काठमाडौँ । भारतको अयोध्यादेखि धनुषाको जनकपुरधामसम्म सिधा रेल सेवा सुरु हुने भएपछि स्थानीय बासिन्दा तथा पर्यटन व्यवसायी उत्साहित बनेका छन्। भारत भ्रमणमा रहेका प्रधानमन्त्री वालेन्द्र साह र भारतीय समकक्षी नरेन्द्र मोदीले भोलि सोमबार संयुक्त रूपमा उक्त रेल सेवाको उद्घाटन गर्ने कार्यक्रम तय भएको छ। यो रेल सेवाले दुई देशबीचको पौराणिक तथा सांस्कृतिक सम्बन्धलाई थप प्रगाढ बनाउने विश्वास लिइएको छ।
जनकपुरधाम उपमहानगरपालिका–२५ का स्थानीय रमेशकुमार झाले अयोध्या–जनकपुरधाम रेल सञ्चालन हुने खबरले नै खुसी लागेको बताउँदै रेल गुड्न थालेपछि अझ हर्ष बढ्ने उल्लेख गरे। अब यस क्षेत्रका बासिन्दालाई अयोध्या दर्शन गर्न जान सहज हुने भन्दै उनले उताबाट जनकपुरधाम आउने तीर्थयात्रीका लागि सरकारले पर्याप्त सुविधा उपलब्ध गराउनुपर्ने बताए। यस्तै, वडा नम्बर १ का लम्बु महाराजीले पहिले अयोध्या पुग्न पटक–पटक बस र रेल फेर्नुपर्ने बाध्यता रहेको स्मरण गर्दै अब सिधा रेल चल्दा दर्शनार्थीलाई ठूलो राहत मिल्ने बताए।
Read full story at source ( hamrakura.com )