१२ औं रेडियन्ट कप अन्तरविद्यालय बास्केटबल प्रतियोगितामा आयोजक रेडियन्ट पब्लिकको कोर्टमा एक्सेल्सियरले केभीसीलाई ४४–४० स्काेरले हरायो ।
काठमाडौ — द एक्सेल्सियर स्कुलले १२ औं रेडियन्ट कप अन्तरविद्यालय बास्केटबल प्रतियोगिताको सिनियर ब्वाइजमा जित पाएकाे छ ।
आयोजक रेडियन्ट पब्लिकको कोर्टमा शुक्रबार एक्सेल्सियरले केभीसीलाई ४४–४० स्काेरले हरायो । एक्सेल्सियरका निर्माण घिमिरेले १५ स्काेर जोडे ।
सिनियर ब्वाइजमै ग्रिनफिल्डले राराहिललाई २४–२२, न्यु जेनिथले एक्सेल पब्लिकलाई २६–११, होली भिजनले बेबी एन्जललाई ४१–१६, बालदीक्षा सदनले रेडियन्ट रिडर्सलाई ३५–२२ तथा निसर्ग वाटिकाले सभ्यता पाठशालालाई ३७–१६ ले हराए ।
ग्रिनफिल्डका अनिमेश बोहराले ८, न्यु जेनिथका सौगातले १०, होली भिजनका आकाश धामीले ९, बाल दीक्षा सदनका निश्चल महर्जनले १८ र निसर्ग वाटिकाका अर्नव सिंहले १२ स्कोर गरे ।
सिनियर गर्ल्समा राराहिलले न्यु भिजनलाई १८–३ तथा रिब्सले जेसिसलाई २१–२० ले हराए । राराहिलकी एलिशा ओलीले ६ र रिब्सकी सुप्रिया मल्लले ७ स्कोर गरेका थिए ।