मंगलबार सेयर बजार परिसूचक दोहोरो अंकले घटेर कारोबार बन्द भएको छ । यो साताको पहिलो कारोबार दिन नेप्से परिसूचक १२.७९ अंकले घटेर बन्द भएको हो ।
आजको कारोबार बन्द हुँदा नेप्से परिसूचक २६३६.१० विन्दुमा पुगेको छ । आज सेयर बजारमा १८५ कम्पनीको सेयर मूल्य घटेको छ भने ८६ कम्पनीको बढेको छ । आज ९ कम्पनीको सेयर मूल्य स्थिर रहेको छ ।
त्यस्तै आज सेन्सेटिभ इन्डेक्स पनि २.३२ अंकले घटेर ४७७.२१ विन्दुमा पुगेको छ । आज सेयर बजारका १३ उपसूचकमध्ये १२ वटाको सेयर मूल्य घटेको छ भने एउटाको मात्रै बढेको छ । परिसूचक घटेको दिन बजारमा साढे ४ अर्ब भन्दा माथिको कारोबार भएको छ । आज ३५३ कम्पनीका १ करोड १२ लाख ९३ हजार ४५० कित्ता सेयर ४८ हजार ७८८ पटक खरिद बिक्री हुँदा ४ अर्ब ७३ करोड ११ लाख ७८ हजार १७ रुपैयाँको कारोबार भएको छ ।