Trending
Prev Story
Next Story

मधेश सरकार गठनमा अन्योल, दाबी पेस गर्न एक दिन मात्र बाँकी

Onlinekhabar •
November 19, 2026 • 03:00 PM
1
1 reads 0 reactions

३ मंसिर, जनकपुरधाम । मधेश प्रदेश प्रमुखले नयाँ सरकार गठनको लागि दिएको समयावधि सकिन अब एक दिन मात्र बाँकी रहँदा पनि दलहरूले दाबी पेस गर्न सकेका छैनन् । सत्ता समीकरण नबन्दा मधेशमा नयाँ सरकार गठनमा …

मधेश सरकार गठनमा अन्योल, दाबी पेस गर्न एक दिन मात्र बाँकी

३ मंसिर, जनकपुरधाम । मधेश प्रदेश प्रमुखले नयाँ सरकार गठनको लागि दिएको समयावधि सकिन अब एक दिन मात्र बाँकी रहँदा पनि दलहरूले दाबी पेस गर्न सकेका छैनन् । सत्ता समीकरण नबन्दा मधेशमा नयाँ सरकार गठनमा अन्योल कायम छ ।

विश्वासको मत पाउने अवस्था नदेखेपछि निवर्तमान मुख्यमन्त्री कृष्णप्रसाद यादवले गत कात्तिक २८ गते सदनबाटै राजीनामा घोषणा गरेका थिए । त्यस दिन साँझ प्रदेश प्रमुख डा. सुरेन्द्र लाभ कर्णले संविधानको धारा १६८ को उपधारा २ बमोजिम मुख्यमन्त्रीका लागि दाबी पेस गर्न आह्वान गरेका थिए ।

संविधानको धारा १६८ को उपधारा (२) बमोजिम दुई वा दुईभन्दा बढी दलको समर्थनमा बहुमत प्राप्त गर्नसक्ने प्रदेशसभा सदस्यलाई मुख्यमन्त्री पदमा नियुक्तिका लागि दाबी पेस गर्न मंसिर ४ गते शुक्रबार दिउँसो ४ बजेसम्मको समय दिइएको छ । तर दलहरूमा सरकारको नेतृत्व गर्नेबारे कुनै सहमति भएको छैन ।

सबभन्दा ठूलो दल जसपाको नेतृत्वमा सरकार गठन गर्न नेकपा एमाले र नेकपा सकरात्मक छन् । एमालेले असोज ३० गते समर्थन फिर्ता लिने बेला सो दलका अध्यक्ष केपी शर्मा ओली र जसपा नेपालका अध्यक्ष उपेन्द्र यादवबीच साढे ४ घण्टा छलफल भएको थियो । त्यहाँ जसपा संसदीय दलका नेता सरोजकुमार यादव पनि उपस्थित थिए । ओलीले जसपाको नेतृत्वमा सरकार बनाउने वचन नै दिएको कुरा सार्वजनिक भएको थियो ।

गत कात्तिक २० गते पनि एमाले संसदीय दलका नेता सरोजकुमार यादवले जसपा र नेकपासँग एमालेसहितको समीकरण बन्ने निष्कर्षमा पुग्न लागेको बताएका थिए । त्यस दिन नेकपाले पनि समर्थन फिर्ता लिएको थियो ।

समीकरण बनाउन मधेशमा जसपा नेपाल दलका नेता सरोजकुमार यादव पनि सकरात्मक छन् । तर केन्द्रीय अध्यक्ष उपेन्द्र यादवले अहिलेसम्म त्यसबारे आधिकारिकता दिन चाहेका छैनन् । किनकि, जसपाभित्र पनि सरकारको नेतृत्व गर्नेबारे हानथाप छ ।

जसका कारण सरकारको नेतृत्व गर्ने विषयमा अहिलेसम्म जसपाले संस्थागत निर्णय गर्न सकेको छैन । सरकारको नेतृत्वबारे छलफल तथा निर्णय गर्न जसपा नेपालका अध्यक्ष यादव जनकपुरधाम आउँदै छन् । वरिष्ठ नेता महन्थ ठाकुर पनि आजै दिउँसो जनकपुरधाम आइपुगेका छन् । जसपाका एक सांसदका अनुसार दुई नेताले सरकारको नेतृत्वबारेको संकट सुल्झाउने प्रयास गर्ने छन् ।

‘जसपा नेपालमा अहिलेसम्म सरकार गठनबारे कुनै औपचारिक छलफल भएको छैन । भोलि संसदीय दलको बैठक अध्यक्ष र वरिष्ठ नेताको उपस्थितिमा हुने सम्भावना छ । त्यसमै छलफल र निर्णय हुनसक्छ,’ ती सांसदले भने, ‘यदि कुनै निर्णय भएन भने दाबी पेस नहुन सक्छ ।’

तर, जसपा नेपाल ठूलो दल भएको कारण संविधानको धारा १६८ को ३ मा उसैको नेतृत्वमा सरकार गठनको सम्भावना भने रहन्छ । यसले जसपा आफ्नो नेतृत्वमै सरकार गठन हुनेमा ढुक्क छन् ।

प्रदेशसभाको अंकगणितको कारण कम्तीमा तीन वटा दल नमिलेसम्म सरकार गठन गर्न सक्ने अवस्था छैन । मधेश प्रदेशसभामा हाल कायम १०२ सदस्यीय मधेश प्रदेशसभामा सरकारको दाबीको लागि कम्तीमा ५२ सांसदको समर्थन आवश्यक पर्छ ।

प्रदेशसभामा जनता समाजवादी पार्टी नेपालका २७, नेकपा (एमाले)का २४, नेपाली कांग्रेसका २२, नेकपाका १५ र जनमत पार्टीका १२ सांसद छन् । त्यस्तै, संघीय समाजवादी पार्टी र राप्रपाका एक–एक सांसद छन् ।

एमाले र नेकपाले पनि संस्थागत रूपमा कुनै निर्णय गरेको छैन । केन्द्रमा एमाले अध्यक्ष केपी शर्मा ओली र नेकपा अध्यक्ष पुष्पकमल दहाल प्रचण्ड भेटेर सत्ता समीकरणबारे छलफल गरेपछि मात्र प्रदेशमा कुनै निर्णय गर्ने दुई दल प्रतीक्षामा छन् ।

‘माथिबाट अध्यक्षज्यूले केही कुरा फाइनल गरेर निर्देशन दिएपछि त्यसअनुसार प्रदेशमा निर्णय हुन्छ,’ नेकपाका एक सांसदले भने ।

निवर्तमान सत्ता गठबन्धनकै सरकार बने कांग्रेस त्यसमा रहन सक्ने सम्भावना छ । तर एमालेले धोका दिएको कारण उसको नेतृत्वमा सरकार गठन भए समर्थन दिने सम्भावना देखिँदैन । एमालेले पनि फेरि कांग्रेसलाई समर्थन गर्ने सम्भावना तत्काल देखिँदैन ।

उसो त, एमाले संसदीय दलका नेता सरोजकुमार यादव पनि मुख्यमन्त्री बन्न चाहन्छन् । गत वर्ष ठूलो दलको हैसियतमा धारा १६८ को ३ बमोजिम गरेको चलखेलको ट्याग उनी १६८ को २ बमोजिम पुन: मुख्यमन्त्री भएर हटाउन चाहन्छन् ।

नेकपाको नेतृत्वमा सरकार गठनको विषयमा पनि आन्तरिक गृहकार्य चलिरहेको नेताहरू बताउँछन् । यद्यपि, त्यस गृहकार्यमा कांग्रेस र एमाले दुईटै दल सहमत हुनुपर्ने हुन्छ ।

जनमत पार्टी भने अब बन्ने सरकारमा सहभागी नहुने अध्यक्ष डा. सीके राउतले घोषणा नै गरिसकेका छन् । जनमतसहितको अग्रगामी मोर्चामा जसपा पनि छ । मोर्चामा अब सरकारमा जान नहुने तर्क पनि आबद्ध दलहरूको रहेको कुरा सार्वजनिक भइरहेको छ । यसले जसपा अध्यक्ष यादव झन् दबाबमा छन् ।

शुक्रबारसम्म दाबी पेस नभए प्रदेश प्रमुखले फेरि धारा १६८ को २ बमोजिम केही समय दिएर दाबी पेस गर्न आह्वान गर्नसक्ने सम्भावना छ । त्यसमा पनि नभए धारा १६८ को ३ बमोजिम सरकार गठनमा जान सक्ने सम्भावना छ ।

महतो अनलाइनखबरका जनकपुर संवाददाता हुन् ।

Prev Swipe Story Next

Same Story from Other Publications

Compare how 5 other independent news outlets reported on this story.

5 Publications
Ekantipur
1d ago
मधेशमा सरकार गठनमा अझै अन्योल, दुई विकल्पमा 'कसरत'

मधेशमा सरकार गठनमा अझै अन्योल, दुई विकल्पमा 'कसरत'

सरकार गठनका लागि प्रदेश प्रमुखले तोकेको समय घर्किँदै, दलका नेताहरू काठमाडौंमा ।

#मधेश #गठन #अन्योल
Compare →
Hamro Patro News
5d ago
मधेश प्रदेशमा मंसिर ४ गतेभित्र नयाँ सरकार गठनका लागि दाबी पेस गर्न आह्वान

मधेश प्रदेशमा मंसिर ४ गतेभित्र नयाँ सरकार गठनका लागि दाबी पेस गर्न आह्वान

काठमाडौं : मधेश प्रदेशका प्रमुख सुरेन्द्रलाभ कर्णले नयाँ सरकार गठनका लागि आह्वान गरेका छन्। प्रदेश प्रमुखको कार्यालयले आज विज्ञप्ति जारी गर्दै मुख्यमन्त्री कृष्णप्रसाद यादवको राजीनामा स्वीकृत गरी न...

#मधेश #गठन #पेस
Compare →
Nagarik News
4h ago
मधेसमा नयाँ सरकार गठन अन्योलमा, दलबीच अझै जुटेन सहमति

मधेसमा नयाँ सरकार गठन अन्योलमा, दलबीच अझै जुटेन सहमति

कुनै पनि दलसँग एकल सरकार गठन गर्न आवश्यक बहुमत नरहेकाले तीनदेखि चार दलबीचको सहकार्यबाट मात्रै नयाँ सरकार गठन हुने अवस्था छ।

#गठन #अन्योल
Compare →
Bizshala
1d ago
सिटिजन्स बैंकको मधेश प्रदेशमा नेतृत्व विकास कार्यक्रम सम्पन्न

सिटिजन्स बैंकको मधेश प्रदेशमा नेतृत्व विकास कार्यक्रम सम्पन्न

काठमाण्डौ । सिटिजन्स बैंक इन्टरनेसनल लिमिटेडले मधेश प्रदेशका आफ्ना कर्मचारीहरूको नेतृत्व क्षमता अभिवृद्धि गर्ने...

#मधेश
Compare →
Arthasansar
5d ago
मधेश प्रदेशका मुख्यमन्त्री यादवले दिए राजीनामा

मधेश प्रदेशका मुख्यमन्त्री यादवले दिए राजीनामा

मधेश प्रदेशका मुख्यमन्त्री कृष्णप्रसाद यादवले राजीनामा दिएका छन्। आज बसेको प्रदेशसभाको बैठकबाट मुख्यमन्त्री यादवले राजीनामा दिएका हुन्। आज बसेको बैठकमा...

#मधेश
Compare →

Related Stories

Politics & Governance
Build #2612