Trending
Prev Story
Next Story

अमेरिकाका प्रमुख बैंकमा प्राविधिक समस्या, हजारौं ग्राहक प्रभावित

Onlinekhabar •
November 17, 2026 • 01:00 AM
3
3 reads 0 reactions

१ मंसिर, काठमाडौं । अमेरिकाका प्रमुख बैंकहरूमा प्राविधिक समस्या आउँदा हजारौं ग्राहकहरु समस्यामा परेका छन् । जेपी मोर्गन चेज, वेल्स फार्गो र बैंक अफ अमेरिकाका हजारौं ग्राहकहरुले सोमबार बैंकिङ सेवा प्रयोग गर्न समस्या भोगेको गुनासो …

अमेरिकाका प्रमुख बैंकमा प्राविधिक समस्या, हजारौं ग्राहक प्रभावित

१ मंसिर, काठमाडौं । अमेरिकाका प्रमुख बैंकहरूमा प्राविधिक समस्या आउँदा हजारौं ग्राहकहरु समस्यामा परेका छन् । जेपी मोर्गन चेज, वेल्स फार्गो र बैंक अफ अमेरिकाका हजारौं ग्राहकहरुले सोमबार बैंकिङ सेवा प्रयोग गर्न समस्या भोगेको गुनासो गरेका छन् ।

अमेरिकाको सबैभन्दा ठूलो बैंकिङ संस्था चेज बैंकले आफ्नो हार्डवेयर प्रणालीमा देखिएको ‘सफ्टवेयर बग’ का कारण समस्या उत्पन्न भएको हुनसक्ने जनाएको छ । उक्त समस्याले अन्य बैंकका सेवासमेत प्रभावित भएको हुनसक्ने बैंकको भनाइ छ ।

बैंकले समस्यालाई अस्थायी प्रकृतिको भन्दै यसमा प्रणालीगत त्रुटि वा साइबर आक्रमणको कुनै सम्बन्ध नरहेको स्पष्ट पारेको छ ।

सोमबार दिउँसोदेखि सुरु भएको समस्या साँझसम्म आइपुग्दा क्रमशः कम हुँदै गएको थियो । सेवा अवरुद्ध भएको विषय अनुगमन गर्ने वेबसाइट डाउनडिटेक्टरका अनुसार चेज बैंकका सेवामा समस्या आएको भन्दै करिब पाँच हजार प्रयोगकर्ताले रिपोर्ट गरेका थिए ।

चेज बैंकले आफ्ना ग्राहकलाई सूचना जारी गर्दै केही कारोबार पूरा हुन सामान्यभन्दा बढी समय लागिरहेको जनाएको थियो । यद्यपि ग्राहकले आफ्नो खाता र रकममा पहुँच कायम राख्न सक्ने बैंकको भनाइ थियो ।

जेपी मोर्गन चेजको सहायक संस्था चेज बैंकका अमेरिकाभर पाँच हजार शाखा छन् । कम्पनीको वेबसाइटअनुसार यसले ८ करोड ६० लाखभन्दा बढी ग्राहक र ७४ लाख साना व्यवसायलाई बैंकिङ सेवा प्रदान गर्दै आएको छ । यो अमेरिका सबैभन्दा ठूलो क्रेडिट कार्ड जारी गर्ने संस्था पनि हो ।

यद्यपि, प्रणालीमा देखिएको सफ्टवेयर समस्याको वास्तविक प्रकृति भने नखुलाइएको बीबीसीले जनाएको छ ।

यसैबीच, यूएस बैंकले आफ्ना केही प्रणाली प्रत्यक्ष रूपमा प्रभावित नभए पनि डिजिटल भुक्तानी प्लेटफर्म जेल (Zelle) प्रयोग गर्ने ग्राहकले समस्या भोगेको जनाएको छ । ग्राहकले रकम पठाउन खोज्दा भुक्तानी हुन नसकेको सन्देश प्राप्त गरेका थिए ।

जेलले भने आफ्नो सेवा सामान्य रूपमा सञ्चालन भइरहेको दाबी गरेको छ । अन्य बैंकमा देखिएका प्राविधिक समस्याले भुक्तानी प्रक्रियामा असर पारेको हुन सक्ने उसको भनाइ छ ।

ट्रुइस्ट, पीएनसी र क्यापिटल वन बैंकका ग्राहकले पनि सेवा प्रयोगमा समस्या आएको गुनासो गरेका थिए । तर ती बैंकहरूले भने आफ्ना सेवा प्रभावित नभएको बताएका बीबीसीले जनाएको छ ।

सोमबार साँझ ६ बजेसम्म (अमेरिकी समय) चेज, बैंक अफ अमेरिका र यूएस बैंकमा सेवा अवरुद्ध भएको भन्दै आएका रिपोर्टको संख्या घट्न थालेको थियो ।

पछिल्लो समस्या अमेरिकामा एकपछि अर्को प्राविधिक अवरोध देखिएका बेला आएको हो । गत साता माइक्रोसफ्टको ठूलो प्राविधिक अवरोध, दूरसञ्चार सेवामा समस्या र नेटवर्क असफलताका कारण अमेरिकाका सबै उडानसमेत प्रभावित भएका थिए ।

लगातार देखिएका यस्ता प्राविधिक समस्याले बैंकिङ, भुक्तानी, सञ्चार र हवाई सेवाजस्ता अत्यावश्यक क्षेत्रमा डिजिटल प्रणालीमाथिको निर्भरता र त्यसको जोखिमबारे पुनः प्रश्न उठाएको छ ।

Prev Swipe Story Next

Same Story from Other Publications

Compare how 5 other independent news outlets reported on this story.

5 Publications
Bizshala
1h ago
अमेरिकाका प्रमुख बैंकमा किन आयो प्राविधिक समस्या ?

अमेरिकाका प्रमुख बैंकमा किन आयो प्राविधिक समस्या ?

काठमाडौं। अमेरिकाका प्रमुख बैंकहरूमा देखिएको प्राविधिक समस्याका कारण हजारौँ ग्राहकले बैंकिङ सेवा प्रयोग गर्न कठिनाइ...

#समस्या #अमेरिका #प्राविधिक
Compare →
Hamro Patro News
1d ago
प्राविधिक समस्याले अमेरिकाको हवाई सेवा अस्तव्यस्त

प्राविधिक समस्याले अमेरिकाको हवाई सेवा अस्तव्यस्त

अमेरिकामा प्राविधिक समस्याका कारण शुक्रबार राष्ट्रव्यापी रूपमा हवाई उडान रोकिएपछि हजारौँ यात्रु प्रभावित भएका छन्। चार घण्टाभन्दा बढी समयसम्म जारी उडान रोक शनिबार राति करिब ८ः१५ बजे (स्थानीय समय) अ...

#समस्या #अमेरिका #प्राविधिक
Compare →
Nagarik News
1d ago
प्राविधिक समस्या हुँदा अमेरिकाको हवाई सेवा अस्तव्यस्त, १७ हजार उडान रद्द

प्राविधिक समस्या हुँदा अमेरिकाको हवाई सेवा अस्तव्यस्त, १७ हजार उडान रद्द

अमेरिकामा प्राविधिक समस्याका कारण शुक्रबार राष्ट्रव्यापी रूपमा हवाई उडान रोकिएपछि हजारौँ यात्रु प्रभावित भएका छन्।

#समस्या #अमेरिका #प्राविधिक
Compare →
Ekantipur
3d ago
भायानेटले ल्यायो आजको प्रोब्लम, आजै फिक्स सेवा

भायानेटले ल्यायो आजको प्रोब्लम, आजै फिक्स सेवा

यस सेवाअन्तर्गत साँझ ५ बजेअघि दर्ता गरिएका इन्टरनेटसम्बन्धी प्राविधिक समस्या सोही दिन समाधान गर्ने लक्ष्यसहित प्राथमिकतामा राखिने

#समस्या #प्राविधिक
Compare →
Arthasansar
1d ago
अमेरिकाको मियामी विमानस्थलमा दुई विमान ठाेक्कीएर दुर्घटना

अमेरिकाको मियामी विमानस्थलमा दुई विमान ठाेक्कीएर दुर्घटना

अमेरिकाको मियामी अन्तर्राष्ट्रिय विमानस्थलमा शनिबार राति दुईवटा विमान आपसमा ठोक्किँदा दुई जना सामान्य घाइते भएका छन्। ट्याक्सीवेमा गुडिरहेका बेला कोपा...

#अमेरिका
Compare →

Related Stories

World News
Build #2612