मर्जरपछि कम्पनीले पहिलो पटक लाभांश घोषणा गरेको हो ।
काठमाडौँ — सम्पदा लघुवित्तले लाभांश घोषणा गरेको छ । कम्पनीको मंसिर २ गते साँझ बसेको सञ्चालक समितिको बैठकले ४.२१ प्रतिशत लाभांश दिने घोषणा गरेको हो ।
यसले ४ प्रतिशत बोनस सेयर र लाभांश प्रयोजनको लागि ०.२१ प्रतिशत नगद लाभांश दिने भएको हो । कम्पनीले प्रस्ताव गरेको लाभांश राष्ट्र बैंकबाट स्वीकृत र साधारण सभाबाट पारित हुन बाँकी छ ।
मर्जरपछि कम्पनीले पहिलो पटक लाभांश घोषणा गरेको हो । साधना लघुवित्त र सबैको लघुवित्त मर्जर भएर यो कम्पनी बनेको हो ।