Trending
Prev Story
Next Story

एफबीआईको मोस्ट वान्टेड लागुऔषध माफिया पक्राउ, सेनाले हेलिकप्टरबाट चलायो गोली

Onlinekhabar •
November 20, 2026 • 12:00 PM
2
2 reads 0 reactions

५ मंसिर, काठमाडौं । अमेरिकी अनुसन्धान एजेन्सी एफबीआईको मोस्ट वान्टेड सूचीमा रहेका लागुऔषध माफिया फाउस्टो इसिद्रो मेजा फ्लोरेसलाई मेक्सिकोको सेनाले पक्राउ गरेको छ। सीएनएनका अनुसार, शुक्रबार राति एक बेसबल खेल चलिरहेकै बेला उनलाई पक्रन सैन्य …

एफबीआईको मोस्ट वान्टेड लागुऔषध माफिया पक्राउ, सेनाले हेलिकप्टरबाट चलायो गोली

५ मंसिर, काठमाडौं । अमेरिकी अनुसन्धान एजेन्सी एफबीआईको मोस्ट वान्टेड सूचीमा रहेका लागुऔषध माफिया फाउस्टो इसिद्रो मेजा फ्लोरेसलाई मेक्सिकोको सेनाले पक्राउ गरेको छ। सीएनएनका अनुसार, शुक्रबार राति एक बेसबल खेल चलिरहेकै बेला उनलाई पक्रन सैन्य अपरेसन चलाइएको थियो।

यस क्रममा हेलिकप्टरबाट समेत गोली प्रहार गरिएको थियो। गोली चलेको आवाज सुनेपछि दर्शकहरू रङ्गशालाबाट भाग्न थाले भने खेलाडीहरूले पनि मैदान छाड्नुपर्‍यो।

लागुऔषध माफिया इसिद्रो मेक्सिकोको गुआसाभे सहरमा सक्रिय मेजा-फ्लोरेस क्रिमिनल अर्गनाइजेसनका प्रमुख हुन्। एफबीआईका अनुसार मेजा फ्लोरेसमाथि अमेरिकामा ठूलो परिमाणमा हेरोइन, मेथामफेटामाइन, कोकिन, फेन्टानिल र गाँजा पुर्‍याउने, भण्डारण गर्ने तथा आपूर्ति गर्ने आरोप छ।

एफबीआईले उनको गिरफ्तारीमा सघाउने सूचना दिने व्यक्तिलाई ५० लाख डलर अर्थात् करिब ४६ करोड भारतीय रुपैयाँ इनाम दिने घोषणा गरेको थियो।

मेजा फ्लोरेसविरुद्ध सन् २०१९ मा लागुऔषध तस्करी र अवैध हतियार राखेको अभियोगमा मुद्दा दर्ता भएको थियो। यसअघि सन् २०१२ मा पनि उनीमाथि लागुऔषध तस्करीको आरोप लागेको थियो।

मेक्सिकोबाट अमेरिका हुन्छ लागुऔषध आपूर्ति

अमेरिका विश्वकै सबैभन्दा ठूला लागुऔषध बजारमध्ये एक हो। मेक्सिकोबाट यहाँ कोकिन, हेरोइन, मेथामफेटामाइन र फेन्टानिलजस्ता लागुपदार्थको ठूलो खेप पुग्ने गर्छ।

अमेरिकी लागुऔषध एजेन्सीका अनुसार सिनालोआ र जलिस्को न्यु जेनेरेसनजस्ता गिरोह यो कारोबारमा संलग्न छन्। यी गिरोहहरूले लागुऔषध उत्पादनदेखि आपूर्तिसम्मको काम गर्छन्।

यीमध्ये फेन्टानिल अमेरिकाका लागि ठूलो चिन्ताको विषय बनेको छ। यसको थोरै मात्रा बढी भएमा पनि ज्यान जान सक्छ। अमेरिकी स्वास्थ्य एजेन्सी सीडीसीका अनुसार सन् २०२५ मा फेन्टानिलका कारण करिब ३८ हजार मानिसको मृत्यु भएको थियो, जबकि सन् २०२४ मा यो सङ्ख्या करिब ५० हजार थियो।

अर्कोतर्फ, मेक्सिकोमा यी गिरोहहरू यति शक्तिशाली भइसकेका छन् कि कतिपय क्षेत्रमा प्रहरी र सरकारी अधिकारीहरूलाई समेत चुनौती दिन्छन्।

हतियार, धम्की र घूसको बलमा उनीहरूले आफ्नो कारोबार चलाउँछन्। धेरै ठाउँमा सर्वसाधारण यिनको त्रासमा बाँच्न बाध्य छन् भने स्थानीय प्रशासनसमेत यिनका विरुद्ध कारबाही गर्न हच्किन्छ।

मेक्सिकोमा ड्रग कार्टेलहरूको कारोबार २०औँ शताब्दीका अन्तिम दशकहरूमा तीव्र रूपमा बढ्यो। त्यतिबेला कोलम्बियाका लागुऔषध तस्करहरू अमेरिकामा कोकिन पुर्‍याउन मेक्सिकोको बाटो प्रयोग गर्थे।

बिस्तारै मेक्सिकोका तस्करहरू आफैँ लागुऔषधको आपूर्ति गर्न थाले। यही क्रममा सिनालोआ र जलिस्को न्यु जेनेरेसनजस्ता ठूला कार्टेलहरू शक्तिशाली बने।

जोकिन एल चापो गुजम्यानले सिनालोआ कार्टेललाई विश्वकै सबैभन्दा ठूला लागुऔषध गिरोहमध्ये एक बनाए। यस गिरोहले लागुऔषध तस्करीका लागि कैयौँ देशसम्म फैलिएको सञ्जाल तयार गर्‍यो। कार्टेलहरूले आफ्नो कारोबार विस्तार गर्न हिंसा र भ्रष्टाचारको सहारा लिए।

अमेरिकामा लागुपदार्थको उच्च मागले यी कार्टेलहरूको कारोबार झनै बढायो। पहिले यिनीहरू मुख्यतया कोकिन र हेरोइनको तस्करी गर्थे, तर पछि फेन्टानिलजस्ता घातक लागुपदार्थको कारोबार पनि सुरु गरे।

Prev Swipe Story Next

Same Story from Other Publications

Compare how 4 other independent news outlets reported on this story.

4 Publications
Ekantipur
9h ago
सुनसरीमा ठूलो परिमाणमा लागुऔषध सहित १३ जना पक्राउ

सुनसरीमा ठूलो परिमाणमा लागुऔषध सहित १३ जना पक्राउ

इनरुवा जिल्ला प्रहरी कार्यालय सुनसरीले विभिन्न स्थानबाट ठूलो परिमाणमा लागुऔषध सहित १३ जनालाई शुक्रबार पक्राउ गरेको छ ।

#लागुऔषध
Compare →
Nagarik News
4d ago
विकास पुग्नुअघि कर्णालीमा पुग्यो लागुऔषध

विकास पुग्नुअघि कर्णालीमा पुग्यो लागुऔषध

कर्णालीका पहाड र खोचमा आधारभूत स्वास्थ्य सेवा, गुणस्तरीय शिक्षा र सडकको पहुँच विस्तार हुन सकेको छैन्। तर, युवाको स्वास्थ्य, चेतना र भविष्यलाई खोक्रो बनाउने लागुऔषधको कारोबार भने भौगोलिक अवरोध छिचोल्दै गाउँबस्तीसम्म फैलिएको छ।

#लागुऔषध
Compare →
Bizshala
6d ago
त्रिभुवन विमानस्थलबाट २२ करोडको सेतो हेरोइन बरामद, अन्तर्राष्ट्रिय लागुऔषध गिरोहसँग जोडिएका भारतीय नागरिक पक्राउ

त्रिभुवन विमानस्थलबाट २२ करोडको सेतो हेरोइन बरामद, अन्तर्राष्ट्रिय लागुऔषध गिरोहसँग जोडिएका भारतीय नागरिक पक्राउ

काठमाण्डौ । त्रिभुवन अन्तर्राष्ट्रिय विमानस्थलबाट प्रहरीले करिब २२ करोड रुपैयाँ मूल्य बराबरको ठूलो परिमाणमा...

#लागुऔषध
Compare →
Hamro Patro News
1w ago
बोलिभियाका लागुऔषध तस्करीको आशंकामा पूर्वन्यायाधीश पक्राउ

बोलिभियाका लागुऔषध तस्करीको आशंकामा पूर्वन्यायाधीश पक्राउ

काठमाडौं– बोलिभियाली अधिकारीहरूले लागुऔषध तस्करीमा संलग्न रहेको आशंकामा एक पूर्ववरिष्ठ न्यायाधीशलाई पक्राउ गरेका छन् । ल्याटिन अमेरिकी क्षेत्रमा लागुऔषध तस्करी गर्ने गिरोहसँग सम्बन्ध रहेको आशंका गर...

#लागुऔषध
Compare →

Related Stories

Sports
Build #2612