दुवै टोलीका प्रभावशाली खेलाडीले ब्याट, बल र नेतृत्वमार्फत फाइनलको रोमाञ्चक भिडन्तलाई आफ्नो पक्षमा पार्न सक्नेछन्।
यी श्रीलंकाली विकेटकिपर डिकवेला बढी अपिल गरेर हैरान नै पार्छन् । तर जतिबेला टिमका लागि पुर्याएको योगदान हेर्नुपर्छ, उनको प्रशंसा गर्नैपर्छ । अचेल टी–२० क्रिकेटमा टिमको रणनीति मैदानमा लागू गर्ने भन्ने नै विकेटकिपर हुन्छ । डिकवेलाले यो काम असाध्यै राम्रोसँग गरिरहेका छन् । त्यसमाथि उनको ब्याट पनि बोलिरहेकै छ । सुदूरपश्चिमविरुद्ध नटआउट रहेर उनले बनाएको ५९ रन कसरी बिर्सन सकिन्छ र ?
यसपल्ट रोहितको ब्याटबाट चाहिँदो रन निस्केको छैन । उनको सबैभन्दा ठूलो स्कोर भन्नु नै नटआउट ४७ रहेको छ । त्यो पोखरा एभेन्जर्सविरुद्ध थियो । उनी उपयोगी बलिङ गर्छन् नै । लुम्बिनीका लागि उनको सबैभन्दा ठूलो योगदान भन्नु नै कप्तानी हो । जसरी उनले तीन सिजन आफ्नो टिमलाई अगाडि बढाएका छन्, त्यो उल्लेखनीय छ । लुम्बिनीको अहिलेसम्मको समग्र प्रदर्शनमा उनको कप्तानीलाई धेरै श्रेय दिनुपर्छ ।
कप्तान रोहित पनि दक्षिण अफ्रिकामा जन्मेका नामिबियाली बलर रुबेनको प्रशंसा गरेर थाक्दैनन् । दोस्रो सिजन उनी प्रतियोगिताकै उत्कृष्ट खेलाडी भएका थिए । लुम्बिनीले यसपल्ट तय गरेको फाइनल यात्रामा पनि उनको गतिलो योगदान छ । उनले १० विकेट लिइसकेका छन्, ६ खेलमा । त्यसमा पोखराविरुद्ध १६ रन खर्चेर लिएको ३ विकेट सबैभन्दा राम्रो प्रदर्शन हो ।
सुदूरपश्चिम टिमका आधार नै यिनै खेलाडी हुन् । यो टिम समस्यामा पर्दा उद्दार गर्नेमा नै दीपेन्द्र पर्दछन् । यसपल्ट उनले दुईपल्ट ‘प्लेयर अफ द म्याच’ प्रदर्शन गरिसकेका छन् । उनले तीन अर्धशतक पनि बनाएका छन्, त्यसमा ६० रन उच्च छ । त्यस अर्थमा फाइनलमा लुम्बिनीविरुद्ध राम्रो गर्ने हो भने उनको ब्याट बोल्नैपर्छ । क्वालिफायर–वानमा उनले बनाएको ५२ रन हारका कारण ओझेलमा परेको थियो ।
सुदूरपश्चिमलाई फाइनल पुर्याउन क्वालिफायर–टुमा निर्णायक प्रदर्शन गर्ने यिनै श्रीलंकाली खेलाडी हुन् । चितवनविरुद्धको उक्त खेलमा उनले ५३ रन बनाएर नटआउट रहे । उनी यस सिजन ६ खेलमध्ये चार इनिङ्समा नटआउट छन् । यो उनको खेलको सबैभन्दा ठूलो विशेषता छ, आउट नभएर निर्णायक खेल खेल्न सक्ने । उनी ठीकठाक बलिङ पनि गर्छन् र ६ विकेट लिइसकेका छन् ।
न्युजिल्यान्डका यी बलिङ अलराउन्डर सुदूरपश्चिम टिमका सबैभन्दा प्रभावशाली खेलाडीमा पर्छन् । त्यसैले त उनले यसपल्ट टिमका सबै ९ खेल खेलेका छन् । त्यसमा उनले ब्याट तथा बल दुवैबाट योगदान गरेका छन् । उनले यसपल्ट लिएको विकेटसंख्या छ, १३ । यसले देखाउँछ, उनको भूमिका कति धेरै छ भनेर । जनकपुर बोल्ट्सविरुद्ध लिग चरणमा १३ रनमा ३ विकेट उनको उच्च व्यक्तिगत प्रदर्शन हो ।