काठमाडौं । सिक्लेस हाइड्रोपावर लिमिटेडले १२.७०६ प्रतिशत बोनस शेयर र कर प्रयोजनका लागि ०.६६९ प्रतिशत नगद लाभांश वितरण गर्ने प्रस्तावसहित २२औँ वार्षिक साधारण सभा बोलाएको छ ।
कम्पनीको सभा मंसिर २७ गते आइतबार पोखराको घारीपाटनस्थित आभ्या क्लबमा बिहान ११ बजे बस्नेछ ।
सभाले बोनस शेयर वितरणपछि कायम चुक्तापुँजीको १०० कित्ता बराबर ०.७७४५ कित्ता हकप्रद शेयर निष्काशन गर्ने प्रस्ताव पनि पारित गर्नेछ । यसका साथै हकप्रदबाट प्राप्त रकमको उपयोग, प्रबन्धपत्र तथा नियमावली संशोधन र लेखापरीक्षक नियुक्तिसम्बन्धी प्रस्तावमाथि छलफल हुनेछ ।
साधारण सभा तथा लाभांश प्रयोजनका लागि कम्पनीले मंसिर १८ गते बुक क्लोज गर्ने भएको छ । त्यसअनुसार मंसिर १७ गतेसम्म नेप्सेमा शेयर कारोबार भई कायम रहेका शेयरधनीले साधारण सभामा सहभागी हुन र लाभांश प्राप्त गर्न सक्नेछन्।
अहिलेसम्म कुनै प्रतिक्रिया छैन। पहिलो प्रतिक्रिया तपाईंको हुन सक्छ।