Trending
Prev Story
Next Story

१२८ देशहरू सन् २०२८ भित्र एआई सञ्चालित किलर रोबोट सम्बन्धी नियम विस्तार गर्न सहमत

Onlinekhabar •
November 20, 2026 • 12:00 PM
2
2 reads 0 reactions

५ मंसिर, काठमाडौं । स्विट्जरल्यान्डको जेनेभा सहरमा आयोजित संयुक्त राष्ट्रसङ्घीय सम्मेलनमा सहभागी १२८ देशहरू आगामी दुई वर्षभित्र किलर रोबोटका रूपमा चिनिने घातक स्वचालित हतियार नियमन गर्ने सम्भावित सम्झौतालाई विस्तार गर्न सहमत भएका छन्। प्रहार गर्ने अन्तिम …

१२८ देशहरू सन् २०२८ भित्र एआई सञ्चालित किलर रोबोट सम्बन्धी नियम विस्तार गर्न सहमत

५ मंसिर, काठमाडौं । स्विट्जरल्यान्डको जेनेभा सहरमा आयोजित संयुक्त राष्ट्रसङ्घीय सम्मेलनमा सहभागी १२८ देशहरू आगामी दुई वर्षभित्र किलर रोबोटका रूपमा चिनिने घातक स्वचालित हतियार नियमन गर्ने सम्भावित सम्झौतालाई विस्तार गर्न सहमत भएका छन्।

प्रहार गर्ने अन्तिम निर्णयमा मानिसको संलग्नता बिना नै ज्यान लिन सक्ने यस्ता हतियारमाथि कानुनी रूपमा बाध्यकारी नियम छिट्टै लागू गर्न करिब १०० राष्ट्रले दबाब दिएपछि कन्भेन्सन अन सर्टेन कन्भेन्सनल वेपन्स (सीसीडब्लू) मा शनिबार यो घोषणा गरिएको हो।

अमेरिका, रुस र इजरायललगायत प्रमुख हतियार उत्पादक राष्ट्रहरूले भने उक्त प्रयासको विरोध गरेका थिए। यस महासन्धिअन्तर्गत कुनै पनि निर्णय गर्न सबै सदस्य राष्ट्रको सहमति आवश्यक पर्छ।

कूटनीतिज्ञहरूका अनुसार कार्यविधिमा रुसले आपत्ति जनाएपछि केही औपचारिक सत्रहरू स्थगित भएका थिए। त्यसपछि अन्तिम शब्दावली तय गर्न रातभर छलफल चलेको थियो।

सम्मेलनको अध्यक्षता गरेका स्विस कूटनीतिज्ञ जुलियन थोएनीले केही देशले वार्ता भन्ने शब्द अस्वीकार गरेको बताए। सहमति भएको दस्तावेजमा यसको सट्टा कुनै संयन्त्रको विस्तार भन्ने उल्लेख गरिएको छ।

उनले १० वर्षभन्दा लामो छलफलपछि मानवीय निःशस्त्रीकरणका लागि यो एउटा महत्त्वपूर्ण कदम बनेको बताए। बैठक समापनका क्रममा पत्रकारहरूसँग कुरा गर्दै उनले भने, ‘यसले आजको गहिरो रूपमा विभाजित विश्वमा पनि बहुपक्षीय कूटनीतिले अझै ठोस नतिजा दिन सक्छ भन्ने देखाएको छ।’

उनका अनुसार यस प्रक्रियाले अन्तर्राष्ट्रिय मानवीय कानुनअन्तर्गत कुन हतियारमाथि प्रतिबन्ध लगाउन सकिन्छ र कुनलाई नियमनसहित अनुमति दिन सकिन्छ भन्ने निर्धारण गर्नुपर्छ।

स्वचालित हतियारको विकास र प्रयोगको विरोध गर्दै आएका ३०० सङ्गठनहरूको गठबन्धन स्टप किलर रोबोट्सले उक्त म्यान्डेटलाई फितलो भन्दै यसले कानुनी रूपमा बाध्यकारी नियम बनाउने कुनै स्पष्ट बाटो नदिएको बताएको छ।

गठबन्धनकी कार्यकारी निर्देशक निकोल भ्यान रुइजेनले लक्ष्य छनोट गर्न आर्टिफिसियल इन्टेलिजेन्स प्रयोग गर्ने प्रणालीसहित स्वचालित हतियारहरू युद्धमैदानमा प्रयोग भइरहेको बताइन्।

समाचार एजेन्सी एएफपीसँग कुरा गर्दै उनले भनिन्, ‘कानुनी रूपमा बाध्यकारी संयन्त्र निर्माणमा ढिलाइ गर्नुले सर्वसाधारण र मानवतालाई जोखिममा पार्छ।’

ह्युमन राइट्स वाचकी हतियारसम्बन्धी उपनिर्देशक भेरिटी कोयलले सम्मेलनको नतिजा निराशाजनक रहेको प्रतिक्रिया दिइन्। उनले एएफपीसँग भनिन्, ‘नयाँ नियममा सहमति जुटाउन आवश्यक पर्ने तत्काल कदम यसले प्रदान गर्दैन, जबकि प्रविधि भने तीव्र गतिमा अघि बढिरहेको छ।’

Prev Swipe Story Next

Same Story from Other Publications

Compare how 4 other independent news outlets reported on this story.

4 Publications
Nagarik News
1d ago
नेपालमा एआई र डिजिटल सम्पर्क विस्तार गर्न सामसङ नेपाल र एनसेलबीच सहकार्य

नेपालमा एआई र डिजिटल सम्पर्क विस्तार गर्न सामसङ नेपाल र एनसेलबीच सहकार्य

नेपालभर उन्नत मोबाइल प्रविधि, कृत्रिम बौद्धिकता तथा डिजिटल सम्पर्कको पहुँच विस्तार गर्ने उद्देश्यले सामसङ नेपाल र एनसेलबीचको सहकार्य थप सुदृढ भएको छ।

#विस्तार #एआई
Compare →
Hamro Patro News
4d ago
‘किलर रोबोट’ नियन्त्रणका लागि राष्ट्रसङ्घमा बहस

‘किलर रोबोट’ नियन्त्रणका लागि राष्ट्रसङ्घमा बहस

काठमाडौं । युद्धमा कृत्रिम बौद्धिकता (एआई) बाट सञ्चालित स्वायत्त हतियारको प्रयोग बढ्दै गएपछि संयुक्त राष्ट्रसङ्घमा तिनलाई नियन्त्रण गर्ने कानूनी व्यवस्था बनाउनुपर्ने विषयमा बहस सुरु भएको छ। ‘किलर ...

#किलर #रोबोट
Compare →
Ekantipur
36m ago
घातक स्वायत्त हतियार नियमन गर्न देशहरू सहमत

घातक स्वायत्त हतियार नियमन गर्न देशहरू सहमत

जेनेभामा पाँच दिनसम्म चलेको वार्तापछि आगामी दुई वर्षभित्र यससम्बन्धी अन्तर्राष्ट्रिय कानूनी व्यवस्था तयार गर्ने प्रक्रिया अघि बढाउने सहमति भएको हो

#देशहरू #नियम #सहमत
Compare →
Bizshala
2d ago
काठमाण्डौमा चौबीसै घण्टा कारोबारको तयारी, सुरक्षा र सेवा विस्तारको खाका बन्दै

काठमाण्डौमा चौबीसै घण्टा कारोबारको तयारी, सुरक्षा र सेवा विस्तारको खाका बन्दै

काठमाण्डौ । रात्रिकालीन आर्थिक गतिविधि विस्तार गर्न जिल्ला प्रशासन कार्यालय काठमाण्डौले बजार तथा व्यावसायिक...

#विस्तार
Compare →

Related Stories

Technology
Build #2612