बर्नमाउथले युरोपा लिगमा बिहीबार दस खेलाडीमा सीमित एसी मिलानमाथि ३–० को प्रभावशाली जित हात पारेको छ ।
काठमाडौँ — बर्नमाउथले युरोपा लिगमा बिहीबार दस खेलाडीमा सीमित एसी मिलानमाथि ३–० को प्रभावशाली जित हात पारेको छ । इंग्लिस प्रिमियर लिग क्लबका लागि जस्टिन क्लुभर्ट, मार्कस टाभेरनर र आमिन एडिलले एक एक गोल गरे ।
यस नतिजापछि बर्नमाउथ सन् १९७३/१९७४ यता युरोपमा आफ्ना सुरुआती तीन खेल जित्ने फहिलो इंग्लिस क्लब भएको छ । अर्को प्रिमियर लिग क्लब क्रिस्टल प्यालेसले भने इस्टनबुलमा बेसिकटाससँग २–२ को बराबरी खेल्यो ।
यस्तै सेल्टिक भने सेल्टा भिगोसँग २–१ ले पराजित रह्यो र यो स्कटिस टिमको लगातार तेस्रो हार रह्यो । लगातार तेस्रो जित निकाल्ने क्रममा बायर लेभरकुजनले ओएफआई क्रेटलाई २–० ले पराजित गर्न सफल रह्यो । यस्तै युभेन्ट्सले रेनेससँग १–१ को बराबरी खेले ।
