Trending
Prev Story
Next Story

हिमालको काखमा प्रकृतिको मोहनी, पर्यटकको रोजाइमा गुफापोखरी (तस्वीरहरू)

Onlinekhabar •
November 17, 2026 • 07:01 AM
3
3 reads 0 reactions

१ मंसिर, तेह्रथुम । पूर्वी पहाडी क्षेत्रको पर्यटकीय गन्तव्य गुफापोखरीमा पर्यटकको चहलपहल बढ्न थालेको छ । चिसो मौसममा पनि घाम लागेर आकाश सफा भएपछि पोखरी अवलोकन, हिमाली दृश्य नियाल्न र प्राकृतिक सौन्दर्यमा रमाउन आन्तरिक तथा …

हिमालको काखमा प्रकृतिको मोहनी, पर्यटकको रोजाइमा गुफापोखरी (तस्वीरहरू)

१ मंसिर, तेह्रथुम । पूर्वी पहाडी क्षेत्रको पर्यटकीय गन्तव्य गुफापोखरीमा पर्यटकको चहलपहल बढ्न थालेको छ । चिसो मौसममा पनि घाम लागेर आकाश सफा भएपछि पोखरी अवलोकन, हिमाली दृश्य नियाल्न र प्राकृतिक सौन्दर्यमा रमाउन आन्तरिक तथा बाह्य पर्यटक यहाँ पुग्न थालेका हुन् । पछिल्लो समय दैनिक एक हजारसम्म पर्यटक गुफापोखरी पुग्ने गरेको स्थानीय व्यवसायी बताउँछन् ।

तेह्रथुम, ताप्लेजुङ र संखुवासभाको संगमस्थलमा रहेको गुफापोखरी समुद्री सतहबाट करिब २ हजार ८ सय ९० मिटर उचाइमा अवस्थित छ । प्राकृतिक सुन्दरता, चिसो हावापानी र मनोरम हिमाली दृश्यका कारण यो क्षेत्र पर्यटकको रोजाइमा पर्दै आएको छ ।

पहाडको काखमा रहेको पोखरी, वरिपरिका हरियाली डाँडा र शान्त वातावरणले पर्यटकलाई आकर्षित गर्ने गरेको छ । मौसम खुलेका बेला यहाँबाट पूर्वी हिमाली क्षेत्रका कञ्चनजङ्घा, मकालु र आसपासका हिमशृङ्खला अवलोकन गर्न सकिन्छ । नजिकै रहेको मेन्छ्यायेम डाँडा सूर्याेदय र सूर्यास्त हेर्नका लागि पनि आकर्षक गन्तव्य मानिन्छ । मौसम सफा हुँदा हिमालको मनोरम दृश्य देखिने भएकाले पर्यटकको आगमन बढ्ने गरेको गुफा बजारकी हिमा खनालाले बताइन ।

गर्मी याममा तराईको गर्मी छल्न पर्यटकको बढी चहलपहल हुने गुफापोखरीमा विदेशी पर्यटकसमेत पुग्ने गरेका छन् । प्राकृतिक सौन्दर्य, हिमाली दृश्य र स्थानीय रहनसहन बुझ्न चाहने पर्यटकका लागि यो क्षेत्र आकर्षक गन्तव्य बन्दै गएको छ । खनालका अनुसार यस वर्ष मात्रै अमेरिका, जर्मनी, क्यानडा, बेलायत, स्पेन र इटलीलगायत देशका पर्यटक गुफापोखरी आएका छन् । यस वर्ष विभिन्न देशबाट दुई सयभन्दा बढी विदेशी पर्यटक आएको उनको भनाइ छ ।

गुफापोखरीको आकर्षण पोखरीमा मात्र सीमित छैन । वसन्त ऋतुमा वरिपरिका वनपाखा लालीगुराँसले राताम्मे हुन्छन् भने हिउँदमा हिमपातले यहाँको वातावरण फरक बनाउँछ । हिमपात भएको समयमा आसपासका डाँडाकाँडा सेताम्मे बन्ने दृश्यले पर्यटकलाई थप आकर्षित गर्ने गरेको छ । मौसमअनुसार फेरिने प्राकृतिक स्वरूप र हिमाली दृश्य यहाँका प्रमुख पर्यटकीय आकर्षण हुन् ।

यद्यपि पर्यटकीय सम्भावना भए पनि यहाँसम्म पुग्ने सडकको अवस्था मुख्य चुनौतीका रूपमा रहेको छ । विशेषगरी वर्षायाम सुरु भएपछि सडक हिलाम्मे हुने र सवारीसाधन सञ्चालनमा कठिनाइ हुने गरेको छ । सडकमा सवारीसाधन चल्न नसक्दा पर्यटक आधा बाटोबाटै फर्कनुपर्ने बाध्यता रहेको टृटे बजारका श्री कार्की बताउँछन् । वर्षायाममा तराईबाट गुफापोखरी घुम्न आउने पर्यटकलाई समेत सडकको अवस्थाले समस्या पार्ने गरेको छ ।

गुफापोखरीसम्म पुग्ने सडक विस्तार तथा कालोपत्रे गर्न सके पर्यटकको आगमन अझ बढ्ने होटल व्यवसायीको अपेक्षा छ । सडक सहज भएमा पर्यटकलाई आवतजावतमा सुविधा पुग्नुका साथै होटल तथा अन्य स्थानीय व्यवसायको कारोबारसमेत बढ्ने कार्कीको भनाइ छ । पर्यटकको चापअनुसार व्यवस्थित आवास, सरसफाइ, खानेपानी, पर्यटक सूचना केन्द्र र प्रभावकारी प्रचारप्रसारको पनि आवश्यकता देखिन्छ ।

Prev Swipe Story Next

Same Story from Other Publications

Compare how 4 other independent news outlets reported on this story.

4 Publications
Ekantipur
21h ago
घोरेपानीबाट गाउँतिर मोडिँदै पर्यटक, लेसपारमा बढ्यो चहलपहल

घोरेपानीबाट गाउँतिर मोडिँदै पर्यटक, लेसपारमा बढ्यो चहलपहल

घोरेपानीबाट फर्कने आन्तरिक तथा विदेशी पर्यटक लेसपार, क्याङ, शालीजा र फलामेडाँडामा बस्दै पदयात्रा, होमस्टे र स्थानीय जीवनशैलीको अनुभव लिन थालेका छन्।

#पर्यटक #थाले
Compare →
Hamro Patro News
3d ago
ढुङ्गेघर, ऐतिहासिक विरासत र संस्कृतिको संगम : पर्यटकको रोजाइमा गोतामकोट–खदीगाउँ

ढुङ्गेघर, ऐतिहासिक विरासत र संस्कृतिको संगम : पर्यटकको रोजाइमा गोतामकोट–खदीगाउँ

२८ कात्तिक, रुकुम पश्चिम (गोतामकोट) । रुकुम पश्चिमको आठबिसकोट नगरपालिका–२, ३, ४ र ५ मा पर्ने गोतामकोट र खदीगाउँ आन्तरिक तथा बाह्य पर्यटकको आकर्षण बन्दै गएका छन् । भेरी नदीको माथिल्लो भेगमा रहेका यी...

#पर्यटक #रोजाइ
Compare →
Nagarik News
17h ago
१० महिनामा भित्रिए १० लाख बढी पर्यटक, बाढीपछि लयमा फर्किँदै ठमेल

१० महिनामा भित्रिए १० लाख बढी पर्यटक, बाढीपछि लयमा फर्किँदै ठमेल

शरद ऋतु सुरु भएसँगै राजधानी काठमाडौँको प्रमुख पर्यटकीय केन्द्र ठमेलका गल्लीमा विदेशी पर्यटकको चहलपहल बढेको छ।

#पर्यटक
Compare →
Bizshala
22h ago
पर्यटक बढे तर होटल कम्पनीको नाफा बढेन, लगानीकर्ता मूल्यको भ्रममा पर्दैछन् ?

पर्यटक बढे तर होटल कम्पनीको नाफा बढेन, लगानीकर्ता मूल्यको भ्रममा पर्दैछन् ?

काठमाण्डौ । नेपालमा विदेशी पर्यटकको आगमन बढ्दै गए पनि सेयरबजारमा सूचीकृत होटल तथा पर्यटन समूहका अधिकांश कम्पनीको...

#पर्यटक
Compare →

Related Stories

Science & Climate
Build #2612