोस् एनपीएल फाइनल

तस्बिरमा हेर्नुहोस् एनपीएल फाइनल

भेट्रान स्कटिस ब्याटर जर्ज मुन्सेले सानदार शतक बनाएपछि सुदूरपश्चिम रोयल्सले तेस्रो सिजनमा आएर नेपाल प्रिमियर लिग (एनपीएल) क्रिकेटको पहिलो उपाधि जितेको छ । सुदूरपश्चिमले शनिबार भएको फाइनलमा लुम्बिनी लायन्सलाई १० विकेटले पराजित गर्‍यो ।

#एनपीएल #प्रिमियर-लिग
Compare →

Related Stories

Sports
Build #2612