Trending
Prev Story
Next Story

लगानीकर्तालाई औसत वार्षिक १०.४० प्रतिशत प्रतिफल दिएको सिटिजन्स म्युचुअल फण्ड–२ को सातवर्षे यात्रा पूरा

Bizshala •
November 17, 2026 • 05:34 AM
3
3 reads 0 reactions

काठमाण्डौ । सेयर बजारमा पटक–पटक देखिएको उतारचढाव र चुनौतीपूर्ण लगानी वातावरणका बीच सिटिजन्स म्युचुअल फण्ड–२ ले...

लगानीकर्तालाई औसत वार्षिक १०.४० प्रतिशत प्रतिफल दिएको सिटिजन्स म्युचुअल फण्ड–२ को सातवर्षे यात्रा पूरा

काठमाण्डौ । सेयर बजारमा पटक–पटक देखिएको उतारचढाव र चुनौतीपूर्ण लगानी वातावरणका बीच सिटिजन्स म्युचुअल फण्ड–२ ले आफ्नो सातवर्षे यात्रा सफलतापूर्वक पूरा गरेको छ। योजनाले सञ्चालन अवधिभर इकाईधनीलाई औसत वार्षिक १०.४० प्रतिशत नगद लाभांश वितरण गर्न सफल भएको छ।

सिटिजन्स बैंक इन्टरनेसनल कोष प्रवर्द्धक तथा सिटिजन्स क्यापिटल लिमिटेड योजना व्यवस्थापक रहेको बन्दमुखी सामूहिक लगानी कोष ‘सिटिजन्स म्युचुअल फण्ड–२’ (CMF2) ले निर्धारित अवधि पूरा गरी खारेजी प्रक्रिया समेत सम्पन्न गरेको हो।

५६ करोड रुपैयाँ आकारको यो योजना २०७६ असार २२ गतेदेखि सञ्चालनमा आएको थियो। योजनाले २०८३ असार २१ गते सातवर्षे अवधि पूरा गरी परिपक्वता हासिल गरेको हो।

क्यापिटलका अनुसार योजनाको खारेजी प्रक्रिया सम्पन्न भएसँगै इकाईधनीलाई फिर्ता गर्नुपर्ने रकम वितरण गर्ने कार्यसमेत सुरु भइसकेको छ।

नेपालको धितोपत्र बजारमा विभिन्न समयमा देखिएको अस्थिरता, सेयर मूल्यमा आएको गिरावट तथा चुनौतीपूर्ण लगानी वातावरणका बाबजुद योजनाले निरन्तर प्रतिफल वितरण गर्न सफल भएको क्यापिटलले जनाएको छ।

सिटिजन्स क्यापिटलले यसअघि परिपक्व भएको ‘सिटिजन्स म्युचुअल फण्ड–१’ (CMF1) मार्फत समेत इकाईधनीलाई औसत वार्षिक १२ प्रतिशत प्रतिफल प्रदान गरेको थियो।

यसरी लगातार दुईवटा बन्दमुखी सामूहिक लगानी कोषलाई परिपक्वतासम्म पुर्‍याएर लगानीकर्तालाई प्रतिफल वितरण गर्न सफल हुनुलाई क्यापिटलले आफ्नो व्यावसायिक लगानी व्यवस्थापन क्षमताको उपलब्धिका रूपमा लिएको छ।

सामूहिक लगानी कोष व्यवस्थापनमार्फत लगानीकर्तालाई प्रतिफल प्रदान गर्नुका साथै व्यवस्थित तथा दीर्घकालीन लगानी संस्कृतिको विकासमा योगदान पुर्‍याउँदै आएको कम्पनीले जनाएको छ।

दुईवटा योजना परिपक्व गराएको सिटिजन्स क्यापिटलले नयाँ बन्दमुखी सामूहिक लगानी कोष ‘सिटिजन्स सुपर ५०’ सञ्चालनमा ल्याउने तयारी गरेको छ।

नेपाल धितोपत्र बोर्डबाट स्वीकृति प्राप्त यो योजनाको इकाई निष्कासन मंसिर २ गतेदेखि सुरु हुने तय गरिएको छ।

१० वर्ष अवधि रहेको योजनाको प्रारम्भिक आकार १ अर्ब रुपैयाँ हुनेछ। माग तथा आवेदनको अवस्थाअनुसार योजनाको आकार अधिकतम १ अर्ब २५ करोड रुपैयाँसम्म पुर्‍याउन सकिने व्यवस्था छ।

यो योजनामा सर्वसाधारण तथा संस्थागत दुवै प्रकारका लगानीकर्ताले इकाई खरिदका लागि आवेदन दिन सक्नेछन्।

सिटिजन्स क्यापिटलले विगतका योजनाको व्यवस्थापनबाट हासिल गरेको अनुभव, संस्थागत क्षमता तथा व्यावसायिक दक्षतालाई नयाँ योजनामा समेत उपयोग गर्ने जनाएको छ।

कम्पनीले हाल सिटिजन्स सुपर ३० म्युचुअल फण्ड, सिटिजन्स सदाबहार योजना तथा सिटिजन्स सन्तुलित योजनासहित विभिन्न सामूहिक लगानी कोष व्यवस्थापन गर्दै आएको छ।

त्यसैगरी कम्पनीले आफ्नो सामूहिक लगानी कोष व्यवस्थापन क्षमता तथा सेवाको गुणस्तरका लागि इक्रा नेपाल लिमिटेडबाट ‘AMC Quality 3+’ रेटिङ प्राप्त गरेको जनाएको छ।

कम्पनीका अनुसार नयाँ योजनामार्फत दीर्घकालीन लगानीको अवसर प्रदान गर्दै पूँजीबजारमा सर्वसाधारण तथा संस्थागत लगानीकर्ताको सहभागिता विस्तार गर्ने लक्ष्य राखिएको छ।

सिटिजन्स क्यापिटलको सञ्चालक समितिको अध्यक्षमा राजेन्द्रलाल श्रेष्ठ र प्रमुख कार्यकारी अधिकृतमा सबिर बादे श्रेष्ठ रहेका छन्।

कम्पनीले संस्थागत सुशासन, लगानीकर्ता हित संरक्षण तथा पूँजीबजारको विकासलाई प्राथमिकतामा राखेर सेवा विस्तार गर्दै आएको जनाएको छ।

सिटिजन्स म्युचुअल फण्ड–२ ले वितरण गरेको औसत वार्षिक १०.४० प्रतिशत प्रतिफल विगतमा वितरण गरिएको नगद लाभांशको औसत हो। यसलाई लगानीकर्ताले हासिल गरेको कुल वार्षिकीकृत प्रतिफलसँग समान मान्न मिल्दैन। कुल प्रतिफल गणना गर्दा लगानी गरिएको रकम, प्राप्त नगद लाभांश तथा परिपक्वतामा फिर्ता हुने रकमसमेत समेट्नुपर्छ।

त्यसैगरी विगतका योजनाको प्रतिफलले नयाँ निष्कासन हुन लागेको सिटिजन्स सुपर ५० को भविष्यको प्रतिफल सुनिश्चित गर्दैन।

अहिलेसम्म कुनै प्रतिक्रिया छैन। पहिलो प्रतिक्रिया तपाईंको हुन सक्छ।

Prev Swipe Story Next

Same Story from Other Publications

Compare how 3 other independent news outlets reported on this story.

3 Publications
Hamro Patro News
3d ago
सिटिजन्स बैंकका ग्राहकलाई द चौतारी हस्पिटालिटीमा ७ प्रतिशतसम्म छुट

सिटिजन्स बैंकका ग्राहकलाई द चौतारी हस्पिटालिटीमा ७ प्रतिशतसम्म छुट

• सिटिजन्स बैंक र द चौतारी हस्पिटालिटी ग्रुपबीच बैंकका ग्राहकलाई ७ प्रतिशतसम्म छुट दिने सम्झौतामा हस्ताक्षर भएको छ। • यस सहकार्यले डिजिटल भुक्तानी प्रणालीको प्रयोगलाई बढावा दिने र नगद कारोबारलाई नि…

#सिटिजन्स
Compare →
Ekantipur
1w ago
लगानीकर्ता नाफा सुरक्षित गर्न लाग्दा नेप्सेको गति सुस्त, तिहारपछि सुधारको अपेक्षा

लगानीकर्ता नाफा सुरक्षित गर्न लाग्दा नेप्सेको गति सुस्त, तिहारपछि सुधारको अपेक्षा

कारोबार रकम झन्डै १८ प्रतिशत घट्दा लगानीकर्ता पर्ख र हेरको अवस्थामा, प्राविधिक सूचक, कम्पनीको वित्तीय विवरण र लाभांशको आशमाले बजार सुधारको सम्भावना

#शेयर-बजार #लगानीकर्ता
Compare →
Arthasansar
5d ago
लाभांश सिजन : ७३ कम्पनीले घोषणा गरे प्रतिफल, कुन क्षेत्रका कम्पनीका लगानीकर्ताले कति पाउँछन लाभ ?

लाभांश सिजन : ७३ कम्पनीले घोषणा गरे प्रतिफल, कुन क्षेत्रका कम्पनीका लगानीकर्ताले कति पाउँछन लाभ ?

यो लाभांश घोषणा गर्ने, वितरण गर्ने सिजन हो । दशैँ अघि नै केही कम्पनीले लाभांश घोषणा गरि पारित गरेर आफ्ना...

#लगानीकर्ता #प्रतिफल
Compare →

Related Stories

Business & Economy
Build #2612