बाढीले क्षति पुगेका २२ मेगावाटको माई जलविद्युत केन्द्र र सात मेगावाटको माई क्यास्केड सोही वर्षको फागुनबाट भने सञ्चालनमा आएको छ ।
काठमाडौँ — असोज २०८२ मा बाढीको कारण क्षति भएर केही समय सानिमा माइ हाइड्रोपावरका दुवै आयोजना सञ्चालनमा आउन सकेनन् ।
बाढीले क्षति पुगेका २२ मेगावाटको माई जलविद्युत केन्द्र र सात मेगावाटको माई क्यास्केड सोही वर्षको फागुनबाट भने सञ्चालनमा आएको छ ।
तर, बाढीको क्षतिबापतको बीमा रकम पाएकै कारण चालु आर्थिक वर्ष २०८२-८३ को पहिलो त्रैमासमा यस कम्पनीको नाफा दोब्बरले बढेको छ ।
चालु आर्थिक वर्षको पहिलो त्रैमासमा यसको नाफा दुई गुणाभन्दा धेरैले बढेर ५३ करोड रूपैयाँ पुगेको छ ।
यसअघि यस्तो नाफा २० करोड रूपैयाँ थियो । यसले बीमाबापत २८ करोड ७० लाख रूपैयाँ पाउने भएको छ । यही रकम कम्पनीले अन्य आम्दानीमा देखाएको छ ।
बैंकको ब्याज घट्दा यसको कर्जा लागत पनि घटेको छ । यसअघि यस्तो रकम ९७ लाख रहेकोमा अहिले १६ लाखमा सीमित भएको हो ।
यसको वार्षिकीकरण नगरिएको प्रतिसेयर आम्दानी नै १४ रूपैयाँ छ । प्रतिसेयर नेटवर्थ एक सय ५२ रूपैयाँ छ ।
.png)
