तेस्रो संस्करणको नेपाल प्रिमियर लिग (एनपीएल) टी–२० क्रिकेट प्रतियोगितामा आज दुई वटा खेल हुँदैछन् । आज पहिलो खेल अन्तर्गत सुदूरपश्चिम रोयल्स र कर्णाली याक्सबिच भईरहेको छ ।
नेपाल प्रिमियर लिग (एनपीएल) टी–२० क्रिकेट प्रतियोगितामा आज दुईवटा खेल हुँदैछन् । आज हुने पहिलो खेलमा सुदूरपश्चिम रोयल्स र कर्णाली याक्स तथा दोस्रो खेलमा चितवन राइनोज र पोखरा एभेन्जर्स प्रतिस्पर्धा गर्दैछन् । दुवै खेलको छिनछिनको अपडेटका लागि कीर्तिपुरस्थित क्रिकेट रंगशालको मिडिया सेन्टरमा कान्तिपुर खेल ब्युरोका हिमेश बज्राचार्य, ध्रुव तुलाधर, कञ्चन अधिकारी र फोटो पत्रकार हेमन्त श्रेष्ठ छन् ।
सुदूरपश्चिम रोयल्सले ९ ओभरको समाप्तिमा २ विकेट गुमाएर ८१ रन बनाएको छ । नवौं ओभरमा सूर्य तामाङले ७ रन खर्चेर सैफ जैबको विकेट लिए । जैब २४ बलमा ४ चौका र १ छक्कासहित ३५ रन बनाएर आउट भए । क्रिजमा कप्तान दीपेन्द्रसिंह ऐरी २ र ब्रान्डन म्याकमलन ११ रनमा छन् ।
सुदूरपश्चिम रोयल्सले ७.२ ओभरमा पहिलो विकेट गुमाएको छ । पवन सर्राफको बलमा २ रन लिने क्रममा विनोद भण्डारी रनआउट भए । उनले २२ बलमा २ चौका र २ छक्कासहित २७ रन बनाए ।
सुदूरपश्चिम रोयल्सले पावरप्लेको ६ ओभरमा बिना विकेटको क्षति ६३ रन बनाएको छ । छैटौं ओभरमा सोमपाल कामीले १२ रन खर्चिए । सैफ जैब १८ बलमा ४ चौका र १ छक्कासहित ३२ रनमा खेलिरहेका छन् । विनोद भण्डारीले १८ बलमा २ चौका र २ छक्कासहित २५ रन बनाएका छन् ।
सुदूरपश्चिम रोयल्सले चार ओभरको समाप्तिमा बिना विकेटको क्षति ४५ रन बनाएको छ । चौथो ओभरमा १२ रन जोडिएको हो । विनोद भण्डारी १४ बलमा २ चौका र २ छक्कासहित २४ रनमा खेलिरहेका छन् । सैफ जैबले १० बलमा २ चौकासहित १६ रन बनाएका छन् ।
सुदूरपश्चिम रोयल्सले पहिलो ओभरमा ७ रन जोडेको छ । मार्क वाटको ओभरमा विनोद भण्डारीले एक चौकासहित ६ रन बनाए । उनी ५ बलमा ६ रन बनाएर खेलिरहेका छन् । सैफ जैबले १ रन जोडेका छन् ।
सुदूरपश्चिम रोयल्सले ब्याटिङ सुरु गरेको छ । क्रिजमा विनोद भण्डारी र सैफ जैब छन् । कर्णालीका लागि मार्क वाटले बलिङ सुरु गरेका छन् ।
कर्णाली याक्समा सोमपाल कामी (कप्तान), गुलशन झा, नन्दन यादव, दीपक डुम्रे, युनिश सिंह ठकुरी, पवन सर्राफ, सूर्य तामाङ, अरिफुल इस्लाम, मार्क वाट, मोहम्मद हुसेन तलात र डेभिड मिलर खेल्दैछन् ।
सुदूरपश्चिम रोयल्समा दीपेन्द्रसिंह ऐरी (कप्तान), विनोद भण्डारी, आरिफ शेख, इशान पाण्डे, हेमन्त धामी, अविनाश बोहरा, अनिल खरेल, सैफ जैब, ब्रान्डन म्याकमलन, थरिन्दु रत्नायाके र स्कट कुग्लेन खेल्दैछन् ।
नेपाल प्रिमियर लिग (एनपीएल) टी–२० क्रिकेट प्रतियोगितामा आज दुईवटा खेल हुँदैछन् । आज हुने पहिलो खेलमा सुदूरपश्चिम रोयल्स र कर्णाली याक्स तथा दोस्रो खेलमा चितवन राइनोज र पोखरा एभेन्जर्स प्रतिस्पर्धा गर्दैछन् । दुवै खेलको छिनछिनको अपडेटका लागि कीर्तिपुरस्थित क्रिकेट रंगशालको मिडिया सेन्टरमा कान्तिपुर खेल ब्युरोका हिमेश बज्राचार्य, ध्रुव तुलाधर, कञ्चन अधिकारी र फोटो पत्रकार हेमन्त श्रेष्ठ छन् ।
शुक्रबार कीर्तिपुरस्थित त्रिभुवन अन्तर्राष्ट्रिय क्रिकेट मैदानमा हुने पहिलो खेलमा कर्णाली याक्सले टस जितेर पहिले बलिङ गर्ने निर्णय गरेको छ ।
कर्णाली आज सुदूरपश्चिमलाई हराउँदै प्रतियोगितामा तेस्रो जित निकाल्ने योजनामा छ । उसले तीन खेल खेल्दा दुईमा जित र एकमा हार बेहोरेको छ । लगातार दुई जित निकालेको कर्णाली पछिल्लो खेलमा काठमाण्डु गोर्खाजसँग पराजित भएको थियो ।
सुदूरपश्चिम भने लगातार दोस्रो जितको खोजीमा छ । उसले चार खेल खेल्दा दुईमा जित र दुईमा हार बेहोरेको छ । सुदूरपश्चिम आज कर्णालीलाई हराएर अंक तालिकामा आफ्नो स्थिति सुधार्न चाहन्छ ।
.png)
