Trending
Prev Story
Next Story

रोड टु फाइनल : अहिलेसम्मको स्थितिमा लुम्बिनी ३–२ सुदूरपश्चिम

Ekantipur •
November 21, 2026 • 07:02 AM
11
11 reads 0 reactions

यस स्थितिलाई लिएर लुम्बिनीका कप्तान रोहित पौडेलले भनेका छन्, ‘हामीले तीन खेल जितेका छौं भन्दैमा केही हुन्न, सुदूरपश्चिमले पनि दुई खेल जितेको छ ।’

रोड टु फाइनल : अहिलेसम्मको स्थितिमा लुम्बिनी ३–२ सुदूरपश्चिम

यस स्थितिलाई लिएर लुम्बिनीका कप्तान रोहित पौडेलले भनेका छन्, ‘हामीले तीन खेल जितेका छौं भन्दैमा केही हुन्न, सुदूरपश्चिमले पनि दुई खेल जितेको छ ।’

काठमाडौँ — जति बेला लुम्बिनी लायन्सले नेपाल प्रिमियर लिग (एनपीएल) तेस्रो सिजनको फाइनलमा सुदूरपश्चिम रोयल्सको सामना गर्नेछ, त्यो दुई टिमबीचको छैटौं खेल हुनेछ ।

अहिलेको स्थिति हो, लुम्बिनी ३–२ सुदूरपश्चिम ।

यस स्थितिलाई लिएर लुम्बिनीका कप्तान रोहित पौडेलले भनेका छन्, ‘हामीले तीन खेल जितेका छौं भन्दैमा केही हुन्न, सुदूरपश्चिमले पनि दुई खेल जितेको छ ।’ त्यसको अर्थ हो, दुवै टिम लगभग बराबरको स्थितिमा छन् । यी दुई टिमबीचका पछिल्ला भिडन्त कस्तो रह्यो ? एक नजर त्यसतर्फ ।

१. सुदूरपश्चिम ४५ रनले विजयी सन् २०२४ को पहिलो संस्करणको पहिलो खेल सुदूरपश्चिमको पक्षमा रह्यो, ४५ रनले । त्यसमा सुदूरपश्चिमले पहिले ब्याटिङ गर्दै चार विकेटमा १ सय ८७ रन बनाएको थियो । त्यसमा ओपनर सैफ जैबले ६१ बलमा ९० रन बनाए । जवाफमा लुम्बिनीले नौ विकेट गुमाएर १ सय ४२ रन मात्र बनाउन सक्यो । जैबले बलिङमा पनि राम्रो गरे र तीन विकेट लिए ।

दोस्रो सिजनको लिग चरणको खेल पनि सुदूरपश्चिमकै नाममा रह्यो । यसमा लुम्बिनीले पहिले ब्याटिङ गर्दै १९.४ ओभरमा सबै विकेट गुमाउनु अगाडि १ सय ४३ रन बनाएको थियो । जवाफमा सुदूरपश्चिमले तीन विकेट गुमाएर १८.२ ओभरमा १ सय ४५ रन बनायो । यो जितका नायक रहे, विकेटकिपर ब्याटर विनोद भण्डारी । उनी ६९ रनमा नटआउट रहे ।

दोस्रो सिजनको फाइनल हो, यो । लुम्बिनी यसमा ६ विकेटले सजिलै विजयी रह्यो र उपाधि चुम्न सफल रह्यो । यो जितसम्म पुग्दा ६६ बलको खेल बाँकी थियो । पहिले ब्याटिङ गरेको सुदूरपश्चिम १९.१ ओभरमा ८५ रन मात्र बनाएर अलआउट भएको थियो । यस्तोमा सुदूरपश्चिमले चार विकेट गुमाएर ८६ रन बनायो । यसमा ओपनर दिनेश अधिकारीले ४२ रन बनाए, त्यो पनि १३ बलमै ।

तेस्रो सिजनको पहिलो खेलमा पनि ब्याटबाट सुदूरपश्चिमको प्रदर्शन निकै खराब रह्यो । पहिले ब्याटिङ गरेको सुदूरफश्चिमले १७.२ ओभरमा अलआउट हुनु अगाडि ८७ रन मात्र बनाएको थियो । किशोर महतोले चार र शेर मल्लले तीन विकेट लिए । जवाफमा लुम्बिनी ९.५ ओभरमै जितसम्म पुगेको थियो, तीन विकेट गुमाएर । यसमा ओपनर डार्सी सर्टले ४० रन बनाए ।

क्वालिफायर–२ को यो खेलमा पनि सुदूरपश्चिमको ब्याट चल्न सकेन । फेरि एकपल्ट पहिले ब्याटिङ गरेको टिम ८ विकेट गुमाएर १ सय ५ रनमै रोकियो । दीपेन्द्रसिंह ऐरीले ५२ रन नबनाएको भए, स्थिति अझ कमजोर हुने थियो । जवाफमा लुम्बिनीले १६.४ ओभरमा चार विकेट गुमाएर १ सय ८ रन बनायो । निरोशन डिकवेल ५९ रन बनाएर नटआउट रहे ।

Prev Swipe Story Next

Same Story from Other Publications

Compare how 4 other independent news outlets reported on this story.

4 Publications
Hamro Patro News
17h ago
लुम्बिनीलाई हराउँदै सुदूरपश्चिमले जित्यो एनपीएलको उपाधि

लुम्बिनीलाई हराउँदै सुदूरपश्चिमले जित्यो एनपीएलको उपाधि

काठमाडौं । सुदूरपश्चिम रोयल्सले नेपाल प्रिमियर लिग (एनपीएल) २०२६ को उपाधि जितेको छ । शनिबार भएको फाइनल खेलमा लुम्बिनी लायन्सलाई १० विकेटले हराउँदै सुदूरपश्चिम च्याम्पियन बनेको हो ।

#लुम्बिनी #सुदूरपश्चिम
Compare →
Nagarik News
20h ago
लुम्बिनीले सुदूरपश्चिमलाई दियो १५६ रनको विजयी लक्ष्य

लुम्बिनीले सुदूरपश्चिमलाई दियो १५६ रनको विजयी लक्ष्य

नेपाल प्रिमियर लिग (एनपीएल) २०२६ को फाइनलमा साविक विजेता लुम्बिनी लायन्सले सुदूरपश्चिम रोयल्सलाई उपाधि जित्न १५६ रनको लक्ष्य दिएको छ।

#लुम्बिनी #सुदूरपश्चिम
Compare →
Bizshala
6h ago
एनपीएल विजेता सुदूरपश्चिमलाई डेढ करोड, खेलाडीले पाए आकर्षक पुरस्कार

एनपीएल विजेता सुदूरपश्चिमलाई डेढ करोड, खेलाडीले पाए आकर्षक पुरस्कार

काठमाडौं। नेपाल प्रिमियर लिग (एनपीएल) सिजन–३ को उपाधि जितेको सुदूरपश्चिम रोयल्सले १ करोड ५० लाख रुपैयाँ पुरस्कार पाएको...

#सुदूरपश्चिम
Compare →
Arthasansar
18h ago
एनपीएलको उपाधि सुदुरपश्चिमलाई, लुम्बिनी माथि १० विकेटकाे किर्तिमानी जित

एनपीएलको उपाधि सुदुरपश्चिमलाई, लुम्बिनी माथि १० विकेटकाे किर्तिमानी जित

नेपाल प्रिमियर लिग (एनपीएल) को तेस्रो सिजनको उपाधि सुदुरपश्चिम रोएल्सले जितेको हो । शनिबार भएको खेलमा साविक विजेता लुम्बिनी लायन्सलाई...

#लुम्बिनी
Compare →

Related Stories

Sports
Build #2612