भूमि व्यवस्था, सहकारी, संघीय मामिला तथा सामान्य प्रशासन मन्त्रालयले कालिकोटको सान्नी त्रिवेणी गाँउपालिकाको प्रमुख प्रशासकीय अधिकृतको सरुवा कार्यान्वयन नगरेपछि आर्थिक जिम्मेवारी रद्द गरेको हो ।
काठमाडौँ — प्रमुख प्रशासकीय अधिकृतको सरुवा कार्यान्वयन नगरेको भन्दै सरकारले कालिकोटको सान्नी त्रिवेणी गाँउपालिकाको आर्थिक अधिकार रद्द गरेको छ ।
भूमि व्यवस्था, सहकारी, संघीय मामिला तथा सामान्य प्रशासन मन्त्रालयले कालिकोटको सान्नी त्रिवेणी गाँउपालिकाको प्रमुख प्रशासकीय अधिकृतको सरुवा कार्यान्वयन नगरेपछि आर्थिक जिम्मेवारी रद्द गरेको हो ।
मन्त्रालय पठाएको नयाँ प्रमुख प्रशासकीय अधिकृतलाई हाजिरी गर्न नदिएको र पालिकामा यसअघि कार्यरत प्रमुख प्रशासकीय अधिकृतलाई सरुवा गरेको ठाउँमा नपठाएको भन्दै सान्नि त्रिवेणी गाउँपालिकाको अधिकार रद्द गरिएको हो ।
मन्त्रालयको स्थानीय कर्मचारी प्रशासन शाखाले कोष तथा लेखा नियन्त्रण कार्यालय कालिकोटलाई पत्र लेखेर सान्नी त्रिवेणी गाउँपालिकाको आर्थिक तथा प्रशासनिक जिम्मेवारी रद्द गरेको हो ।
मन्त्रालयले सरुवा भएर नयाँ जिम्मेवारीमा जानुपर्ने कर्मचारी सोहि पालिकामै कार्यरत रहेको र नयाँ जिम्मेवारीमा पठाएको कर्मचारीलाई हाजिरी गर्न नदिएको भन्दै आर्थिक जिम्मेवारी रद्द गरिएको हो ।
मन्त्रालयले नयाँ प्रमुख प्रशासकीय अधिकृतका रूपमा खटाइएका कर्मचारीलाई आर्थिक तथा प्रशासनिक जिम्मेवारीसहित तत्काल कामकाजमा लगाउन पनि निर्देशन दिएको छ ।