Trending
Prev Story
Next Story

इमेज सहकारी ठगी: ढोरपाटनका मेयर देवकुमार नेपालीलाई ८ वर्ष कैद, अरुलाई कति ?

Nagarik News •
November 17, 2026 • 01:31 PM
3
3 reads 0 reactions

पोखराको इमेज बचत तथा ऋण सहकारी संस्थाको बचत रकम ठगी प्रकरणमा कास्की जिल्ला अदालतले तत्कालीन संस्थापक अध्यक्ष तथा बागलुङको ढोरपाटन नगरपालिकाका प्रमुख देवकुमार नेपालीसहित सात जनालाई कैद र जरिवानाको फैसला सुनाएको छ।

इमेज सहकारी ठगी: ढोरपाटनका मेयर देवकुमार नेपालीलाई ८ वर्ष कैद, अरुलाई कति ?

पोखराको इमेज बचत तथा ऋण सहकारी संस्थाको बचत रकम ठगी प्रकरणमा कास्की जिल्ला अदालतले तत्कालीन संस्थापक अध्यक्ष तथा बागलुङको ढोरपाटन नगरपालिकाका प्रमुख देवकुमार नेपालीसहित सात जनालाई कैद र जरिवानाको फैसला सुनाएको छ।

न्यायाधीश चन्द्रप्रकाश तिवारीको एकल इजलासले गत कात्तिक १७ गते उक्त फैसला गरेको हो। बचतकर्ताहरूले नेपालीलगायत १५ जनाविरुद्ध गत वर्ष दायर गरेको अभियोगमाथि सुनुवाइ गर्दै अदालतले सजाय तोकेको र फैसलाको पूर्णपाठ आउन बाँकी रहेको अदालतका शाखा अधिकृत तारानाथ पोखरेलले बताए।

मुद्दामा जरिवानासँगै १८ करोड ९६ लाख ५९ हजार रुपैयाँ बिगो माग गरिएको उनको भनाइ छ।

शाखा अधिकृत पोखरेलका अनुसार संस्थापक अध्यक्ष नेपालीलाई ८ वर्ष कैद सजाय र १ करोड २६ लाख २३ हजार रुपैयाँ जरिवाना तोकिएको छ। त्यस्तै, सहकारीका सञ्चालक चित्रबहादुर भण्डारी र शक्ति किसानलाई जनही ७ वर्ष कैद र १ करोड २६ लाख २३ हजार रुपैयाँ जरिवानाको फैसला भएको उनले जानकारी दिए।

अर्का प्रतिवादीहरू निशा कार्की, भूमि भण्डारी, विष्णु पौडेल र विमला गुरुङलाई जनही ६ वर्ष कैद सजाय र २६ लाख २३ हजार रुपैयाँ जरिवाना तोकिएको पोखरेलले बताए ।

विसं २०७९ को स्थानीय तह निर्वाचनमा ढोरपाटन नगरपालिकाको प्रमुखमा निर्वाचित नेपाली बागलुङमा रहेको सोही नामको सहकारी ठगी प्रकरणमा विसं २०८१ असोजदेखि पुर्पक्षका लागि बागलुङ कारागारमा थुनामा छन्।

उनीमाथि पोखरा र बागलुङस्थित इमेज बचत तथा ऋण सहकारी संस्थाको अर्बौँ रुपैयाँ हिनामिना गरेको आरोप छ।

प्रकाशित: १ मंसिर २०८३ १९:१६ मंगलबार

Prev Swipe Story Next

Same Story from Other Publications

Compare how 3 other independent news outlets reported on this story.

3 Publications
Onlinekhabar
7h ago
देवकुमारलाई ८ वर्ष कैद र सवा करोड जरिबाना, बिगो १९ करोड

देवकुमारलाई ८ वर्ष कैद र सवा करोड जरिबाना, बिगो १९ करोड

१ मंसिर, पोखरा । कास्कीको इमेज बचत तथा ऋण सहकारीको मुद्दामा जिल्ला अदालत कास्कीले संस्थापक अध्यक्ष देवकुमार नेपालीलाई ८ वर्ष कैद सजाय र सवा करोड रुपैयाँ जरिबानाको फैसला गरेको छ । पोखराको सिर्जनाचोकस्थित इमेज सहकारीको …

#फैसला #इमेज #देवकुमार
Compare →
Ekantipur
3h ago
सहकारी ठगी मुद्दामा नेपालीसहित सात जनालाई कैद र जरिवाना

सहकारी ठगी मुद्दामा नेपालीसहित सात जनालाई कैद र जरिवाना

अदालतका शाखा अधिकृत तारानाथ पोखरेलका अनुसार संस्थापक अध्यक्ष नेपालीलाई आठ वर्ष कैद सजया र एक करोड २६ लाख २३ हजार रुपैयाँ जरिवाना तोकिएको छ ।

#सहकारी-प्रकरण #सहकारी #ठगी
Compare →
Hamro Patro News
5d ago
अमेरिकी भिसा ठगी रोक्न जनसहभागिता बढाउँदै अमेरिकी विदेश मन्त्रालय, शंकास्पद गतिविधि रिपोर्ट गर्न आग्रह

अमेरिकी भिसा ठगी रोक्न जनसहभागिता बढाउँदै अमेरिकी विदेश मन्त्रालय, शंकास्पद गतिविधि रिपोर्ट गर्न आग्रह

काठमाडौँ । अमेरिकाले भिसा प्रणालीमा हुने ठगी तथा अनियमितता नियन्त्रण गर्न जनसहभागिता बढाउने भएको छ । अमेरिकी विदेश मन्त्रालयले नक्कली कागजात, झुटा विवरण तथा गैरकानुनी उद्देश्यका साथ अमेरिका प्रवेश ...

#ठगी
Compare →

Related Stories

National (Nepal)
Build #2612