Trending
Prev Story
Next Story

प्रधानमन्त्रीको भारत भ्रमण : एजेन्डामै परेन सीमा विवादको विषय

Onlinekhabar •
November 20, 2026 • 12:00 PM
2
2 reads 0 reactions

६ मंसिर, काठमाडौं । प्रधानमन्त्री बालेन शाहको भारत भ्रमणको पूर्वसन्ध्यासम्म परराष्ट्र मन्त्रालयका उच्च तहका कर्मचारीहरूबीच एउटा चर्चा थियो, ‘दिल्ली पुगेर बालेनले सीमा विवादको विषय कसरी उठान गर्लान् ? आफ्ना भारतीय समकक्षी नरेन्द्र मोदीसँग कसरी प्रस्तुत …

प्रधानमन्त्रीको भारत भ्रमण : एजेन्डामै परेन सीमा विवादको विषय

६ मंसिर, काठमाडौं । प्रधानमन्त्री बालेन शाहको भारत भ्रमणको पूर्वसन्ध्यासम्म परराष्ट्र मन्त्रालयका उच्च तहका कर्मचारीहरूबीच एउटा चर्चा थियो, ‘दिल्ली पुगेर बालेनले सीमा विवादको विषय कसरी उठान गर्लान् ? आफ्ना भारतीय समकक्षी नरेन्द्र मोदीसँग कसरी प्रस्तुत होलान्?

सीमा विवादबारे प्रधानमन्त्रीलाई जोडेर परराष्ट्र मन्त्रालयमा यसरी छलफल हुनुका दुई कारण छन् ।

पहिलो- गत जेठ १७ मा संसद्‌मा उनले सीमा विवादबारे दिएको अभिव्यक्ति।

संसद्‌मा उनले भनेका थिए, ‘एउटा कुरा अचम्म लाग्न सक्छ । प्रधानमन्त्री भएपछि थाहा पाएँ । भारतले नेपालको मात्रै होइन, नेपालले पनि भारतको जग्गा धेरै ठाउँमा मिचेको रहेछ । उनीहरूले मिचेको र हामीले मिचेको के हो दुवै देशले अध्ययन गरेर बसेर साथीको रूपमा समाधान गर्ने सोच राखेका छौं।’

दोस्रो- काठमाडौं महानगरपालिकाको मेयर हुँदा बालेनले आफ्नो कार्यकक्षमा ग्रेटर नेपालको नक्सा झुण्ड्याएका थिए । भारतले नयाँ संसद् भवनमा नेपाली भूभागसमेत समावेश भएको ‘अखण्ड भारत’को मुरल राखेपछि बालेनले आफ्नो कार्यकक्षमा ग्रेटर नेपालको नक्सा राखेका थिए ।

तर, प्रधानमन्त्री बालेनको भारत भ्रमणमा जाने दिन अर्थात् आइतबार बिहान ती कर्मचारीहरू अच्चमित मात्रै भएनन्, स्तब्ध पनि छन् । किनकि, भ्रमणको एजेन्डामा सीमा विवादबारे एक शब्द पनि कतै लेखिएको छैन।

यसको अर्थ हो, बालेनले आफ्नो भारत भ्रमणमा सीमा विवादबारे एक शब्द पनि बोल्ने छैनन्।

परराष्ट्र मन्त्रालयका एक उच्च तहका कर्मचारीका अनुसार सीमा विवादको विषय सुरुदेखि नै उठाउने कुरा चलिरहेको थियो। तर आज अचानक सबै विषय लगभग तय भइसके पनि सीमा विवादको विषय नसमेटिएको उनी बताउँछन्।

‘सुरुमा त भारत भ्रमणमा जाने/नजाने विषय नै टुंगो लागेको थिएन। टुंगो लागे पनि यति छोटो समयको भ्रमण होला भनेर कसैले अनुमानै गरेका थिएनौं,’ ती कर्मचारी सुनाउँछन्, ‘भ्रमणको गृहकार्य सुरु भएयता सबैभन्दा धेरै जोड सीमा विषयमाथि नै थियो। गृहकार्य नभएको पनि होइन। तर आज अचानक कहीँकतै त्यो विषय समेटिएको पाएनौं।’

बालेनको भारत भ्रमणमा सीमा विवादको एजेन्डा नभएको प्रधानमन्त्री कार्यालयको एक उच्च स्रोतले पनि पुष्टि गर्‍यो। स्रोतका अनुसार प्रधानमन्त्री बालेनले आफ्नो भारत भ्रमणमा कुनै विवादित विषय नराख्न स्पष्ट रूपमै भनेका थिए।

‘सीमा विवादको विषयबारे हाम्रो दुई पक्षीय वार्ता नै भएको थियो। तर सीमाको विषय झिक्दा पूरा भ्रमण नै प्रभावित हुने खतरा बढेपछि त्यो विषय नै प्रधानमन्त्रीजीले हटाउन लगाउनुभयो,’ स्रोतले अनलाइनखबरसँग भन्यो, ‘संवाद र सहकार्यका लागि धेरै विषय भएका कारण तत्कालका लागि सीमा विवाद प्राथमिकतामा राखिएन।’

सत्तारुढ राष्ट्रिय स्वतन्त्र पार्टी (रास्वपा)ले २०८२ फागुन २१ गतेको प्रतिनिधिसभा सदस्य निर्वाचनका लागि सार्वजनिक गरेको चुनावी ‘वाचापत्र’ मा सीमा विवाद समाधानका लागि भावनामा नभई तथ्य र प्रमाणका आधारमा कूटनीतिक पहल गर्ने उल्लेख छ ।

भारतका लागि नेपालका पूर्वराजदूत नीलाम्बर आचार्य भने एजेन्डामा नभए पनि सीमा विवादको विषय उठ्नुपर्ने बताउँछन्। उनका अनुसार सीमा विवादबारे कुरा नगरी दुवै देशलाई सुख छैन।

‘यो हामी दुवै देशलाई घोचिरहने विषय हो। एकैचोटी निकास ननिस्किए पनि संवादको ढोका खोल्नुपर्छ,’ आचार्य भन्छन्, ‘यो विषयलाई गुम्स्याएर राख्दा कसैलाई फाइदा छैन। मलाई यो विषयमा कुरा हुन्छ भन्ने विश्वास छ।’

कूटनीतिक मामिलाका जानकार मोहनकृष्ण श्रेष्ठ भने प्रधानमन्त्रीको भारत भ्रमणमा सीमा विवादको एजेन्डा छुट्न नहुने विषय भएको बताउँछन् । उनका अनुसार सीमाको विषय दुवै देशका लागि विवादित विषय भएका कारण यसमा दुवै देशबीच पर्याप्त कुराकानी हुन जरुरी भइसकेको छ।

‘समस्या समाधानका लागि त एजेन्डा बन्नै पर्थ्यो। दुवै देशले यो विषयलाई प्राथमिकता दिनुपर्ने हो,’ उनी भन्छन्, ‘कुरै नगर्ने हो भने समाधान कसरी निस्किन्छ?’

Prev Swipe Story Next

Same Story from Other Publications

Compare how 5 other independent news outlets reported on this story.

5 Publications
Hamro Patro News
26m ago
प्रधानमन्त्रीको भारत भ्रमण : एजेन्डामै परेन सीमा विवादको विषय

प्रधानमन्त्रीको भारत भ्रमण : एजेन्डामै परेन सीमा विवादको विषय

६ मंसिर, काठमाडौं । प्रधानमन्त्री बालेन शाहको भारत भ्रमणको पूर्वसन्ध्यासम्म परराष्ट्र मन्त्रालयका उच्च तहका कर्मचारीहरूबीच एउटा चर्चा थियो, ‘दिल्ली पुगेर बालेनले सीमा विवादको विषय कसरी उठान गर्लान्...

#बालेन-शाह #भारत #सीमा
Compare →
Bizshala
2h ago
प्रधानमन्त्री बालेन भारत भ्रमणमा निस्किएपछि विराजभक्त श्रेष्ठलाई कार्यवाहक प्रधानमन्त्रीको जिम्मेवारी

प्रधानमन्त्री बालेन भारत भ्रमणमा निस्किएपछि विराजभक्त श्रेष्ठलाई कार्यवाहक प्रधानमन्त्रीको जिम्मेवारी

काठमाण्डौ । प्रधानमन्त्री वालेन्द्र शाह (बालेन) औपचारिक भारत भ्रमणमा जाने भएपछि ऊर्जा मन्त्री विराजभक्त श्रेष्ठले...

#बालेन-शाह #भारत #भ्रमण
Compare →
Ekantipur
13m ago
प्रधानमन्त्रीलाई सुस्ताबासीको आग्रह : बिन्ती छ, सीमा विवाद समाधान होस्

प्रधानमन्त्रीलाई सुस्ताबासीको आग्रह : बिन्ती छ, सीमा विवाद समाधान होस्

प्रधानमन्त्री वालेन्द्र शाहको दुई दिने भारत भ्रमणमा सुस्तावसीले अतिक्रमित भूमि फिर्ता, सीमा स्तम्भ पुनःस्थापना, नागरिकता तथा लालपुर्जा समस्या समाधानका लागि ठोस पहल अपेक्षा गरेका छन् ।

#भारत #सीमा #भ्रमण
Compare →
Arthasansar
38m ago
दुई दिने भ्रमणका लागि भारत प्रस्थान गरे प्रधानमन्त्री शाह

दुई दिने भ्रमणका लागि भारत प्रस्थान गरे प्रधानमन्त्री शाह

प्रधानमन्त्री बालेन शाह दुई दिने राजकीय भ्रमणका लागि भारत प्रस्थान गरेका छन् । उनी केहीबेरअघि मात्रै त्रिभुवन अन्तर्राष्ट्रिय विमानस्थल पुगेका...

#बालेन-शाह #भारत #भ्रमण
Compare →
Nagarik News
2h ago
प्रधानमन्त्रीसँग भारत भ्रमणमा ३५ जना सदस्य टोली, को-को हुन् ? (सूचीसहित)

प्रधानमन्त्रीसँग भारत भ्रमणमा ३५ जना सदस्य टोली, को-को हुन् ? (सूचीसहित)

प्रधानमन्त्री बालेन्द्र शाह ३५ सदस्यीय टोलीको नेतृत्व गर्दै आज नयाँदिल्ली प्रस्थान गर्दै छन्।

#बालेन-शाह #भारत #भ्रमण
Compare →

Related Stories

Politics & Governance
Build #2612