Trending
Prev Story
Next Story

चार महिनामा ६ हजार २९ सवारीलाई कारबाही, ८९ लाख बढी राजस्व संकलन

Nagarik News •
November 19, 2026 • 06:19 AM
4
4 reads 0 reactions

कपिलवस्तुमा चालु आर्थिक वर्षको ४ महिनामा ट्राफिक नियम उल्लङ्घन गरेको २ हजार ८५६ सवारी साधनलाई कारबाही गरिएको छ।

चार महिनामा ६ हजार २९ सवारीलाई कारबाही, ८९ लाख बढी राजस्व संकलन

कपिलवस्तुमा चालु आर्थिक वर्षको चार महिनामा ट्राफिक नियम उल्लङ्घन गरेको २ हजार ८५६ सवारी साधनलाई कारबाही गरिएको छ।

चालु आर्थिक वर्ष २०८३/०८४ को साउन देखि कार्तिक सम्म ट्राफिक नियम पालना नगर्ने त्यति संख्या सवारीलाई ट्राफिक प्रहरी कार्यालयले कारबाही गरेको हो।

सवारी कारबाहीबाट ८९ लाख ७ हजार राजस्व संकलन भएको ट्राफिक कार्यालय गोरुसिंगेका प्रमुख तथा ट्राफिक प्रहरी निरीक्षक राजन ढकालले बताए।

चार महिनामा २ हजार ८९६ ट्रक र टिप्पर कारबाहीबाट ५१ लाख ७० हजार ५ सय, ६ सय ४९ बसबाट ११ लाख ४२ हजार ५ सय,  कार र जिप गरी १ हजार ५४७ कारबाहीबाट १७ लाख ५० हजार, ४८ ट्याक्टरबाट ४८ हजार ८ सय २ मोटरसाइकलबाट ७ लाख ७ हजार अन्य ८७ कारबाहीबाट ८९ हजार उठेको हो।

साउनमा १ हजार ३२७ सवारीलाई कारबाही गरी १८ लाख ८४ हजार ५ सय, भदौमा १ हजार ६७४ सवारीलाई कारबाही गरी २३ लाख ७८ हजार, असोजमा १ हजार ६०८ सवारीलाई कारबाही गरी २४ लाख ६७ हजार ५ सय तथा कार्तिकमा १ हजार ४२० सवारीलाई कारबाही गरी २१ लाख ७७ हजार राजस्व संकलन गरिएको हो।

‘ट्राफिक नियम पालना नगर्दा नै अधिकांश सवारी दुर्घटना भएका छन्,’ ढकालले भने। सवारी नियम, दुर्घटनाको कारण र सडकको अवस्था अनुसार चलाउन ट्राफिक प्रहरीले पटक पटक सचेतना कार्यक्रम सञ्चालन गदै आएको छ। तर पनि पनि चालक र सहचालकको लापरबाहीका कारण दुर्घटना भएर अकालमा ज्यान गुमाउनेदेखि घाइते र अंगभंग हुनेसम्मका समस्या आइपर्ने गरेको उनले बताए।

उनले सवारी सधानको संख्या बढ्दै गए पनि सडकको बिस्तार नगरिँदा पनि दुर्घटना भएको बताए। सवारी सधानको संख्यामा वृद्धि भएपछि बर्सेनि दुर्घटना हुने क्रम पनि बढेको उनी बताउँछन्।

दुर्घटनाको मुख्य कारण भने ट्राफिक नियम पालना नगर्नु, विना सवारी अनुमति पत्र (लाइसेन्स) सवारी चलाउनु, सहचालकलाई सवारी चलाउन दिनु तथा सडकको दुरावस्था पनि उत्तिकै जिम्मेवार रहेको प्रहरी निरीक्षक ढकालले बताए।

यस्तै क्षमता भन्दा बढी यात्रु र सामान बोक्ने, तीव्र गतिमा गुड्ने तथा मादक पदार्थ सेवन गरेर नियम उल्लङ्घन गर्नेहरू दुर्घटनामा पर्ने गरेको बताइएको छ।

४ महिनामा  विद्यार्थी, चालक व्यवसायी, सर्वसाधारण, यात्रु गरी ९ सय ८१ वटा सचेतनामुलक कार्यक्रम सञ्चालन गरिएको थियो। जसबाट ५४ हजार ८९२ जना लाभांवित भएका थिए।

भारवाहन क्षमता भन्दा बढी मालसामान बाेकेका २ हजार ६५६ भारतीय सवारीलाई कारबाही सिफारिस

चार महिनामा भारवाहक क्षमता भन्दा बढी वजन ढुवानी गरेको २ हजार ६५६ भारतीय मालवाहक सवारी साधनलाई आवश्यक कारबाहीका लागि ट्राफिक प्रहरीले यातायात सेवा कार्यालय तौलिहवाबाट पठाएको छ।

प्रत्येक सवारी साधनबाट १० हजारका दरले जरिबाना तिराइएको थियो। जसबाट २ करोड ६५ लाख ६० हजार संकलन भएको छ।

कपिलवस्तुमा चार महिनामा सवारी दुर्घटनामा २६ जनाको मृत्यु

कपिलवस्तुमा चार महिनामा सडक दुर्घटनामा २६ जनाको मृत्यु भएको छ। चालु आर्थिक वर्षको साउन देखि कार्तिक महिना सम्म दुर्घटनामा परी उनीहरूको मृत्यु भएको हो।

चार महिनामा कुल २ सय ९२ दुर्घटना भएको हो । दुर्घटनामा मृत्यु हुनेहरूमा १९ पुरुष, ४ महिला र ३ बालक हुन्। साउनमा ९, भदौमा ३ असोजमा ७ र कार्तिकमा ७ जनाले दुर्घटनामा ज्यान गुमाएका हुन्।

दुर्घटनामा ४ सय ३२ सवारी साधन संलग्न थिए। दुर्घटनामा १ सय २३ गम्भीर घाइते भएका थिए। यस्तै ३ सय ५६ जना साधारण घाइते भएका थिए।

गत आर्थिक वर्ष २०८२/०८३ मा  ६ सय ८५ दुर्घटनामा ७७ जनाको ज्यान गएको थियो। चार महिनामा दुर्घटनामा परी १९ चौपायाको मृत्यु र ७ चौपाया घाइते भएका थिए।

प्रकाशित: ३ मंसिर २०८३ १२:०४ बिहीबार

Prev Swipe Story Next

Same Story from Other Publications

Compare how 5 other independent news outlets reported on this story.

5 Publications
Bizshala
2d ago
काठमाण्डौमा ट्राफिक नियम उल्लङ्घनको डरलाग्दो अवस्था, २९ दिनमै झन्डै १३ हजार चालक कारबाहीमा, मापसे गर्ने मात्रै २८ सय बढी

काठमाण्डौमा ट्राफिक नियम उल्लङ्घनको डरलाग्दो अवस्था, २९ दिनमै झन्डै १३ हजार चालक कारबाहीमा, मापसे गर्ने मात्रै २८ सय बढी

काठमाण्डौ । काठमाण्डौ उपत्यकामा ट्राफिक नियम उल्लङ्घन गर्ने चालकको संख्या उच्च देखिएको छ। कात्तिक महिनाको पहिलो २९...

#कारबाही #ट्राफिक #नियम
Compare →
Ekantipur
4d ago
तीन महिनाको अवधिमा सवारी साधन कारबाहीबाट ११ लाख बढी राजश्व सङ्कलन

तीन महिनाको अवधिमा सवारी साधन कारबाहीबाट ११ लाख बढी राजश्व सङ्कलन

चालु आर्थिक वर्षको तीन महिनाको अवधिमा खोटाङमा सवारी नियम उलङ्घन गर्ने सवारी साधन कारबाहीबाट ११ लाख बढी राजश्व संकलन भएको छ ।

#कारबाही #सवारी
Compare →
Hamro Patro News
2d ago
कात्तिकमा १२ हजार ९६७ चालक कारबाहीमा, मापसेका सबैभन्दा बढी

कात्तिकमा १२ हजार ९६७ चालक कारबाहीमा, मापसेका सबैभन्दा बढी

कात्तिक महिनामा काठमाडौं उपत्यकामा ट्राफिक नियम उल्लङ्घन गर्ने १२ हजार ९६७ जना सवारीचालक कारबाहीमा परेका छन् । काठमाडौं उपत्यका ट्राफिक प्रहरी कार्यालयका अनुसार कारबाहीमा पर्नेमा सबैभन्दा बढी मादक...

#कारबाही #ट्राफिक
Compare →
Onlinekhabar
6h ago
वीरगञ्ज भन्सारको राजस्व संकलन लक्ष्यभन्दा बढी

वीरगञ्ज भन्सारको राजस्व संकलन लक्ष्यभन्दा बढी

३ मंसिर, वीरगञ्ज । वीरगञ्ज भन्सार कार्यालयले चालु आर्थिक वर्षको कात्तिक महिनामा लक्ष्यभन्दा बढी राजस्व संकलन गरेको छ । कार्यालयका अनुसार गत कात्तिकमा १७ अर्ब ७९ करोड रुपैयाँ राजस्व संकलन भएको छ । सो महिनामा १७ अर्ब …

#राजस्व #संकलन
Compare →
Arthasansar
1d ago
पहिलो चौमासिक : सरकारको राजस्व संकलन २३.३९ र खर्च २३.३७ प्रतिशत

पहिलो चौमासिक : सरकारको राजस्व संकलन २३.३९ र खर्च २३.३७ प्रतिशत

चालु आर्थिक वर्ष २०८३/८४ को पहिलो चौमासिकमा सरकारको आम्दानी वार्षिक लक्ष्यको २३ दशमलव ३९ र खर्च २३ दशमलव ३७ प्रतिशत...

#राजस्व #संकलन
Compare →

Related Stories

Business & Economy
Build #2612