Trending
Prev Story
Next Story

दार्माको भूकम्प प्रभावित क्षेत्रमा पुनर्मूल्यांकन गर्न प्राविधिक खटाइने

Ekantipur •
November 20, 2026 • 05:33 AM
5
5 reads 0 reactions

जिल्ला विपद् व्यवस्थापन समितिले लाभग्राहीका रूपमा कायम भई प्रमाणीकरण गरी पठाएका ७ सय ५६ घरधुरीको पुनर्मूल्यांकन गर्न प्राविधिक खटाउने निर्णय गरेको हो ।

दार्माको भूकम्प प्रभावित क्षेत्रमा पुनर्मूल्यांकन गर्न प्राविधिक खटाइने

जिल्ला विपद् व्यवस्थापन समितिले लाभग्राहीका रूपमा कायम भई प्रमाणीकरण गरी पठाएका ७ सय ५६ घरधुरीको पुनर्मूल्यांकन गर्न प्राविधिक खटाउने निर्णय गरेको हो ।

सल्यान — सल्यानको दार्मा गाउँपालिकामा भूकम्पबाट क्षति पुगेका घरहरूको पुनर्मूल्यांकन गर्न प्राविधिक टोली खटाइने भएको छ । जिल्ला विपद् व्यवस्थापन समितिले लाभग्राहीका रूपमा कायम भई प्रमाणीकरण गरी पठाएका ७ सय ५६ घरधुरीको पुनर्मूल्यांकन गर्न प्राविधिक खटाउने निर्णय गरेको हो ।

पुनर्मूल्यांकनका लागि पूर्वाधार विकास कार्यालय, खानेपानी, सिँचाइ तथा ऊर्जा विकास कार्यालय सल्यान र जिल्ला समन्वय समितिसहितको प्राविधिक टोली परिचालन गरिने प्रमुख जिल्ला अधिकारी वन्दना कुमारी केसीले बताइन् । उनका अनुसार मंसिरको अन्तिम सातादेखि पुनर्मूल्यांकनको काम सुरु गर्ने तयारी छ ।

प्राविधिक टोली परिचालन गर्ने निर्णय यसअघि जेठमै भए पनि जनशक्ति अभाव र केही प्रक्रियागत ढिलाइका कारण कार्यान्वयन हुन नसकेको केसीले बताइन् । अहिले आवश्यक प्राविधिक व्यवस्थापन गरेर पुनर्मूल्यांकनको काम अघि बढाउन लागिएको उनले जानकारी दिइन् । प्राविधिक भूकम्प प्रभावित क्षेत्रमा पुगेर तीव्र रूपमा पुनर्मूल्यांकनको काम गरिने प्रमुख जिल्ला अधिकारी केसीले जानकारी दिइन् ।

दार्मा गाउँपालिकाका अध्यक्ष निमबहादुर केसीले पुनर्मूल्यांकनको प्रक्रिया पटकपटक दोहोरिँदा भूकम्प प्रभावितले राहत तथा पुनर्निर्माणको लाभ पाउन ढिलाइ भएको गुनासो गरे । उनका अनुसार स्थानीय विपद् व्यवस्थापन समितिले विवरण संकलन गरी जिल्लामा पठाएको र जिल्लाबाट समेत प्रमाणीकरण गरेर पठाइएका विवरणमाथि पुनः पुनर्मूल्यांकन गर्न लागिएको हो ।

पालिकाले लाभग्राहीको विवरण संकलन तथा प्रमाणीकरणको काम गत २०८१ वैशाखमै सम्पन्न गरेको भए पनि राष्ट्रिय विपद् जोखिम न्यूनीकरण तथा व्यवस्थापन प्राधिकरणबाट प्रक्रिया अघि बढ्न ढिलाइ भएको अध्यक्ष केसीको भनाइ छ । गाउँपालिकाभित्र करिब ४ हजार ८ सय घरधुरीमध्ये १ हजार ६ सय घरधुरीले अहिलेसम्म पहिलो किस्तासमेत नपाएको उनले बताए । हालसम्म प्राधिकरणले ५ सय ५६ लाभग्राही संख्या मात्र कायम गरेर पठाएको र त्यसको पनि पुनर्मूल्यांकन गर्न भनिएको उनले बताए ।

‘रुकुम र जाजरकोटमा पुनर्निर्माणको काम अघि बढिसकेको छ, सल्यानमा भने प्रभावितले अझै प्रक्रिया पूरा गर्नुपर्ने अवस्था छ,’ अध्यक्ष केसीले भने, ‘पटकपटक मूल्यांकन र प्रमाणीकरण गर्न लगाउँदा प्रभावितलाई थप अन्योल भएको छ ।’

उनले राष्ट्रिय विपद् जोखिम न्यूनीकरण तथा व्यवस्थापन प्राधिकरणको ढिलाइका कारण प्रभावितले पुनर्निर्माणको प्रक्रिया समयमै अघि बढाउन नसकेको भन्दै यथाशीघ्र अनुदान तथा पुनर्निर्माण प्रक्रिया टुंग्याउनुपर्ने माग गरे ।

सरिता चलाउने कान्तिपुरकी सल्यान संवाददाता हुन् ।

Prev Swipe Story Next

Same Story from Other Publications

Compare how 4 other independent news outlets reported on this story.

4 Publications
Onlinekhabar
3d ago
अमेरिकाका प्रमुख बैंकमा प्राविधिक समस्या, हजारौं ग्राहक प्रभावित

अमेरिकाका प्रमुख बैंकमा प्राविधिक समस्या, हजारौं ग्राहक प्रभावित

१ मंसिर, काठमाडौं । अमेरिकाका प्रमुख बैंकहरूमा प्राविधिक समस्या आउँदा हजारौं ग्राहकहरु समस्यामा परेका छन् । जेपी मोर्गन चेज, वेल्स फार्गो र बैंक अफ अमेरिकाका हजारौं ग्राहकहरुले सोमबार बैंकिङ सेवा प्रयोग गर्न समस्या भोगेको गुनासो …

#प्राविधिक #प्रभावित
Compare →
Nagarik News
16h ago
टाटा समूह र सिप्रदियन सहायता संस्थाद्वारा नुवाकोटका विपद् प्रभावित परिवारलाई दुई हजार स्टिल दराज हस्तान्तरण

टाटा समूह र सिप्रदियन सहायता संस्थाद्वारा नुवाकोटका विपद् प्रभावित परिवारलाई दुई हजार स्टिल दराज हस्तान्तरण

‘एक टाटा नेपाल जीएलओएफ विपद् प्रतिकार्य कार्यक्रम २०२६’ अन्तर्गत टाटा समूह र सिप्रदियन सहायता संस्था (एसएसएस) को सहकार्यमा उक्त सहयोग उपलब्ध गराइएको हो।

#विपद् #प्रभावित
Compare →
Bizshala
3d ago
अमेरिकाका प्रमुख बैंकमा किन आयो प्राविधिक समस्या ?

अमेरिकाका प्रमुख बैंकमा किन आयो प्राविधिक समस्या ?

काठमाडौं। अमेरिकाका प्रमुख बैंकहरूमा देखिएको प्राविधिक समस्याका कारण हजारौँ ग्राहकले बैंकिङ सेवा प्रयोग गर्न कठिनाइ...

#प्राविधिक
Compare →
Hamro Patro News
4d ago
प्राविधिक समस्याले अमेरिकाको हवाई सेवा अस्तव्यस्त

प्राविधिक समस्याले अमेरिकाको हवाई सेवा अस्तव्यस्त

अमेरिकामा प्राविधिक समस्याका कारण शुक्रबार राष्ट्रव्यापी रूपमा हवाई उडान रोकिएपछि हजारौँ यात्रु प्रभावित भएका छन्। चार घण्टाभन्दा बढी समयसम्म जारी उडान रोक शनिबार राति करिब ८ः१५ बजे (स्थानीय समय) अ...

#प्राविधिक
Compare →

Related Stories

Science & Climate
Build #2612