Trending
Prev Story
Next Story

आज काठमाडौं विश्वको तेस्रो प्रदूषित शहरको सूचीमा छ, यो राम्रो समाचार होइन : डंगोल

Onlinekhabar •
November 19, 2026 • 11:30 AM
3
3 reads 0 reactions

३ मंसिर, काठमाडौं । काठमाडौं महानरगपालिकाकी कार्यवाहक प्रमुख सुनिता डंगोलले काठमाडौं उपत्यकामा बढ्दो वायु प्रदुषण नियन्त्रणका लागि गृहकार्य भइरहेको बताएकी छिन् । बिहीबार राजधानीमा जलवायु कार्य सप्ताहबारे जानकारी दिन आयोजित पत्रकार सम्मेलनमा बोल्दै उनले जाडोयाम बढेसँगै …

आज काठमाडौं विश्वको तेस्रो प्रदूषित शहरको सूचीमा छ, यो राम्रो समाचार होइन : डंगोल

३ मंसिर, काठमाडौं । काठमाडौं महानरगपालिकाकी कार्यवाहक प्रमुख सुनिता डंगोलले काठमाडौं उपत्यकामा बढ्दो वायु प्रदुषण नियन्त्रणका लागि गृहकार्य भइरहेको बताएकी छिन् ।

बिहीबार राजधानीमा जलवायु कार्य सप्ताहबारे जानकारी दिन आयोजित पत्रकार सम्मेलनमा बोल्दै उनले जाडोयाम बढेसँगै काठमाडौं उपत्यकामा वायु प्रदुषण समेत बढ्दै जाने उल्लेख गर्दै यसको नियन्त्रणको कार्ययोजना निर्माणको गृहकार्य भइरहेको बताइन् ।

‘हरेक दिन सातै दिन सातवटा फरक फरक थिममा हामीले काम गर्दैछौं । जलवायु परिवर्तनका विभिन्न आयाम तथा पक्षहरूसँगै जोडेर हेर्न जरूरी छ । र ती पक्षहरूलाई समग्र रूपमा हामीले सातवटा डिफरेन्ट क्लस्टर, डिफरेन्ट क्याटेगरी, डिफरेन्ट डेज गरेर हामीले जलवायु कार्य गर्न लागेका हौं । यसमा हामीले जतिसक्दो धेरै सरोकारवाला निकायहरूलाई एकै ठाउँमा ल्याएर विमर्श गर्छौं,’ उनले भनिन् ।

उक्त कार्ययोजना यही मंसिर ७ गतेदेखि शुरु हुने जलवायु कार्य सप्ताहमा सार्वजनिक गरिने उनले बताइन् । बिहीबार काठमाडौं विश्वकै तेस्रो धेरै वायु प्रदुषित शहरको सूचीमा रहेको उल्लेख गर्दै उनले यस्तो अवस्था मानव स्वास्थ्यका लागि चिन्ताजनक विषय भएको बताइन् ।

‘हामीले जलवायु परिवर्तनका क्षेत्रमा तत्काल गर्न सक्ने कामहरू के के हुन् ? र ती कामहरू कसरी गर्ने भनेर निष्कर्ष निकाल्छौँ । प्राइभेट सेक्टर, पब्लिक सेक्टर, नागरिक समाज वैज्ञानिक, कृषक सबैजना एकै ठाउँमा बसेर हामीले यो सप्ताहव्यापी रूपमा कार्यक्रमहरू गर्दैछौँ । काठमाडौं महानगरपालिकाले पनि केही जलवायुसँग सम्बन्धित इनिसिएटिभ्सहरूको थालनी गर्दैछौं,’ उनले भनिन् ।

साथै, उनले काठमाडौं उपत्याको वायु प्रदुषण नियन्त्रणका लागि छिमेकी स्थानीय तहहरू, प्रदेश र संघ सरकारसँगको समन्वय र सहकार्य गरिने बताइन् ।

साथै, उनले जलवायु परिवर्तन न्युनिकरण तथा अनुकूलनका उपायबारे सरोकारवालाहरूसँग छलफल गरेर निचोड निकाल्न जलवायु कार्य सप्ताहको आयोजना गर्न लागिएको जानकारी दिइन् । जलवायु परिवर्तनका क्षेत्रमा तत्काल गर्न सकिने काम पहिचान गरी कार्यान्वयनका उपाय तय गर्न उक्त सप्ताह महत्वपूर्ण हुने डंगोलको भनाइ छ । उनले ‘रिचार्ज काठमाडौं’ अभियान पनि सँगसँगै अघि बढाइने बताइन् ।

‘हामीले एयर पोल्युसनको आजै मात्र पनि कुरा गर्ने हो भने पोल्युटेड सिटीजहरू एयर पोल्युसनबाट सबैभन्दा प्रभावित, नकारात्मक प्रभाव परेको पोल्युटेड सिटीजहरूमा हिजो पाँचौँ नम्बरमा, आज तेस्रो नम्बरमा पुगेको छ । यो हाम्रो लागि सुखद समाचार होइन । जाडो महिना बढ्न थालेपछि चिसोसँगसँगै एयर पोल्युसनको कुरा पनि सँगै आउने गर्दछ,’ उनले भनिन्, ‘यी कुराहरूलाई पनि सम्बोधन गर्ने गरी महानगरपालिकाले एयर पोल्युसन एड्रेस गर्ने गरी एक्सन प्लान पनि हामीले यही बेलामा नै सार्वजनिक गर्नेछौं । जसमा हामीले काठमाडौँ महानगरपालिकाले गर्ने प्रयासहरू, महानगरपालिकाले संस्थागत रूपमा गर्छ र सँगसँगै अरू पालिकाहरूसँग मिलेर, प्रदेश र संघ सरकारसँग मिलेर गर्नुपर्ने कामको योजना समेत सार्वजनिक गर्छौं ।’

जलवायु परिवर्तनका स्थानीय असर घटाउन तथा अनुकूलनका लागि स्थानीय तहमा सामूहिक प्रयास, सहकार्यको थालानी गर्ने उद्देश्यले काठमाडौं महानगरपालिकाको आयोजनामा मंसिर ७ गतेदेखि १३ गतेसम्म ‘काठमाडौँ जलवायु कार्य सप्ताह आयोजना हुँदैछ ।

Prev Swipe Story Next

Same Story from Other Publications

Compare how 5 other independent news outlets reported on this story.

5 Publications
Bizshala
1d ago
विश्वका प्रदूषित सहरको सूचीमा काठमाडौँ पाँचौँ स्थानमा, एक्यूआई १७२ पुग्यो

विश्वका प्रदूषित सहरको सूचीमा काठमाडौँ पाँचौँ स्थानमा, एक्यूआई १७२ पुग्यो

काठमाडौँ । काठमाडौँको वायु प्रदूषण बढ्दै विश्वका प्रमुख प्रदूषित सहरको सूचीमा पाँचौँ स्थानमा पुगेको छ ।आईक्यूएयरका...

#काठमाडौं #प्रदूषित #सूची
Compare →
Nagarik News
7h ago
काठमाडौं विश्वकै तेस्रो प्रदूषित सहर

काठमाडौं विश्वकै तेस्रो प्रदूषित सहर

बिहीबार काठमाडौं विश्वकै प्रदूषित सहरको सूचीको तेस्रो स्थानमा पुगेको छ।

#काठमाडौं #प्रदूषित
Compare →
Hamro Patro News
34m ago
काठमाडौंमा चार राष्ट्रबीच कबड्डी च्याम्पियनसिप हुँदै, नेपालको पहिलो खेल थाइल्यान्डसँग

काठमाडौंमा चार राष्ट्रबीच कबड्डी च्याम्पियनसिप हुँदै, नेपालको पहिलो खेल थाइल्यान्डसँग

काठमाडौं, मंसिर ४ । काठमाडौंमा आगामी नोभेम्बर २१ देखि २३ (मंसिर ६ देखि ८) गतेसम्म चार राष्ट्र सम्मिलित ‘फोर नेसन्स कप कबड्डी च्याम्पियनसिप–२०२६’ आयोजना हुने भएको छ। अखिल नेपाल कबड्डी संघको आयोजनाम...

#काठमाडौं
Compare →
Ekantipur
6h ago
अस्वस्थ बन्यो काठमाडौंको वायु

अस्वस्थ बन्यो काठमाडौंको वायु

विश्वका प्रदूषित सहरमध्ये काठमाडौं तेस्रो स्थानमा परेको छ । यहाँको वायु गुणस्तर सूचकांक १८१ छ । यो भनेको सबैका लागि अस्वस्थकर हो ।

#काठमाडौं
Compare →
Arthasansar
1d ago
काठमाडौंको मेयरमा पूर्व शिक्षामन्त्री सुमना श्रेष्ठले उम्मेदवारी दिने

काठमाडौंको मेयरमा पूर्व शिक्षामन्त्री सुमना श्रेष्ठले उम्मेदवारी दिने

पूर्व शिक्षामन्त्री एवं राष्ट्रिय स्वतन्त्र पार्टीका पूर्व सांसद सुमना श्रेष्ठले अब हुने स्थानीय तहको निर्वाचनमा काठमाडौंको मेयर पदमा उम्मेदवारी दिने...

#काठमाडौं
Compare →

Related Stories

World News
Build #2612