Trending
Prev Story
Next Story

तरकारी खेतीबाट वार्षिक २५ लाख आम्दानी

Onlinekhabar •
November 20, 2026 • 12:00 PM
2
2 reads 0 reactions

५ मङ्सिर, कञ्चनपुर । कञ्चनपुरको भीमदत्त नगरपालिका–११ भुजेलाका वीरबहादुर खड्का एक दशकदेखि व्यावसायिक तरकारीखेती गर्दै आएका छन् । उनले सुरुआतमा ५०० रुपैयाँ लगानी गरेर एक कट्ठा जग्गामा तरकारीखेती गरेका थिए । उत्पादित तरकारी बिक्रीबाट १० हजार …

तरकारी खेतीबाट वार्षिक २५ लाख आम्दानी

५ मङ्सिर, कञ्चनपुर । कञ्चनपुरको भीमदत्त नगरपालिका–११ भुजेलाका वीरबहादुर खड्का एक दशकदेखि व्यावसायिक तरकारीखेती गर्दै आएका छन् ।

उनले सुरुआतमा ५०० रुपैयाँ लगानी गरेर एक कट्ठा जग्गामा तरकारीखेती गरेका थिए । उत्पादित तरकारी बिक्रीबाट १० हजार रुपैयाँ आम्दानी भएपछि उनले खेती विस्तार गर्दै लगे ।

तरकारीखेतीबाट राम्रो आम्दानी हुन थालेपछि खड्काले खेतीको क्षेत्रफल बढाउँदै लगे । अहिले उनी तीन बिघा जग्गामा विभिन्न प्रकारका तरकारी उत्पादन गर्दै आएका छन् । २०७२ सालदेखि व्यावसायिक रूपमा तरकारीखेतीमा लागेका उनले धान र गहुँखेतीको तुलनामा तरकारीखेतीबाट तीन गुणासम्म बढी फाइदा हुने भएपछि यसमै लागेको बताए ।

“एक कट्ठाबाट खेती सुरु गरेको थिएँ । त्यसपछि विस्तार गर्दै लगेँ । कोरोना महामारीका बेला रोजगारीका लागि भारतमा रहेका दुई छोरा पनि घर फर्किए”, खड्काले भने, “त्यसपछि हामीले मिलेर तरकारीखेतीलाई थप विस्तार गर्‍यौँ ।”

हाल तीन बिघा जग्गामा तरकारीखेती गर्दै आएका खड्काले यसबाट हुने आम्दानीले घरखर्चसँगै छोराछोरीको पढाइ खर्चसमेत धान्दै आएका छन् ।

“तरकारी बिक्रीबाट सबै खर्च कटाएर वार्षिक २५ लाख रुपैयाँसम्म आम्दानी हुन्छ”, उनले भने, “यसैको कमाइबाट २० लाख रुपैयाँ लगानी गरेर छोरा विदेश पठाएँ, घर पनि बनाएँ । पहिला साइकलमा तरकारी बोकेर बजार लैजान्थेँ, अहिले तीनवटा मोटरसाइकल जोडेँ । ५० प्रतिशत अनुदानमा अटोरिक्सासमेत किनेको छु ।”

खड्काको तरकारीखेतीमा दुई जनाले मासिक १५ हजार रुपैयाँ तलब पाउने गरी नियमित रोजगारी पाएका छन् । त्यस्तै, ज्यालादारीमा वर्षभरिमा करिब १०० जनाले काम पाउने गरेको उनले बताए ।

उत्पादित तरकारी बिक्री गर्न बजारको समस्या नभए पनि खुला सीमाका कारण भारतबाट आयात हुने तरकारीले उचित मूल्य पाउन कठिन भएको उनको भनाइ छ ।

“भारतबाट आउने तरकारीका कारण हामीले उत्पादन गरेको तरकारीले सोचेजस्तो मूल्य पाउँदैन”, उनले भने, “हाम्रो उत्पादन लागत बढी हुन्छ । तर भारतीय तरकारीसँग प्रतिस्पर्धा गर्न सस्तोमा बिक्री गर्नुपर्ने बाध्यता छ ।”

खड्काले काउली, बन्दा, ब्रोकाउली, आलु, प्याज, भण्टा र खुर्सानीलगायत तरकारी उत्पादन गर्दै आएका छन् । उनका अनुसार मौसमीभन्दा बेमौसमी तरकारीखेतीबाट बढी आम्दानी गर्न सकिन्छ ।

“सिजनमा भन्दा अफ सिजनमा तरकारी उत्पादन गर्न सके पर्याप्त आम्दानी हुन्छ”, उनले भने, “सरकारले खेतीको बिमा सुविधा उपलब्ध गराए किसानलाई थप सहज हुने थियो ।”

Prev Swipe Story Next

Same Story from Other Publications

Compare how 5 other independent news outlets reported on this story.

5 Publications
Nagarik News
2h ago
तरकारीखेतीबाट वीरबहादुरको वार्षिक २५ लाख आम्दानी

तरकारीखेतीबाट वीरबहादुरको वार्षिक २५ लाख आम्दानी

कञ्चनपुरको भीमदत्त नगरपालिका–११ भुजेलाका वीरबहादुर खड्का एक दशकदेखि तरकारीखेती गर्दै आएका छन्।

#तरकारीखेती #कञ्चनपुर #आम्दानी
Compare →
Ekantipur
3h ago
तरकारी खेतीबाट वीरबहादुरको वार्षिक २५ लाख आम्दानी

तरकारी खेतीबाट वीरबहादुरको वार्षिक २५ लाख आम्दानी

दुई जनालाई १५ हजार महिनाको तलब दिने गरी तथा ज्यालादारीमा करिब १०० जनाले वर्षभरिमा रोजगारी पाउने गरेका खड्काले बताए । बिक्रीका लागि बजारको समस्या नभए पनि खुला सीमानाकाका कारण भारतबाट आउने सागसब्जीले भनेअनुसारको मूल्य नपाइने उनको भनाइ छ ।

#तरकारीखेती #आम्दानी #खड्का
Compare →
Hamro Patro News
5d ago
दूध बेचेर वार्षिक ११ लाख आम्दानी गर्छन् इलामका महत, दुई युवालाई रोजगारी

दूध बेचेर वार्षिक ११ लाख आम्दानी गर्छन् इलामका महत, दुई युवालाई रोजगारी

इलाम- वैदेशिक रोजगारीका लागि विदेशिनुपर्ने बाध्यता अन्त्य गर्दै गाउँमै आम्दानी र रोजगारी सिर्जना गर्न सकिन्छ भन्ने उदाहरण बनेका छन् सूर्योदय नगरपालिका-८ कजेनीका दिनेश महत। महतले गाईपालनसँगै व्यावस...

#आम्दानी #वार्षिक
Compare →
Bizshala
3d ago
आम्दानी खुम्चिदा सयपत्री हाइड्रोपावरको नाफा ४५.११% ले घट्यो, ईपीएस जम्मा २.८४ रुपैयाँ

आम्दानी खुम्चिदा सयपत्री हाइड्रोपावरको नाफा ४५.११% ले घट्यो, ईपीएस जम्मा २.८४ रुपैयाँ

काठमाण्डौ । सयपत्री हाइड्रोपावर लिमिटेडको चालु आर्थिक वर्ष २०८३/८४ को पहिलो त्रैमासमा खुद नाफा ४५.११ प्रतिशतले घटेको छ।...

#आम्दानी
Compare →
Arthasansar
5d ago
अपर तामाकोशीको नाफामा गिरावट, विद्युत बिक्रीबाटै हुने आम्दानी करिब ४ अर्ब

अपर तामाकोशीको नाफामा गिरावट, विद्युत बिक्रीबाटै हुने आम्दानी करिब ४ अर्ब

अपर तामाकोशी हाइड्रोपावर लिमिटेडले नाफामा गिरावट आएको छ । कम्पनीले सार्वजनिक गरेको चालु आवको पहिलो त्रैमासिकसम्मको अपरिष्कृत वित्तीय विवरण अनुसार...

#आम्दानी
Compare →

Related Stories

Business & Economy
Build #2612