Trending
Prev Story
Next Story

आँखा शिविरबाट १४ सयले लिए सेवा, १५० जनामा मोतियाविन्दु भेटियो

Nagarik News •
November 20, 2026 • 02:04 PM
1
1 reads 0 reactions

आँखा शिविरमा विद्यार्थी, अभिभावक, शिक्षक शिक्षिका तथा सर्वसाधारणले आँखा परीक्षण र उपचारको अवसर पाएका हुन्।

आँखा शिविरबाट १४ सयले लिए सेवा, १५० जनामा मोतियाविन्दु भेटियो

सदरमुकाम गाईघाटस्थित त्रियुगा माध्यमिक विद्यालयमा आयोजित निःशुल्क आँखा जाँच शिविरबाट एक हजार ४ सय जना लाभान्वित भएका छन्।

आँखा शिविरमा विद्यार्थी, अभिभावक, शिक्षक शिक्षिका तथा सर्वसाधारणले आँखा परीक्षण र उपचारको अवसर पाएका हुन्।

त्रियुगा माविमा अध्ययनरत विद्यार्थी, तिनका अभिभावक तथा शिक्षक शिक्षिकालाई लक्षित गरी चौधरी आँखा अस्पताल लहानसँगको समन्वयमा त्रियुगा नगरपालिकाद्वारा आयोजित ३ दिने शिविर बुधबार उद्घाटन गरी शुक्रबारसम्म सञ्चालन भएको हो। नगरपालिका स्वास्थ्य शाखा प्रमुख उपेन्द्र कार्कीका अनुसार शिविरमा सेवा पाउने लाभग्राहीमध्ये ८ सय ५ जना विद्यार्थी छन् भने बाँकी अभिभावक, शिक्षक शिक्षिका र सर्वसाधारण रहेका छन्।

शिविरमा आँखा जँचाएकामध्ये १ सय ५० जनामा मोतियाविन्दुको समस्या देखिएको छ। मोतियाविन्दु भएका बिरामीलाई आवश्यकताअनुसार चश्मा वितरण गरिएको छ भने चश्माले काम नदिनेलाई निःशुल्क शल्यक्रिया (अप्रेसन)को व्यवस्था मिलाइएको छ। जसअनुसार २१ जना विद्यार्थीलाई चश्मा वितरण गरिएको नगर स्वास्थ्य शाखा अधिकृत कार्कीले बताए।

बुधबार नगरप्रमुख बसन्त बस्नेत र उपप्रमुख महेश्वरी राईले संयुक्त रूपमा उद्घाटन गरेको शिविरमा फेला परेका मोतियाविन्दुका बिरामीलाई चौधरी आँखा अस्पताल लहान सिराहा लगेर निःशुल्क अप्रेसन गर्ने काम भइरहेको छ। जसअनुसार बिहीबार र शुक्रबार गरी ६९ जनालाई अप्रेसन गर्न लहान पठाइसकिएको छ।

पहिलो र दोस्रो दिन फेला परेका ३५ जना मोतियाविन्दुका बिरामीको शुक्रबार नै अप्रेसन भइसकेको छ भने दोस्रो दिन अप्रेसन गर्न नभ्याएका र अन्तिम दिन फेला परेका मोतियाविन्दु पीडितमध्ये ३४ जनालाई शुक्रबार लहान पठाइएको छ। १ सय ५० मध्ये ५१ जनालाई भने आइतबारसम्ममा अप्रेसन गर्ने गरी शनिबार लहान पठाइने छ।

शिविरमा चौधरी आँखा अस्पताल लहानका चिकित्सक डा. बिनय कामतको नेतृत्वमा आँखा प्राविधिकहरू परिचालन गरिएको नगरपालिकाले जनाएको छ। ३ हजार बढी विद्यार्थी अध्ययनरत रहेको विद्यालयमा दसैँ, तिहार तथा छठका कारण बिदामा गएका कारण सबैको सहभागिता भने हुन नसकेको प्रधानाध्यापक सुभाष बिष्टले बताए।

उनका अनुसार शिशुदेखि कक्षा १२ सम्म अंग्रेजी र नेपाली दुवै माध्यममा पठनपाठन हुने गरेको प्राविधिक धारसमेतको त्रियुगा माविमा कक्षा ११ र १२ मा विज्ञान, शिक्षा तथा व्यवस्थापन विषयमा पढाइ हुने गरेको छ। प्राविधिक धारतर्फ भने कक्षा ९ देखि १२ सम्म सिभिल इन्जिनियरिङ विषयमा पठनपाठन भइरहेको छ।

सदरमुकाम बजार, भौतिक पूर्वाधारले भरिपूर्ण, शिक्षा मन्त्रालयले ५ वर्ष नमुना घोषित गरेर पर्याप्त पूर्वाधार संरचना र शैक्षिक उपकरणयुक्त भएकाले गुणस्तरीय शिक्षामा त्रियुगा मावि सामुदायिक विद्यालयतर्फ त्रियुगा नगरपालिकाभरिकै उत्कृष्ट शिक्षण संस्थाको परिचय बनाउन सफल भइसकेको छ।

प्रकाशित: ४ मंसिर २०८३ १९:४९ शुक्रबार

Prev Swipe Story Next

Same Story from Other Publications

Compare how 3 other independent news outlets reported on this story.

3 Publications
Onlinekhabar
1d ago
आँखा पाकेर दृष्टिमै असर पार्ने, के हो अत्यन्तै संक्रामक ‘इकेसी ?’

आँखा पाकेर दृष्टिमै असर पार्ने, के हो अत्यन्तै संक्रामक ‘इकेसी ?’

आँखा रातो भएको छ, निरन्तर आँसु बगिरहेको छ, पोल्ने र चिलाउने समस्या पनि छ । आँखामा केही परेको जस्तो असहज महसुस भइरहेको छ । धेरैले यस्तो अवस्थालाई सामान्य आँखाको संक्रमण ठानेर बेवास्ता गर्न सक्छन् । तर …

#आँखा
Compare →
Hamro Patro News
3d ago
हिमालय आँखा अस्पतालको सेवा अब व्यास नगरपालिकामा

हिमालय आँखा अस्पतालको सेवा अब व्यास नगरपालिकामा

दमौली– तनहुँको व्यास नगरपालिकामा आँखा उपचार केन्द्र सञ्चालनमा आएको छ । नेपाल नेत्रज्योति सङ्घ, हिमालय आँखा अस्पताल पोखरा र व्यास नगरपालिकाको सहकार्यमा स्थापना गरिएको आँखा उपचार केन्द्रको शुभारम्भ ग...

#आँखा
Compare →
Ekantipur
1w ago
स्कुल बिदामा शिक्षक–विद्यार्थीलाई फूल टिपेर बेच्ने चटारो

स्कुल बिदामा शिक्षक–विद्यार्थीलाई फूल टिपेर बेच्ने चटारो

तिहार बिदामा विद्यालय सुनसान हुनुपर्ने हो । तर, सन्धिखर्क नगरपालिका–८ पकलेस्थित जनताकृष्ण माध्यमिक विद्यालयका शिक्षक र विद्यार्थीलाई यतिबेला फूल टिपेर बिक्री गर्न भ्याइनभ्याइ छ ।

#विद्यार्थी #शिक्षक
Compare →

Related Stories

Health & Wellness
Build #2612