यसअघि एसबीआइले ९ प्रतिशत लाभांश दिएको थियो । सुपरमाइ हाइड्रोले २१.११ प्रतिशत लाभांश दिएको थियो ।
काठमाडौँ — बजारमा सूचीकृत २ कम्पनीले लाभांश सार्वजनिक गरेका छन् । यसरी लाभांश घोषणा गर्नेमा नेपाल एसबीआइ बैंक र सुपरमाइ हाइड्रोपावर कम्पनी छन् ।
नेपाल एसबीआइ बैंकले सेयरधनीलाई ८.२५ प्रतिशत लाभांश दिने भएको हो ।
एसबीआइले प्रतिकित्ता ३.४ प्रतिशत बोनस सेयर र ४.८५ प्रतिशत नगद लाभांश दिने निर्णय गरेको हो ।
यसले प्रस्ताव गरेको लाभांश राष्ट्र बैंकबाट स्वीकृत र साधारण सभाबाट पारित हुन बाँकी छ । यसअघि पनि एसबीआइले ९ प्रतिशत लाभांश दिएको थियो ।
त्यस्तै, सुपरमाइ हाइड्रोको कात्तिक २२ गते बसेको सञ्चालक समितिले १४ प्रतिशत बोनस सेयर र ४.४२ प्रतिशत नगद लाभांश दिने भएको छ।
यसअघि पनि यसले २१.११ प्रतिशत लाभांश दिएको थियो ।
यसको प्रस्ताव विद्युत नियमन आयोगबाट स्वीकृत र साधारण सभाबाट पारित हुन बाँकी छ ।
.png)
