आयोजक रेडियन्ट पब्लिकको कोर्टमा ज्ञानोदयले होली भिजनलाई ३५–२९ स्कोरले पराजित गरेकाे थियो । ज्ञानोदयका साइमन क्षेत्रीले १३ स्कोर गरे ।
काठमाडौं — ज्ञानोदय बालवाटिकाले १२ औं रेडियन्ट कप अन्तरविद्यालय बास्केटबल प्रतियोगितामा आइतबार दोहोरो जित निकालेको छ । ज्ञानोदय सिनियर ब्वाइज र गर्ल्स दुवैमा विजयी भएको हो ।
आयोजक रेडियन्ट पब्लिकको कोर्टमा ज्ञानोदयले होली भिजनलाई ३५–२९ स्कोरले पराजित गरेकाे थियो । ज्ञानोदयका साइमन क्षेत्रीले १३ स्कोर गरे । प्रिन्सेस थापा मगरको ७ स्कोरमा ज्ञानोदयले केभीएस रानीवनलाई ११–९ स्कोरले हरायो ।
सिनियर ब्वाइजमै निसर्ग वाटिकाले मोक्षदालाई ४६–२८, केभीएस, रानीवनले कश्यपलाई ३८–१८ र राइजिङ स्टारले विस्डमलाई ४३–१८ ले हराए । निसर्गका अर्नब सिंहले १४, केभीएस, रानीवनका जिग्मे लामाले १० र राइजिङ स्टारका रेजन थापाले २३ स्कोर गरे । सिनियर गर्ल्समा निसर्ग वाटिकाले केभीएस स्युचाटारलाई ३४–४ स्कोरले पराजित गरेकाे हाे । निसर्गकी आश्रा भण्डारीले १८ स्कोर जोडिन् ।
जुनियर ब्वाइजमा केभीएसले ओएसिस्लाई १९–८ तथा ह्वाइटफिल्डले कश्यपलाई १६–६ स्कोरले हराए । केभीएसका राजीव अधिकारीले १० र ह्वाइटफिल्डका मसिक तामाङले ४ स्कोर गरे ।