काठमाडौँ, मङ्सिर ५ गते । निर्वाचन आयोगले राजनीतिक सहमतिका आधारमा आगामी निर्वाचनको मिति तोक्नुपर्ने धारणा अघि सारेको छ । आगामी स्थानीय तह र प्रदेश सभा निर्वाचनका सन्दर्भमा शुक्रबार आयोगको कार्यालयमा आयोजित राष्ट्रिय दलको मान्यता पाएका दलका शीर्ष नेताहरूसँगको छलफलमा आयोगले राजनीतिक सहमतिका आधारमा आगामी निर्वाचनको मिति तोक्न आग्रह गरेको हो ।
छलफलपछि आयोगका प्रवक्ता नारायणप्रसाद भट्टराईले आगामी निर्वाचनका समग्र पक्षका बारेमा दलहरूसँग छलफल भएको बताउनुभयो । बताउनुभयो । “निर्वाचनका लागि प्रमुख सरोकारवाला राजनीतिक दलहरू नै हुन्, त्यसैले निर्वाचनको सम्भावित समयका विषयमा दलहरूलाई जानकारी गराएका छौँ,” उहाँले भन्नुभयो, “दलका नेताहरूले पार्टीभित्र छलफल गरेर निर्वाचनका विषयमा धारणा बनाउने बताउनुभएको छ ।” स्थानीय तह र प्रदेश सभाको चुनाव एउटै समयमा गर्ने कि फरक फरक समयमा गर्ने भनी बहस चलिरहेका बेला आयोगले बोलाएको बैठकमा सहभागी दलका नेताहरूले पनि राजनीतिक सहमतिका आधारमा चुनावको मिति घोषणा गर्नुपर्ने बताउनुभएको छ ।
स्रोतमा पूरा पढ्नुहोस् ( gorkhapatraonline.com )