दुम्कीवासमा हाइलेक्स दुर्घटना हुँदा एक महिलाको मृत्यु, तीन घाइते

काठमाडौंबाट बुटवलतर्फ जाँदै गरेको हाइलेक्स गाडी साँझ साढे ७ बजे दुम्कीवास नजिकै अनियन्त्रित भएर पल्टिँदा उनीहरू दुर्घटनामा परेका हुन्।

नवलपरासी — महेन्द्र राजमार्गअन्तर्गत कावासोती–दाउन्ने सडकखण्डको दुम्कीवासमा आइतबार साँझ भएको दुर्घटनामा एक महिलाको मृत्यु भएको छ भने तीन जना घाइते भएका छन्। उनीहरू सबै एकै परिवारका हुन्।

काठमाडौंबाट बुटवलतर्फ जाँदै गरेको हाइलेक्स गाडी साँझ साढे ७ बजे दुम्कीवास नजिकै अनियन्त्रित भएर पल्टिँदा उनीहरू दुर्घटनामा परेका हुन्। दुर्घटनामा परेकी ३६ वर्षीया दीपिका तिमिल्सेनाको मृत्यु भएको प्रहरीले जनाएको छ।

गाडी चालक उनका श्रीमान् तथा छोरा र छोरी घाइते भएका छन्। छोराछोरीको अवस्था खतरामुक्त छ। उनीहरू काभ्रे जिल्लाको पाँचखाल नगरपालिका–३ निवासी रहेको प्रहरीले जनाएको छ।

नारायण शर्मा कान्तिपुरका नवलपरासी संवाददाता हुन् । उनले राजनीति, सामाजिक र आर्थिक विषयमा रिपोर्टिङ गर्छन् ।