रियादमा ठूलो विस्फोटको आवाज सुनिएको थियो । गठबन्धनले क्षेप्यास्त्रका अवशेष खसेर भौतिक क्षति भएको हुनसक्ने जानकारी दिएको छ
रियाद — इरान समर्थित यमनको हुथी विद्रोही समूहले साउदी अरेबियाको राजधानी रियादतर्फ प्रहार गरेको क्षेप्यास्त्र खतरा निस्तेज पारिएको साउदी नेतृत्वको गठबन्धनले बिहीबार जनाएको छ।
रियादमा ठूलो विस्फोटको आवाज सुनिएको थियो । गठबन्धनले क्षेप्यास्त्रका अवशेष खसेर भौतिक क्षति भएको हुनसक्ने जानकारी दिएको छ।
रियादमा साउदी क्राउन प्रिन्स मोहम्मद बिन सलमान र अमेरिकी सेन्ट्रल कमान्डका प्रमुख एडमिरल ब्राड कुपरबीच भेटवार्ता भएलगत्तै विस्फोटको आवाज सुनिएको थियो। यमनको सीमावर्ती दक्षिणी साउदी क्षेत्रतर्फ प्रहार गरिएको क्रुज क्षेप्यास्त्र पनि गठबन्धनले नष्ट गरेको छ।
त्यसैगरी, बिहीबार बिहानै साउदी लडाकु विमानले हुथी नियन्त्रित यमनी राजधानी सानामा हवाई आक्रमण गरेको हुथी सञ्चारमाध्यमले जनाएका छन्।
गत महिना लाल सागर तट र बाब अल-मन्देब जलमार्गतर्फ हुथीहरूले अग्रता लिएपछि सन् २०२२ को युद्धविराम भंग भई भिडन्त चर्किएको हो।
अमेरिका-इजरायल र इरानबीचको तनावबीच साउदी तेल पूर्वाधार तथा विमानस्थलमा हुथी आक्रमण बढेसँगै क्षेत्रीय स्थिति थप संवेदनशील बनेको छ।