Trending
Prev Story
Next Story

शिखर इन्स्योरेन्सले कमायो रु. ४ करोड ११ लाख नाफा, ईपीएस कति ?

Bizshala •
November 16, 2026 • 11:22 AM
3
3 reads 0 reactions

काठमाण्डौ । शिखर इन्स्योरेन्स कम्पनी लिमिटेडले चालु आर्थिक वर्ष २०८३/८४ को पहिलो त्रैमासमा उल्लेख्य वित्तीय सुधार...

शिखर इन्स्योरेन्सले कमायो रु. ४ करोड ११ लाख नाफा, ईपीएस कति ?

काठमाण्डौ । शिखर इन्स्योरेन्स कम्पनी लिमिटेडले चालु आर्थिक वर्ष २०८३/८४ को पहिलो त्रैमासमा उल्लेख्य वित्तीय सुधार गर्दै खुद नाफा आर्जन गरेको छ। कम्पनीले समीक्षा अवधिमा ४ करोड ११ लाख २१ हजार रुपैयाँ खुद नाफा कमाएको हो।

अघिल्लो तुलनात्मक अवधिमा कम्पनी १५ करोड ८५ लाख ८६ हजार रुपैयाँ खुद घाटामा रहेको थियो। यससँगै कम्पनीले घाटाबाट नाफामा फर्किँदै आफ्नो वित्तीय अवस्थामा सुधार गरेको देखिएको छ।

कम्पनीको वित्तीय विवरणअनुसार समीक्षा अवधिमा खुद आर्जित बीमाशुल्क १३.७९ प्रतिशतले वृद्धि भएर ३३ करोड ८ लाख ९३ हजार रुपैयाँ पुगेको छ। अघिल्लो अवधिमा यस्तो बीमाशुल्क २९ करोड ७ लाख ८६ हजार रुपैयाँ रहेको थियो।

त्यस्तै, कम्पनीको कुल आम्दानी १७.३३ प्रतिशतले बढेर ६३ करोड २४ लाख २४ हजार रुपैयाँ पुगेको छ। अघिल्लो अवधिमा कम्पनीले ५३ करोड ९० लाख ११ हजार रुपैयाँ कुल आम्दानी गरेको थियो।

कम्पनीको खर्चमा आएको उल्लेख्य कमीले पनि नाफा सुधारमा सहयोग पुगेको देखिन्छ। समीक्षा अवधिमा कुल खर्च २५.०६ प्रतिशतले घटेर ५७ करोड ३६ लाख ७९ हजार रुपैयाँमा सीमित भएको छ। अघिल्लो अवधिमा कम्पनीको कुल खर्च ७६ करोड ५५ लाख ६३ हजार रुपैयाँ रहेको थियो।

यद्यपि, कम्पनीको कुल दाबी भुक्तानी भने ९७ प्रतिशतले बढेर १३४ करोड ३ लाख १० हजार रुपैयाँ पुगेको छ। अघिल्लो अवधिमा कम्पनीले ६८ करोड २ लाख २४ हजार रुपैयाँ दाबी भुक्तानी गरेको थियो। त्यस्तै, लगानी तथा कर्जाबाट प्राप्त आम्दानी ३५.०१ प्रतिशतले घटेर ४ करोड २८ लाख ९७ हजार रुपैयाँमा सीमित भएको छ।

कम्पनीको चुक्ता पुँजी ३ अर्ब १० करोड १५ लाख ६७ हजार रुपैयाँ रहेको छ। समीक्षा अवधिमा जगेडा कोष १.२४ प्रतिशतले बढेर १ करोड ६८ लाख १९ हजार रुपैयाँ पुगेको छ भने रिटेन्ड अर्निङ २८.५१ प्रतिशतले वृद्धि भएर ८ करोड १५ लाख ६७ हजार रुपैयाँ पुगेको छ।

यसैगरी, कम्पनीको बीमा कोष ३२.१५ प्रतिशतले बढेर १ अर्ब ३१ करोड २९ लाख ७१ हजार रुपैयाँ पुगेको छ। कम्पनीले समीक्षा अवधिसम्म १ लाख २ हजार ३१२ वटा बीमालेख जारी गरेको छ। अघिल्लो अवधिमा यस्तो संख्या ७९ हजार ४४० रहेको थियो।

नाफामा सुधार आएसँगै कम्पनीको प्रतिसेयर आम्दानी (ईपीएस) पनि ऋणात्मकबाट सकारात्मक बनेको छ। अघिल्लो अवधिमा २१ रुपैयाँ ७० पैसा ऋणात्मक रहेको ईपीएस समीक्षा अवधिमा ५ रुपैयाँ ३० पैसा कायम भएको छ। कम्पनीको प्रतिसेयर नेटवर्थ १९२ रुपैयाँ ७४ पैसा रहेको छ।

समग्रमा बीमाशुल्क तथा कुल आम्दानीमा भएको वृद्धि र सञ्चालन खर्चमा आएको कमीले शिखर इन्स्योरेन्सको पहिलो त्रैमासको वित्तीय नतिजामा सुधार देखिएको छ।

अहिलेसम्म कुनै प्रतिक्रिया छैन। पहिलो प्रतिक्रिया तपाईंको हुन सक्छ।

Prev Swipe Story Next

Same Story from Other Publications

Compare how 5 other independent news outlets reported on this story.

5 Publications
Arthasansar
1d ago
सानिमा रिलायन्स लाइफको नाफामा सामान्य सुधार, बीमा शुल्क आर्जन २३ प्रतिशतले बढ्यो

सानिमा रिलायन्स लाइफको नाफामा सामान्य सुधार, बीमा शुल्क आर्जन २३ प्रतिशतले बढ्यो

सानिमा रिलायन्स लाइफ इन्स्योरेन्सले चालु आर्थिक वर्ष २०८३/८४ को पहिलो त्रैमासमा १५ करोड २ लाख ८ हजार रुपैयाँ खुद नाफा...

#नाफा #खुद #अवधिमा
Compare →
Onlinekhabar
1d ago
साहस ऊर्जाको नाफा २१ प्रतिशत बढ्यो, प्रतिसेयर आम्दानी कति ?

साहस ऊर्जाको नाफा २१ प्रतिशत बढ्यो, प्रतिसेयर आम्दानी कति ?

२९ कात्तिक, काठमाडौं । साहस ऊर्जाले चालु आर्थिक वर्षको पहिलो त्रैमासिक वित्तीय विवरण सार्वजनिक गरेको छ । सार्वजनिक वित्तीय विवरणअनुसार कम्पनीको खुद नाफा २१ प्रतिशत बढेको छ । पहिलो त्रैमासमा कम्पनीले ५९ करोड ९१ लाख रुपैयाँ …

#नाफा #वित्तीय #कति
Compare →
Hamro Patro News
1d ago
नेपाल टेलिकमको नाफामा ३७ प्रतिशतभन्दा बढी वृद्धि, पहिलो त्रैमासिकमै कमायो १ अर्ब ८२ करोड

नेपाल टेलिकमको नाफामा ३७ प्रतिशतभन्दा बढी वृद्धि, पहिलो त्रैमासिकमै कमायो १ अर्ब ८२ करोड

काठमाडौं । नेपाल दूरसञ्चार कम्पनी लिमिटेड (नेपाल टेलिकम) को चालु आर्थिक वर्ष २०८३/८४ को पहिलो त्रैमासिकमा खुद नाफा ३७.३५ प्रतिशतले वृद्धि भएको छ। कम्पनीले सार्वजनिक गरेको अपरिष्कृत वित्तीय विवरणअन...

#नाफा #खुद #कमायो
Compare →
Ekantipur
1d ago
कर्जाको लागत घट्दा २१ प्रतिशत बढ्यो साहस ऊर्जाको नाफा

कर्जाको लागत घट्दा २१ प्रतिशत बढ्यो साहस ऊर्जाको नाफा

बैंकहरू ब्याजदर घटेकोले कर्जाको लागत घट्दा वित्तीय खर्च पनि घटेको हो ।

#नाफा #वित्तीय
Compare →
Nagarik News
2d ago
विश्व प्रहरी शिखर सम्मेलनमा सहभागी हुन गृहमन्त्री गुरुङ दुबई प्रस्थान

विश्व प्रहरी शिखर सम्मेलनमा सहभागी हुन गृहमन्त्री गुरुङ दुबई प्रस्थान

गृहमन्त्री सुधन गुरुङ विश्व प्रहरी शिखर सम्मेलन (वर्ल्ड पुलिस समिट) मा सहभागी हुन शुक्रबार साँझ संयुक्त अरब इमिरेट्स (यूएई) प्रस्थान गरेका छन् ।

#शिखर
Compare →

Related Stories

Business & Economy
Build #2612