Trending
Prev Story
Next Story

प्रधानमन्त्रीको भारत भ्रमणमा धाम्रा र मुन्द्रा बन्दरगाहसम्मको पहुँच माग्ने तयारी

Onlinekhabar •
November 17, 2026 • 02:30 PM
2
2 reads 0 reactions

१ मंसिर, काठमाडौं । प्रधानमन्त्री वालेन्द्र शाहको भारत भ्रमणका क्रममा नेपालले तेस्रो मुलुकसँग आयात- निर्यातका लागि फेरि पनि उडिसा र गुजरातका दुई बन्दरगाहको पहुँच माग्ने तयारी गरेको छ । भारतले उडिसाको धाम्रा र गुजरातको मुन्द्रा बन्दरगाह …

प्रधानमन्त्रीको भारत भ्रमणमा धाम्रा र मुन्द्रा बन्दरगाहसम्मको पहुँच माग्ने तयारी

१ मंसिर, काठमाडौं । प्रधानमन्त्री वालेन्द्र शाहको भारत भ्रमणका क्रममा नेपालले तेस्रो मुलुकसँग आयात- निर्यातका लागि फेरि पनि उडिसा र गुजरातका दुई बन्दरगाहको पहुँच माग्ने तयारी गरेको छ ।

भारतले उडिसाको धाम्रा र गुजरातको मुन्द्रा बन्दरगाह तेस्रो मुलुकसँगको व्यापारका लागि प्रयोग गर्न दिने सहमति २०१९ मै भएको थियो । तर हालसम्म पनि सहमतिअनुसार ती बन्दरगाह प्रयोग गर्ने गरी व्यापार तथा पारवहन सन्धि संशोधन हुन सकेको छैन ।

यसपटक फेरि पनि नेपालले आयात निर्यातको सहजताका लागि भारतसँग ती बन्दरगाहको पहुँच माग्ने तयारी गरेको हो । धाम्रा र मुन्द्रा दुवै बन्दरगाहको व्यवस्थापन निजी क्षेत्रको अडानी समूहले गर्ने हुनाले त्यहाँबाट वैदेशिक व्यापार गर्न सहज हुने नेपालको निजी क्षेत्रले बताउँदै आएको छ ।

‘हामीलाई बन्दरगाहको थप विकल्प होस् भनेर माग गर्ने तयारी गरेका छौं,’ भ्रमणका एजेण्डाहरूलाई अन्तिम रुपमा दिन काममा संलग्न एक उच्च अधिकारी भने । नेपालले हाल भारतको कोलकाता, हल्दिया र विशाखापट्नम बन्दरगाह प्रयोग गर्दै आएको छ । पश्चिम बंगालका कोलकाता र हल्दिया बन्दरगाहलाई नेपालले एउटै बन्दरगाहका रुपमा लिने गरेको छ । किनभने एउटै रुटका यी बन्दरगाहमध्ये कोलकातामा साना जहाज मात्रै आउँछन् भने हल्दियामा ठूला जहाज आउँछन् । त्यसबाहेक आन्द्रप्रदेशको विशाखापट्टनम बन्दरगाहबाट पनि नेपालले तेस्रो मुलुकमा व्यापार गर्न पाउँछ ।

नेपालले यी तीनबाहेक अन्य बन्दरगाहको प्रयोग गर्न पाउने गरी लामो समयदेखि अनुमति मागिरहेको हो । धाम्रा र मुन्द्रा दुवै बन्दरगाहमा ठूला पानीजहाजहरू आइपुग्छन् । जसको पहुँच भए नेपाललाई समान आयात निर्यातमा सहुलियत हुन्छ ।

भारतले गुजरातको मुन्द्रा बन्दरगाहसम्म पहुँच दिए दक्षिण पूर्वि एसियाका देशहरूबाटको ढुवानीलाई सहज हुन्छ । उडिसाको धाम्राबाट पश्चिम एसियाली मुलुकहरूबाट ढुवानी सहज हुनेछ । वीरगञ्जबाट धाम्रा बन्दरगाहको दूरी करिब ९ सय ५० किलोमिटर मात्रै छ ।

कोलकाता बन्दरगाहमा पानीको गहिराइ कम भएकाले ठूला जहाजहरू आउन सक्दैनन्, जसले गर्दा सामान सार्न समय र खर्च बढी लाग्छ। धाम्रा गहिरो पानी भएको आधुनिक बन्दरगाह भएकाले यहाँ ठूला मालवाहक जहाजहरू सिधै आउन सक्छन् र विशाखापटनमको तुलनामा यो नेपालको सिमानाबाट नजिक पनि पर्छ।

मुन्द्रा भारतको पश्चिमी तटमा रहेको ठूलो व्यावसायिक बन्दरगाह हो। युरोप, मध्यपूर्व र अफ्रिकाबाट आउने जहाजहरू सिधै मुन्द्रा आउन सक्छन्। यसले गर्दा भारतको दक्षिणी भाग घुमेर कोलकाता वा विशाखापट्टनम पुग्नुपर्ने लामो समुद्री यात्राको समय र खर्च जोगिन्छ। यो बन्दरगाह पुग्न भने करिब १८५० देखि २००० किलोमिटर यात्रा गर्नुपर्छ ।

‘हामीले धेरै विषयहरू पठाएका छौं बन्दरगाहको विषय पनि छ’ वाणिज्य मन्त्रालयका एक अधिकारीले भने,’ परराष्ट्र मन्त्रालय र प्रधानमन्त्री कार्यालयले एजेण्डा तय गर्ने भएकाले त्यहाँबाट मात्र यो विषयमा अन्तिम निर्णय हुन्छ ।’

परराष्ट्र मन्त्रालयका एक अधिकारीका अनुसार यो विषयलाई प्राथमिकता दिने तयारी छ । परराष्ट्रमन्त्री शिशिर खनाललाई सोमबार शिष्टाचार भेटका लागि गएका भारतीय राजदूत सुधाकर दलेलालाई पुन: यो विषयमा स्मरण गराइएको मन्त्रालय स्रोतले जानकारी दिएको छ ।

Prev Swipe Story Next

Same Story from Other Publications

Compare how 5 other independent news outlets reported on this story.

5 Publications
Hamro Patro News
7h ago
प्रधानमन्त्रीको भारत भ्रमणपूर्व बहसमा ‘एयर रुट’, भैरहवा विमानस्थल सञ्चालनको आशा

प्रधानमन्त्रीको भारत भ्रमणपूर्व बहसमा ‘एयर रुट’, भैरहवा विमानस्थल सञ्चालनको आशा

रुपन्देही । प्रधानमन्त्री बालेन्द्र शाहको आसन्न भारत भ्रमणसँगै गौतमबुद्ध अन्तर्राष्ट्रिय विमानस्थलको हवाई प्रवेश मार्ग (एयर रुट) को विषय पुनः चर्चामा आएको छ। भैरहवा र पोखरा अन्तर्राष्ट्रिय विमानस्थ...

#भारत #प्रधानमन्त्रीको #भ्रमण
Compare →
Bizshala
1d ago
प्रधानमन्त्री बालेनको भारत भ्रमणमै जनकपुर–अयोध्या रेल उद्घाटन गर्ने तयारी, सातामा एकपटक सञ्चालन हुने

प्रधानमन्त्री बालेनको भारत भ्रमणमै जनकपुर–अयोध्या रेल उद्घाटन गर्ने तयारी, सातामा एकपटक सञ्चालन हुने

काठमाण्डौ । प्रधानमन्त्री बालेन्द्र शाह (बालेन) को आसन्न भारत भ्रमणका क्रममा जनकपुर–अयोध्या रेल सेवाको उद्घाटन गर्ने...

#भारत #भ्रमण #तयारी
Compare →
Ekantipur
1d ago
'प्रधानमन्त्रीको भारत भ्रमणमा पूर्वाधार, डिजिटल कनेक्टिभिटी तथा विपद् व्यवस्थापनका क्षेत्रमा सहकार्य बढाउन छलफल हुनुपर्छ'

'प्रधानमन्त्रीको भारत भ्रमणमा पूर्वाधार, डिजिटल कनेक्टिभिटी तथा विपद् व्यवस्थापनका क्षेत्रमा सहकार्य बढाउन छलफल हुनुपर्छ'

भ्रमणमा विकास, पूर्वाधार, डिजिटल कनेक्टिभिटी तथा विपद् व्यवस्थापनका क्षेत्रमा सहकार्य बढाउनु पर्नेमा जोड ।

#भारत #प्रधानमन्त्रीको #भ्रमण
Compare →
Nagarik News
1d ago
प्रधानमन्त्रीको भारत भ्रमण सीमा विवाद, व्यापार घाटा, निर्यात प्रवर्द्धनमा केन्द्रित

प्रधानमन्त्रीको भारत भ्रमण सीमा विवाद, व्यापार घाटा, निर्यात प्रवर्द्धनमा केन्द्रित

प्रधानमन्त्री बालेन्द्र शाहको एक सातापछि हुने भारत भ्रमणलाई दुई देशबिचको सम्बन्धमा नयाँ आयाम थप्ने अवसरका रूपमा हेरिएको छ।

#भारत #प्रधानमन्त्रीको #भ्रमण
Compare →
Arthasansar
1d ago
न्युजिल्यान्डविरुद्धको सिरिज भारतलाई

न्युजिल्यान्डविरुद्धको सिरिज भारतलाई

भारतले न्युजिल्यान्डविरुद्धको पाँचौं ओडीआईमा २२ रनको जित निकाल्दै सिरिज ३–१ ले जितेको छ। अन्तिम खेलमा २२ रनकाे जित निकाल्दै भारले...

#भारत
Compare →

Related Stories

World News
Build #2612