.png)
नेपाल प्रिमियर लिग (एनपीएल) मा सुदूरपश्चिम रोएल्सले काठमाण्डौं गोर्खाजसामु १२६ रनको लक्ष्य प्रस्तुत गरेको छ।
कीर्तिपुरस्थित त्रिवि क्रिकेट मैदानमा काठमाडौंले टस जितेर फिल्डिङ रोजेपछि ब्याटिङ गरेको सुदूरपश्चिमले निर्धारित ओभरमा ६ विकेट गुमाएर १२५ रन बनाएको हो।
सुदूरका लागि कप्तान दीपेन्द्र सिंह ऐरीले ६० रनको योगदान गरे। ५५ बलको सामना गरेका उनले ५ चौका र २ छक्का प्रहार गरे। आरिफ शेख १६ रनमा आउट हुँदा थारिन्दु रत्नायकेले नटआउट २६ रनको योगदान गरे।
मात्र ८ रन जोड्दा ४ विकेट गुमाएको स्थिति सम्हाल्दै दीपेन्द्रले आरिफसँग र थारिन्दुसँग समान ५४ रनको साझेदारी गरे।
काठमाडौंका लागि जहान्द खानले ३ र सन्तोष यादवले २ विकेट लिए।
प्रकाशित: २७ कार्तिक २०८३ १४:१० शुक्रबार
