३० कात्तिक, काठमाडौं । नेपाली कांग्रेसको देउवा समूहले भ्रातृ संगठन नेपाल मुस्लिम संघको पनि समानान्तर कार्यसमिति बनाएको छ ।
देउवा समूहले मुस्लिम संघको समानान्तर समिति बनाउन काठमाडौं महानगरपालिका–९ का मिनहाज खानलाई अध्यक्षमा मनोनीत गरेको छ ।
देउवा समूहको ‘१५औं नियमित महाधिवेशन तयारी समितिका संयोजक डा. शशांक कोइरालाले खानलाई अध्यक्षमा मनोनीत गरेका हुन् ।
खानलाई दिइएको पत्रमा कांग्रेसको विधानको धारा ४२ (१) (च) बमोजिम मुस्लिम संघको अध्यक्षमा मनोनीत गरिएको उल्लेख छ ।
‘अध्यक्षको रुपमा नेपाली कांग्रेसको स्थापित मूलय–मान्यताको आत्मसात गरी आगामी ६ महिनाभित्र महाधिवेशन सम्पन्न गरी संगठनलाई मजबुत बनाउनुहुनेछ भन्ने विश्वास लिएको छु,’ पत्रमा भनिएको छ ।