तीन महिनाभन्दा बढी समयसम्म सञ्चालन भएको प्रतियोगितामा एभरेष्टले सुरुदेखि नै उत्कृष्ट प्रदर्शन गरेको थियो ।
ब्रिस्बेन, अस्ट्रेलिया — एभरेष्ट क्रिकेट क्लब टुवुम्बाले क्वीन्सल्याण्ड नेपाली क्रिकेट संघ (क्यूएनसीए) द्वारा आयोजित क्यूएनसीए जिवाइडब्लू फाइनान्स विन्टर टी–२० कप २०२६ को उपाधि जितेको छ । एभरेष्टले लगातार तेस्रो पटक र समग्रमा पाँचौं पटक उपाधि जितेको हो ।
ब्रिस्बेनमा सम्पन्न फाइनलमा एभरेष्टले रोयल गोर्खाज क्रिकेट क्लबलाई ६ विकेटले पराजित गरेको हो । तीन महिनाभन्दा बढी समयसम्म सञ्चालन भएको प्रतियोगितामा एभरेष्टले सुरुदेखि नै उत्कृष्ट प्रदर्शन गरेको थियो ।
क्लबका कप्तान विक्रम सापकोटा प्रतियोगिताको उत्कृष्ट ब्याटर घोषित भए । त्यस्तै, आयुष्मान बम प्लेयर अफ द सिरिज र फाइनलको उत्कृष्ट खेलाडी दुवै घोषित भए ।
नेपाल प्रिमियर लिग (एनपीएल) मा सहभागिता जनाइरहेका क्लबका प्रमुख खेलाडी दिलीप नाथ र आदित्य महताको अनुपस्थितिमा पनि एभरेष्टले उपाधि जितेको हो ।
यस जितसँगै एभरेष्टले क्वीन्सल्याण्डको नेपाली क्रिकेट समुदायमा आफ्नो सफलता यात्रा थप बलियो बनाएको छ ।