Trending
Prev Story
Next Story

सामूहिक फूलखेतीले दिलाएको सफलता...

Nagarik News •
November 17, 2026 • 02:33 AM
3
3 reads 0 reactions

तिहारमा सयपत्री फूलको माग बढेसँगै तनहुँको आँबुखैरेनीका किसानले रु ११ लाख बराबरको फूल बिक्री गरेका छन्।

सामूहिक फूलखेतीले दिलाएको सफलता...

तिहारमा सयपत्री फूलको माग बढेसँगै तनहुँको आँबुखैरेनीका किसानले रु ११ लाख बराबरको फूल बिक्री गरेका छन्। स्थानीयस्तरमै उत्पादन भएको सयपत्री फूलले बजार पाएपछि व्यावसायिक फूलखेतीमा आबद्ध किसान उत्साहित भएका छन्।

आँबुखैरेनी गाउँपालिका–१ यान्चोकटारका महिलाले यस वर्ष तिहारमा रु १० लाखको सयपत्री फूल बिक्री गरेका छन्। त्यसैगरी आँबुखैरेनी गाउँपालिका–२ र ३ का किसानले रु एक लाखको फूल बिक्री गरेका छन्।

गाउँपालिकाका कृषि शाखा प्रमुख सन्तोष केसीका अनुसार गत कात्तिक १३ र १४ गते परेको वर्षाका कारण फूलखेतीमा करिब २५ प्रतिशत क्षति पुगेको थियो। वर्षाले केही फूलमा क्षति पुर्‍याए पनि किसानले सोचेअनुसारकै आम्दानी गर्न सफल भएको उनले जानकारी दिए।

यान्चोकटारका महिलाले गत वर्षको तिहारमा रु नौ लाख बराबरको फूल बिक्री गरेका थिए। यस वर्ष बिक्री रु एक लाखले बढेको छ। स्थानीय उत्पादनले बजार पाउन थालेपछि किसानमा फूलखेती विस्तार गर्ने उत्साह थपिएको छ।

महिला समूहकी अध्यक्ष सुन्तली गुरुङले तिहारमा आफूहरूले उत्पादन गरेको फूलले राम्रो बजार पाएपछि उत्साहित भएको बताइन्। तीन वर्षअघि सुरु गरेको व्यावसायिक फूलखेतीले अहिले राम्रो आम्दानी दिन थालेको उनको भनाइ छ।

स्थानीय महिलाले सुरु गरेको सामूहिक सयपत्री फूलखेती अहिले ४५ रोपनी क्षेत्रफलमा विस्तार भएको छ। समूहमा ४५ जना महिला आबद्ध छन्। सामूहिक रूपमा गरिएको फूलखेती उनीहरूका लागि आम्दानीको स्रोत मात्रै नभई आर्थिक आत्मनिर्भरतातर्फ अघि बढ्ने माध्यम बनेको अध्यक्ष गुरुङले बताइन्।

पहिले सामान्य खेतीपातीमा सीमित रहेका महिलाले समूह बनाएर फूलखेती सुरु गरेका थिए। सुरुमा सानो क्षेत्रफलबाट थालिएको खेतीले बजार पाउन थालेपछि उनीहरूले क्रमशः क्षेत्रफल विस्तार गर्दै लगेका हुन्।

तिहारमा सयपत्री फूलको माग उच्च हुने भएकाले स्थानीय उत्पादनले बजार पाउँदा किसानलाई बिक्रीको समस्या कम भएको छ। आफ्नै गाउँमा उत्पादन भएको फूल स्थानीय बजारमा खपत हुन थालेपछि बाहिरबाट फूल ल्याउनुपर्ने बाध्यता कम भएको छ।

वर्षाका कारण फूलखेतीमा क्षति भए पनि किसानले अपेक्षाअनुसार आम्दानी गर्नुलाई गाउँपालिकाले व्यावसायिक फूलखेतीको सकारात्मक उपलब्धिका रूपमा लिएको कृषि शाखा प्रमुख केसीले बताए।

उनले भने, 'स्थानीय महिलाको मेहनत, सामूहिक लगानी र बजारको मागले सयपत्री फूलखेतीलाई व्यावसायिक रूप दिन सहयोग पुगेको छ। यसले ग्रामीण क्षेत्रमा उपलब्ध जमिनको सदुपयोग गर्दै सामूहिक खेतीमार्फत महिलालाई आर्थिक रूपमा सबल बनाउन सकिने सम्भावनासमेत देखाएको छ।' रासस

प्रकाशित: १ मंसिर २०८३ ०८:१८ मंगलबार

Prev Swipe Story Next

Same Story from Other Publications

Compare how 3 other independent news outlets reported on this story.

3 Publications
Hamro Patro News
4h ago
सामूहिक फूलखेतीले दिलाएको सफलता...

सामूहिक फूलखेतीले दिलाएको सफलता...

तनहुँ । तिहारमा सयपत्री फूलको माग बढेसँगै तनहुँको आँबुखैरेनीका किसानले रु ११ लाख बराबरको फूल बिक्री गरेका छन् । स्थानीयस्तरमै उत्पादन भएको सयपत्री फूलले बजार पाएपछि व्यावसायिक फूलखेतीमा आबद्ध किसान...

#फूल #किसान #सयपत्री
Compare →
Ekantipur
1w ago
डडेलधुरामा फूलखेती बढ्दै, बजार पुर्‍याउनै सकस

डडेलधुरामा फूलखेती बढ्दै, बजार पुर्‍याउनै सकस

तिहारमा सयपत्री फूलको माग बढे पनि ढुवानी, बजार व्यवस्थापन र प्राविधिक ज्ञानको अभावमा डडेलधुराका किसानले उत्पादनअनुसार आम्दानी लिन सकेका छैनन् ।

#फूल #किसान #सयपत्री
Compare →
Onlinekhabar
2d ago
छठमा उखु बेच्न व्यस्त सिरहाका किसान (तस्वीरहरू)

छठमा उखु बेच्न व्यस्त सिरहाका किसान (तस्वीरहरू)

२८ कात्तिक, सिरहा । आस्थाको पर्व छठ नजिकिएसँगै सिरहाका बजार तथा सडक किनारमा उखु बेच्ने किसानहरूको चहलपहल बढेको छ । छठपर्वका लागि उखु किन्न उपभोक्ताहरू बजार पुग्न थालेपछि किसानहरू बिक्री गर्न व्यस्त देखिएका छन् । सिरहाको गोलबजारसहित …

#किसान #बिक्री
Compare →

Related Stories

Business & Economy
Build #2612