Trending
Prev Story
Next Story

बङ्गलादेशमा हिंसा-प्रतिहिंसाको शृङ्खला  हसिना समर्थकका ५० घरमा आगजनी

Onlinekhabar •
November 20, 2026 • 12:00 PM
2
2 reads 0 reactions

५ मंसिर, काठमाडौं । बङ्गलादेशमा हिंसा-प्रतिहिंसाको शृङ्खला चलिरहेको छ । नराइल जिल्लामा पूर्वप्रधानमन्त्री शेख हसिनाको पार्टी अवामी लिगका नेता, कार्यकर्ता र समर्थकका करिब ५० घर तथा पसलमा आगजनी गरिएको छ। शुक्रबार कालिया उपजिल्लाको बेन्दर चार गाउँमा …

बङ्गलादेशमा हिंसा-प्रतिहिंसाको शृङ्खला  हसिना समर्थकका ५० घरमा आगजनी

५ मंसिर, काठमाडौं । बङ्गलादेशमा हिंसा-प्रतिहिंसाको शृङ्खला चलिरहेको छ । नराइल जिल्लामा पूर्वप्रधानमन्त्री शेख हसिनाको पार्टी अवामी लिगका नेता, कार्यकर्ता र समर्थकका करिब ५० घर तथा पसलमा आगजनी गरिएको छ।

शुक्रबार कालिया उपजिल्लाको बेन्दर चार गाउँमा यो घटना भएको हो। स्थानीयका अनुसार शुक्रबार दिउँसोदेखि सुरु भएको आक्रमण राति अबेरसम्म जारी रह्यो। आक्रमणकारीहरूले कैयौँ घरमा तोडफोड गर्नुका साथै त्यहाँ रहेका फर्निचर, बहुमूल्य सामान र अन्य सामग्री लुटपाट गरेका छन्।

पूर्वप्रधानमन्त्री शेख हसिनाले देश फर्कने घोषणा गरेयता बङ्गलादेशमा तनाव बढेको छ। केही दिनअघि भएको हिंसामा प्रधानमन्त्री तारिक रहमानको पार्टी बीएनपीका दुई नेताको हत्या भएको थियो।

पूर्वसांसद र मेयरका घरमा पनि आक्रमण

अवामी लिगका पूर्वसांसदका अलावा पूर्वमेयर र पार्टीसँग आबद्ध ठूला नेताहरूका घरलाई पनि निसाना बनाइएको छ। स्थानीयले यी आक्रमणका लागि प्रधानमन्त्री तारिक रहमानको पार्टी बीएनपीका कार्यकर्तालाई जिम्मेवार ठहराएका छन्। यद्यपि, आरोपितहरूको पहिचान हुन सकेको छैन।

अग्नि नियन्त्रण सेवाका अनुसार शुक्रबार साँझ कैयौँ घरमा आगलागी भएको सूचना प्राप्त भएको थियो। केही व्यक्तिले बाटोमा रूख काटेर ढालिदिएका कारण दमकलका गाडीहरू ढिलो गरी घटनास्थलमा पुगेका थिए। प्रहरीले घटनाको अनुसन्धान सुरु गरिएको जनाएको छ।

१८ नोभेम्बरदेखि सुरु भएको थियो हिंसा

हिंसाको सुरुवात १८ नोभेम्बरको साँझबाट भएको थियो। उक्त दिन बेन्दर चार क्षेत्रमा बीएनपी कार्यकर्ताको मोटरसाइकल र्‍यालीमाथि आक्रमण भएको थियो। बीएनपीका अनुसार यो र्‍याली अवामी लिगका हिंसात्मक गतिविधिको विरोधमा निकालिएको थियो।

र्‍याली बेन्दर चार गाउँको वरको रूख भएको क्षेत्रमा पुग्नासाथ आक्रमण भएको थियो। यस क्रममा कैयौँ मोटरसाइकलमा समेत आगजनी गरिएको थियो। आक्रमणमा तीन जना घाइते भएका थिए, जसमध्ये गम्भीर अवस्थाका दुई जनालाई उपचारका लागि खुलना लगिएको थियो।

सोही क्रममा दुवैको मृत्यु भयो। बीएनपीका नेता तथा कार्यकर्ताले यो आक्रमणका लागि अवामी लिगका सदस्यलाई जिम्मेवार ठहराएका थिए।

विदेश राज्यमन्त्रीको घरमा पनि आगजनी

बङ्गलादेशका विदेश राज्यमन्त्री हुमायुन कबीरको घरमा शुक्रबार पेट्रोल बम प्रहार गरी आगजनी गरिएको थियो। घटनाका बेला कबीर घरमा उपस्थित थिएनन्। यस घटनाको अनुसन्धान भइरहेको सरकारी अधिकारीहरूले बताएका छन् ।

कबीरले यस आक्रमणका लागि पूर्वप्रधानमन्त्री शेख हसिनाको पार्टी अवामी लिगलाई जिम्मेवार ठहराएका छन्। उनले अवामी लिगलाई आतङ्कवादी सङ्गठनसमेत भनेका छन्।

अवामी लिगको बन्द आह्वानबीच कैयौँ स्थानमा आगजनी

शेख हसिनाको पार्टी अवामी लिगले १९ नोभेम्बरमा देशभर एकदिने बन्दको घोषणा गरेको थियो।

पार्टीले हसिनाको फिर्तीको माग गर्दै करिब एक सातासम्म प्रदर्शन र र्‍याली गरेपछि बन्द आह्वान गरेको हो। बन्दको सबैभन्दा बढी असर अवामी लिगको बलियो जनाधार रहेका दक्षिणी बङ्गलादेशका जिल्लाहरूमा देखियो।

यस क्रममा विभिन्न स्थानमा आगजनी, तोडफोड र आक्रमणका घटना भए । यसबीचमा, शेख हसिनाको गृह जिल्ला गोपालगन्जमा बीएनपीका दुई सांसदको घरमा तोडफोड र आगजनी गरियो। केही बजार र पसललाई पनि निसाना बनाइयो।

प्रहरीका अनुसार कम्तीमा ६ वटा बस र पिकअप गाडीमा आगो लगाइएको छ भने रेलमार्गको एक भागमा समेत क्षति पुर्‍याइएको छ। बिहीबार राजमार्गमा एउटा बस र ट्रकमा आगो लगाइयो। बसमा सवार सबै यात्रु सुरक्षित रूपमा बाहिर निस्कन सफल भए।

चटगाउँमा १८ नोभेम्बरको राति पूर्वअन्तरिम सरकार प्रमुख मोहम्मद युनुसको पुर्ख्यौली घरमा आगजनी गरिएको थियो।

डिसेम्बरमा देश फर्कन चाहन्छिन् हसिना

बङ्गलादेशमा सन् २०२४ को विद्यार्थी आन्दोलनपछि शेख हसिनाको सरकार ढलेको थियो। त्यसपछि मोहम्मद युनुसले अन्तरिम सरकारको नेतृत्व सम्हालेका थिए र हसिनाको पार्टी अवामी लिगमाथि प्रतिबन्ध लगाएका थिए।

अहिले तारिक रहमान बङ्गलादेशका प्रधानमन्त्री छन् र उनको सरकारले पनि उक्त प्रतिबन्धलाई निरन्तरता दिएको छ।

हसिनाले जुलाई २०२६ मा डिसेम्बरमा बङ्गलादेश फर्कने र त्यहाँको अदालतमा कानुनी प्रक्रियाको सामना गर्ने इच्छा व्यक्त गरेकी थिइन्।

यसै महिना उनले जुनसुकै हालतमा डिसेम्बरमा फर्कने कुरा दोहोर्‍याएपछि देशमा राजनीतिक तनाव चुलिएको हो।

Prev Swipe Story Next

Same Story from Other Publications

Compare how 4 other independent news outlets reported on this story.

4 Publications
Hamro Patro News
1w ago
हसिनालाई स्वदेश फर्काउन माग गर्दै समर्थक सडकमा, बंगलादेशभर हिंसा भड्कियो

हसिनालाई स्वदेश फर्काउन माग गर्दै समर्थक सडकमा, बंगलादेशभर हिंसा भड्कियो

बंगलादेशकी अपदस्थ पूर्वप्रधानमन्त्री शेख हसिनालाई स्वदेश फर्काउन माग गर्दै उनका समर्थकहरू सडकमा उत्रिएपछि देशभर तनाव र हिंसा भड्किएको छ। प्रदर्शनकारीलाई नियन्त्रणमा लिन प्रहरीले अश्रुग्यास र रबरका ...

#हिंसा #हसिना #समर्थक
Compare →
Bizshala
1d ago
बंगलादेशमा राजनीतिक हिंसा चर्कियो, चार जनाको मृत्यु र देशभर आगजनी : हसिनाको पार्टीमाथि सरकारको गम्भीर आरोप

बंगलादेशमा राजनीतिक हिंसा चर्कियो, चार जनाको मृत्यु र देशभर आगजनी : हसिनाको पार्टीमाथि सरकारको गम्भीर आरोप

काठमाण्डौ । बंगलादेशमा पूर्वप्रधानमन्त्री शेख हसिना नेतृत्वको अवामी लिगले आह्वान गरेको देशव्यापी बन्दका क्रममा...

#हसिना #हिंसा #आगजनी
Compare →
Ekantipur
2d ago
बंगलादेशमा हसिना समर्थकहरुको आन्दोलन हिंसात्मक बन्दै, सत्तारुढ पार्टीका नेताका घर जले

बंगलादेशमा हसिना समर्थकहरुको आन्दोलन हिंसात्मक बन्दै, सत्तारुढ पार्टीका नेताका घर जले

पछिल्ला १० दिनको विरोध प्रदर्शनका क्रममा कम्तीमा २८ जिल्लामा दर्जनौँपटक घरेलु बम विस्फोट

#हसिना #हिंसा #समर्थक
Compare →
Nagarik News
5d ago
शेख हसिनालाई स्वदेश फर्काउनुपर्ने माग गर्दै बंगलादेशमा हिंसा, सरकारले हटायो गोपालगञ्जका डीसी र एसपी

शेख हसिनालाई स्वदेश फर्काउनुपर्ने माग गर्दै बंगलादेशमा हिंसा, सरकारले हटायो गोपालगञ्जका डीसी र एसपी

बंगलादेशको गोपालगञ्जमा पूर्वप्रधानमन्त्री शेख हसिनालाई स्वदेश फर्काउनुपर्ने माग गर्दै भएको प्रदर्शन हिंसात्मक बनेपछि सरकारले जिल्लाका प्रमुख प्रशासकीय अधिकारी (डिपुटी कमिस्नर) र प्रहरी प्रमुख (एसपी) लाई पदबाट हटाएको छ।

#हसिना #हिंसा
Compare →

Related Stories

World News
Build #2612