काठमाण्डौ । सम्पदा लघुवित्त वित्तीय संस्था लिमिटेडले आफ्ना सेयरधनीलाई लाभांश वितरण गर्ने घोषणा गरेको छ। कम्पनीले गत आर्थिक वर्ष २०८२/८३ को मुनाफाबाट कुल ४.२१ प्रतिशत लाभांश वितरण गर्ने प्रस्ताव गरेको हो।
कम्पनीको मंसिर २ गते बुधबार अपराह्न ४ बजे बसेको सञ्चालक समितिको ५२औँ बैठकले हाल कायम चुक्तापुँजीको ४ प्रतिशत बोनस सेयर र ०.२१ प्रतिशत नगद लाभांश वितरण गर्ने निर्णय गरेको छ।
कम्पनीले नेपाल स्टक एक्सचेन्ज (नेप्से) लाई गराएको जानकारीअनुसार हाल कायम ७० करोड ८ लाख ५८ हजार ३४५ रुपैयाँ चुक्तापुँजीको आधारमा २ करोड ८० लाख ३४ हजार ३३३ रुपैयाँ ८० पैसा बराबरको बोनस सेयर वितरण गर्ने प्रस्ताव गरिएको छ।
त्यसैगरी बोनस सेयरमा लाग्ने कर प्रयोजनका लागि १४ लाख ७५ हजार ४९१ रुपैयाँ २५ पैसा नगद लाभांश वितरण गर्ने प्रस्ताव गरिएको छ।
यसअनुसार कम्पनीले बोनस सेयर र नगद गरी कुल २ करोड ९५ लाख ९ हजार ८२५ रुपैयाँ ५ पैसा बराबरको लाभांश वितरण गर्नेछ।
प्रस्तावित लाभांश नेपाल राष्ट्र बैंकबाट स्वीकृत भई कम्पनीको आगामी वार्षिक साधारणसभाबाट पारित भएपछि मात्रै सेयरधनीले प्राप्त गर्नेछन्।
अहिलेसम्म कुनै प्रतिक्रिया छैन। पहिलो प्रतिक्रिया तपाईंको हुन सक्छ।