Trending
Prev Story
Next Story

परम्परागत खेतीभन्दा उखु खेतीमा दोब्बर आम्दानी

Nagarik News •
November 19, 2026 • 06:35 AM
2
2 reads 0 reactions

परम्परागत रूपमा धान, गहुँ लगायतका खाद्यान्न बाली लगाउँदै आएका कञ्चनपुरका किसान उखु खेतीतर्फ आकर्षित भएका छन्।

परम्परागत खेतीभन्दा उखु खेतीमा दोब्बर आम्दानी

परम्परागत रूपमा धान, गहुँ लगायतका खाद्यान्न बाली लगाउँदै आएका कञ्चनपुरका किसान उखु खेतीतर्फ आकर्षित भएका छन्।

अन्य बालीको तुलनामा दोब्बर आम्दानी हुने भएपछि किसान उखु खेतीमा आकर्षित भएका हुन। कञ्चनपुरको भीमदत्त नगरपालिका–७ का धनसिंह ठगुन्नाले उखु खेतीबाट दोब्बर आम्दानी हुने देखिएको बताए।

“परम्परागत खेतीभन्दा उखु खेतीमा राम्रो प्रतिफल आउने भएपछि तीन जना मिलेर जग्गा भाडामा लिएका छाैं। व्यवसायिक रूपमा अगाडि बढेका छौँ,” उनले भने, “उखु खेतीमा कम मेहनत र लगानीमा राम्रो प्रतिफल आउँछ।”

उनले उखु खेतीबाट उत्पादन लिन सके बजारको समस्या नहुने र एकै पटक राम्रो प्रतिफल लिन सकिने भएकाले उखु खेतीमा लागेको बताए। दुई बिघा जग्गाबाट खेती सुरु गरेका उनले अहिले १२ बिघा जग्गा भाडामा लिएर उखु खेती गरिरहेको बताए। “पहिलो सिजनमा सबै खर्च कटाएर प्रतिबिघा एक लाख रुपैयाँ आम्दानी हुन्छ,” ठगुन्नाले भने, “उखुखेती एकपटक रोपाइँ गरेपछि लगातार तीन सिजनसम्म उत्पादन लिन सकिन्छ।”

उनका अनुसार पहिलो वर्ष उखु रोपेपछि त्यसको जराबाट पलाउने मुनाबाट दोस्रो र तेस्रो सिजनमा पनि उत्पादन लिन सकिने भएकाले हरेक वर्ष नयाँ रोपाइँ गर्नुपर्ने झन्झट हुँदैन। त्यसबाट खेतीको लागत घटाउनाका साथै आम्दानी बढाउन सहयोग पुगेको उनको भनाइ छ।

उत्पादन गरेको उखु बेलौरीस्थित महाकाली सुगर मिलमा बिक्री हुने गरेको छ। मिलले उखु किसानलाई प्रोत्साहन गर्दै बीउ र कीटनाशक औषधी उपलब्ध गराउने गरेको उनले बताए। “धान गहुँबाट एक बिघामा सबै खर्च कटौती गरेर बढीमा ४० हजार रुपैयाँसम्म आम्दानी हुन्छ,” ठगुन्नाले भने, “उखु खेतीमा एक विघामा राम्रो उत्पादन भए सबै खर्च कटौती गरेर तीन लाखसम्म आम्दानी गर्न सकिन्छ।”

उनले प्रति कट्ठा वार्षिक रु दुई हजारका दरले १२ बिघा जग्गा भाडामा लिएर खेती गरिरहेको बताए।

स्थानीय किसान तारा महरा तीन वर्षदेखि व्यावसायिक उखु खेतीमा लाग्नुभएको छ। “परम्परागत खाद्यान्नभन्दा उखुखेतीमा दोब्बर फाइदा हुने भएकाले यसमा लागेका हौँ,” उनले भने, “दुई बिघा जग्गामा बिक्रीका लागि तयार छ दश बिघा जग्गामा अहिले बीउ रोप्दै छौँ।”

उनले सिजनमा २० देखि २५ जनासम्मले रोजगारी पाउने गरेको बताए। कृषि ज्ञान केन्द्र कञ्चनपुरको तथ्याङ्कअनुसार जिल्लामा पाँच हजार ६६० हेक्टर क्षेत्रफलमा उखु खेती हुँदै आएको छ।

उक्त क्षेत्रफलबाट वार्षिक तीन लाख ४५ हजार २६० मेट्रिक टन उखु उत्पादन हुने गरेको छ। जिल्लामा उखुको उत्पादकत्व प्रतिहेक्टर ६१ मेट्रिक टन बराबर छ।

प्रकाशित: ३ मंसिर २०८३ १२:२० बिहीबार

Prev Swipe Story Next

Same Story from Other Publications

Compare how 5 other independent news outlets reported on this story.

5 Publications
Onlinekhabar
7h ago
धान–गहुँ छाडेर उखु खेतीमा आकर्षित हुँदै कञ्चनपुरका किसान, आम्दानी दोब्बर हुने अपेक्षा

धान–गहुँ छाडेर उखु खेतीमा आकर्षित हुँदै कञ्चनपुरका किसान, आम्दानी दोब्बर हुने अपेक्षा

३ मंसिर, कञ्चनपुर । परम्परागत रुपमा धान, गहुँलगायतका खाद्यान्न बाली लगाउँदै आएका कञ्चनपुरका किसान उखु खेतीतर्फ आकर्षित भएका छन् । अन्य बालीको तुलनामा दोब्बर आम्दानी हुने भएपछि किसान उखु खेतीमा आकर्षित भएका हुन । कञ्चनपुरको भीमदत्त नगरपालिका–७ …

#उखु #खेती #दोब्बर
Compare →
Ekantipur
1w ago
सयपत्री खेतीबाट आम्दानी गर्दै लमजुङका पत्रकार

सयपत्री खेतीबाट आम्दानी गर्दै लमजुङका पत्रकार

बारीमा ढकमक्क फुलेका फूलले तिहारको रौनक बढाउनुका साथै नयाँ आम्दानी र बाँझो जमिन उपयोगको अवसर दिएको छ।

#आम्दानी #खेती
Compare →
Hamro Patro News
1w ago
डडेल्धुरामा पुष्पखेतीप्रति युवाको आकर्षण, एक सिजनमै एक लाखसम्म आम्दानी

डडेल्धुरामा पुष्पखेतीप्रति युवाको आकर्षण, एक सिजनमै एक लाखसम्म आम्दानी

काठमाडौं – रोजगारीका लागि विदेशिने युवाको सङ्ख्या बढिरहेका बेला डडेल्धुराका केही युवा भने आफ्नै गाउँमा व्यावसायिक पुष्पखेती गरेर आम्दानी गर्न थालेका छन् । थोरै लगानीबाट राम्रो आम्दानी गर्न सकिने सम...

#आम्दानी #खेती
Compare →
Bizshala
1d ago
आम्दानी खुम्चिदा सयपत्री हाइड्रोपावरको नाफा ४५.११% ले घट्यो, ईपीएस जम्मा २.८४ रुपैयाँ

आम्दानी खुम्चिदा सयपत्री हाइड्रोपावरको नाफा ४५.११% ले घट्यो, ईपीएस जम्मा २.८४ रुपैयाँ

काठमाण्डौ । सयपत्री हाइड्रोपावर लिमिटेडको चालु आर्थिक वर्ष २०८३/८४ को पहिलो त्रैमासमा खुद नाफा ४५.११ प्रतिशतले घटेको छ।...

#आम्दानी
Compare →
Arthasansar
3d ago
अपर तामाकोशीको नाफामा गिरावट, विद्युत बिक्रीबाटै हुने आम्दानी करिब ४ अर्ब

अपर तामाकोशीको नाफामा गिरावट, विद्युत बिक्रीबाटै हुने आम्दानी करिब ४ अर्ब

अपर तामाकोशी हाइड्रोपावर लिमिटेडले नाफामा गिरावट आएको छ । कम्पनीले सार्वजनिक गरेको चालु आवको पहिलो त्रैमासिकसम्मको अपरिष्कृत वित्तीय विवरण अनुसार...

#आम्दानी
Compare →

Related Stories

Business & Economy
Build #2612