कर्णाली याक्सले नेपाल प्रिमियर लिग (एनपीएल) तेस्रो सिजनको आफ्नो अन्तिम खेलमा शुक्रबार चितवन राइनाजेलाई २४ रनले हराएको छ । यसअघि नै प्रतियोगिताबाट बाहिरिसकेको कर्णालीका लागि यो सान्त्वना जित मात्रै रह्यो र ६ अंक बटुल्न सफल रह्यो ।
काठमाडौँ — कर्णाली याक्सले नेपाल प्रिमियर लिग (एनपीएल) तेस्रो सिजनको आफ्नो अन्तिम खेलमा शुक्रबार चितवन राइनाजेलाई २४ रनले हराएको छ । यसअघि नै प्रतियोगिताबाट बाहिरिसकेको कर्णालीका लागि यो सान्त्वना जित मात्रै रह्यो र ६ अंक बटुल्न सफल रह्यो ।
चितवन भने यसअघि नै प्ले–अफ पुगिसकेको हो । हारले चितवन ७ अंकमै सीमित रहेर चौथो स्थानमा रह्यो । चितवन ७ अंकमै प्ले–अफ पुग्ने पहिलो टिम पनि भएको छ । जितका लागि १ सय ५४ रन पछ्याएको चितवनले जवाफमा १९.१ ओभरमा सबै विकेट गुमाएर १ सय २९ रन मात्र बनाउन सक्यो ।
कर्णालीका लागि ओपनर कमिल मिसराले २५ रन बनाए । यस्तै उस्मा मिरले २३ बलमा नटआउट २८ रन बनाए र यो नै सर्वाधिक ठूलो व्यक्तिगत स्कोर रह्यो । कर्णालीका बलरमध्ये हुसेन तलतले १७ रनमा तीन विकेट लिए ।
यसअघि कर्णालीले टस जितेर पहिले ब्याटिङको निर्णय गरेको थियो र यसक्रममा ८ विकेट गुमाएर १ सय ५३ रन बनाएको थियो । त्यसमा तलतले ३३ बलको सामना गरेर ५१ रन बनाए र नटआउट पनि रहे । त्यसमा दुई चौका र तीन छक्का सामेल थियो ।
अर्का नटआउट ब्याटर नन्दन यादवले दुई रन बनाए । यसअघि ओपनर सचिन शर्मा शून्यमै आउट भएका थिए भने दीपक डुम्रेले पनि सात रन मात्र बनाए । कप्तान डेविड मिलरले पनि खासै ठूलो योगदान दिन सकेनन् । उनी पाँच रन बनाएर आउट भए ।
अर्को ओपनर अरिफुल इस्लामले भने १५ बलमा ३५ रन बनाए । उनले चार चौका र दुई छक्का प्रहार गरे । सोमपाल कामीले चार र मार्क वाटले ६ रनको मात्र योगदान गरे । गुल्सन झाले भने ६ बलमा १८ रन जोडे । कमल ऐरी, सलाहुद्दिन खान र उस्मा मीरले दुई दुई विकेट हात पारे ।
.jpg)
