Trending
Prev Story
Next Story

हिउँदको विद्युत् संकट टार्न भारतले दिने भयो ३५० मेगावाट बिजुली, थप ५६ मेगावाट निर्यात गर्न पनि नेपाललाई अनुमति

Bizshala •
November 17, 2026 • 11:04 AM
3
3 reads 0 reactions

काठमाण्डौ । बाढीले जलविद्युत् आयोजनाहरूमा ठूलो क्षति पुर्‍याएपछि हिउँदमा विद्युत् अभाव हुने चिन्ता बढिरहेका बेला...

हिउँदको विद्युत् संकट टार्न भारतले दिने भयो ३५० मेगावाट बिजुली, थप ५६ मेगावाट निर्यात गर्न पनि नेपाललाई अनुमति

काठमाण्डौ । बाढीले जलविद्युत् आयोजनाहरूमा ठूलो क्षति पुर्‍याएपछि हिउँदमा विद्युत् अभाव हुने चिन्ता बढिरहेका बेला भारतले नेपाललाई ३५० मेगावाट बिजुली उपलब्ध गराउने निर्णय गरेको छ।

ऊर्जा, जलस्रोत तथा सिँचाइमन्त्री विराजभक्त श्रेष्ठको निरन्तर पहलपछि भारतले सुख्खायामको उच्च माग हुने समयमा नेपाललाई ३५० मेगावाट विद्युत् उपलब्ध गराउने अनुमति दिएको हो।

मंगलबार नेपालका लागि भारतीय राजदूत सुधाकर दलेलाले ऊर्जा मन्त्रालयमा मन्त्री श्रेष्ठसँग भेट गरी भारत सरकारको निर्णयबारे जानकारी गराएका छन्।

मन्त्री श्रेष्ठका प्रमुख स्वकीय सचिव सन्जिव महर्जनका अनुसार भदौमा भोटेकोशी नदीमा आएको विनाशकारी बाढीले नेपालको विद्युत् पूर्वाधारमा पुर्‍याएको क्षतिलाई दृष्टिगत गर्दै भारतले यस्तो निर्णय गरेको हो।

भोटेकोशीको बाढीका कारण मात्रै ४३१ मेगावाट विद्युत् प्रणालीबाहिर रहेको छ। त्यसपछि कालीगण्डकी र बुढीगण्डकीमा आएको बाढीले समेत विद्युत् पूर्वाधारमा थप क्षति पुर्‍याएको छ।

विपद्पछि हिउँदको विद्युत् माग व्यवस्थापन चुनौतीपूर्ण बन्ने देखिएपछि मन्त्री श्रेष्ठले भारतबाट विद्युत् आयातका लागि कूटनीतिक पहल तीव्र बनाएका थिए।

त्यसक्रममा नेपाल विद्युत् प्राधिकरणका सञ्चालक समिति सदस्य तथा मन्त्रीको सचिवालयका प्रतिनिधिलाई दुईपटक नयाँदिल्ली पठाइएको थियो। ती छलफलबाट विद्युत् आपूर्तिको मोडालिटीसमेत टुंगिएको मन्त्रालयले जनाएको छ।

केही दिनअघि नेपाल भ्रमणमा आएका भारतीय विदेश सचिव विक्रम मिश्रीसँगको भेटमा पनि मन्त्री श्रेष्ठले विद्युत् आपूर्ति सहज बनाउने विषय उठाएका थिए। त्यसअघि भारतीय ऊर्जा सचिवसँग समेत यस विषयमा छलफल भएको थियो।

नेपाल विद्युत् प्राधिकरणका कार्यकारी निर्देशक दीर्घायुकुमार श्रेष्ठका अनुसार भारतले २०८३ मंसिर १ देखि २०८४ साउन १५ गतेसम्म विद्युत् आयात गर्ने अनुमति दिएको छ।

‘मन्त्रीज्यू र उहाँको टिम, मन्त्रालय तथा विद्युत् प्राधिकरणबाट भएको चरणबद्ध संवादपछि भारतले सुख्खायामको पिक आवरमा ३५० मेगावाट बिजुली उपलब्ध गराउने भएको छ। यसले हिउँदको विद्युत् माग धान्न र आपूर्ति व्यवस्थापन सहज बनाउन मद्दत गर्छ,’ उनले भने।

थप ५६ मेगावाट बिजुली निर्यात गर्न पनि अनुमति

भारतले नेपाललाई ३५० मेगावाट विद्युत् आयातको अनुमति दिनुका साथै नेपालबाट थप ५६ मेगावाट बिजुली निर्यात गर्नसमेत स्वीकृति दिएको छ।

यससँगै नेपालले मौसमी माग र उत्पादनको अवस्थाअनुसार भारतसँग विद्युत् आयात तथा निर्यात दुवै गर्ने अवसर थप विस्तार भएको छ।

प्रधानमन्त्री वालेन्द्र शाहको आसन्न भारत भ्रमणको पूर्वसन्ध्यामा भारतबाट आएको यो निर्णयलाई दुई देशबीचको ऊर्जा सहकार्यका दृष्टिले महत्वपूर्ण मानिएको छ। प्रधानमन्त्रीको भारत भ्रमणमा ऊर्जामन्त्री श्रेष्ठसमेत सहभागी हुने कार्यक्रम रहेको छ।

अहिलेसम्म कुनै प्रतिक्रिया छैन। पहिलो प्रतिक्रिया तपाईंको हुन सक्छ।

Prev Swipe Story Next

Same Story from Other Publications

Compare how 5 other independent news outlets reported on this story.

5 Publications
Hamro Patro News
49m ago
हिउँदमा ३५० मेगावाट बिजुली दिन भारत तयार

हिउँदमा ३५० मेगावाट बिजुली दिन भारत तयार

भारत हिउँदयामको सुख्खा समयमा नेपाललाई ३५० मेगावाट बिजुली उपलब्ध गराउन तयार भएको छ। भारतीय राजदूत सुधाकर दलेलाले आज ऊर्जा, जलस्रोत तथा सिँचाइ मन्त्री विराज भक्त श्रेष्ठलाई मन्त्रालयमा भेटेर भारतको ...

#भारत #मेगावाट #३५०
Compare →
Ekantipur
2h ago
भारतबाट ३५० मेगावाट बिजुली आयात र ५६ मेगावाट निर्यातको अनुमति

भारतबाट ३५० मेगावाट बिजुली आयात र ५६ मेगावाट निर्यातको अनुमति

नेपाल विद्युत् प्राधिकरणले ३५० मेगावाट बिजुली आगामी साउनसम्म दैनिक १७ घण्टासम्म आयात गर्न पाउनेछ ।

#मेगावाट #३५० #भारत
Compare →
Onlinekhabar
2h ago
भारतबाट ३५० मेगावाट आयात र ५६ मेगावाट निर्यात अनुमति

भारतबाट ३५० मेगावाट आयात र ५६ मेगावाट निर्यात अनुमति

१ मंसिर, काठमाडौं । नेपाल विद्युत् प्राधिकरणले यस वर्ष हिउँदयाममा भारतबाट ३ सय ५० मेगावाट विद्युत् आयात गर्न अनुमति पाएको छ । भारतको विद्युत मन्त्रालय अन्तर्गत केन्द्रीय विद्युत् प्राधिकरणले भारतीय ऊर्जा विनिमय बजार डे–अहेड तथा रियल …

#भारत #मेगावाट #३५०
Compare →
Nagarik News
10h ago
प्रधानमन्त्री शाहलाई एमाले नेताको सुझाव : भारत भ्रमणमा राष्ट्रिय हितका मुद्दा उठाउनु होला

प्रधानमन्त्री शाहलाई एमाले नेताको सुझाव : भारत भ्रमणमा राष्ट्रिय हितका मुद्दा उठाउनु होला

नेकपा एमालेका नेता विष्णु रिजालले प्रधानमन्त्री बालेन्द्र शाहको आसन्न भारत भ्रमणमा नेपालका राष्ट्रिय हितसँग जोडिएका विषयलाई प्राथमिकताका साथ उठाउन सुझाव दिएका छन्।

#भारत
Compare →
Arthasansar
1d ago
भौतिक प्रगति ५० प्रतिशत भएका जलविद्युत् आयोजनाले आईपीओ ल्याउन पाउने

भौतिक प्रगति ५० प्रतिशत भएका जलविद्युत् आयोजनाले आईपीओ ल्याउन पाउने

५० प्रतिशत भौतिक प्रगति भएका जलविद्युत् आयोजनाले आईपीओ ल्याउन पाउने भएका छन् । सरकारले तयार पारेको ‘लगानी तथा पूर्वाधार सम्बन्धी...

#जलविद्युत् #विद्युत्
Compare →

Related Stories

World News
Build #2612