काठमाडौं - नेपाल र चीन जोड्ने प्रस्तावित केरुङ-काठमाडौँ अन्तरदेशीय रेलवे परियोजनाको सम्भाव्यता अध्ययन प्रतिवेदन तयार भएको छ। गत भदौमा रसुवागढी क्षेत्र र भोटेकोशी नदीमा आएको भीषण बाढीले पुर्याएको क्षति र उत्पन्न प्रश्नहरूबिच दुवै देशका अधिकारीहरू दशैँलगत्तै बस्ने बैठकमा उक्त अध्ययन प्रतिवेदन हस्तान्तरण गर्ने तयारीमा जुटेका छन्।
भोटेकोशी नदीमा हिमपहिरोपछि आएको बाढीले रसुवागढी सीमा नाका, सडक सञ्जाल, विद्युत् पूर्वाधार र मानव बस्तीमा ठूलो क्षति पुर्याएपछि ७२ किलोमिटर दूरीको केरुङ-काठमाडौँ रेलमार्गको भविष्यबारे चासो बढेको थियो। तर, अधिकारीहरूका अनुसार हाल टुङ्गिएको सम्भाव्यता अध्ययनले परियोजनाको आधार तय गरिसकेको छ भने बाढीले पुर्याएको क्षति र प्रभावित बिन्दुहरूको प्राविधिक समाधान अब तयार पारिने विस्तृत परियोजना प्रतिवेदन मार्फत् गरिने छ।
Read full story at source ( canadanepal.com )
