Trending
Prev Story
Next Story

भीमफेदी दुर्घटनाका पीडित परिवार भेट्न सभामुख अर्याल सर्लाहीमा

Onlinekhabar •
November 16, 2026 • 08:30 AM
4
4 reads 0 reactions

३० कात्तिक, सर्लाही । मकवानपुरको भीमफेदीमा भएको विद्युतीय माइक्रोबस दुर्घटनामा आफन्त गुमाएका परिवारलाई भेट्न प्रतिनिधिसभाका सभामुख डीपी अर्याल सोमबार सर्लाहीको चक्रघट्टा गाउँपालिका–४ सुन्दरपुर पुगेका छन् । सभामुख अर्यालले दुर्घटनामा ज्यान गुमाएका परिवारका सदस्यसँग भेट गरी समवेदना …

भीमफेदी दुर्घटनाका पीडित परिवार भेट्न सभामुख अर्याल सर्लाहीमा

३० कात्तिक, सर्लाही । मकवानपुरको भीमफेदीमा भएको विद्युतीय माइक्रोबस दुर्घटनामा आफन्त गुमाएका परिवारलाई भेट्न प्रतिनिधिसभाका सभामुख डीपी अर्याल सोमबार सर्लाहीको चक्रघट्टा गाउँपालिका–४ सुन्दरपुर पुगेका छन् ।

सभामुख अर्यालले दुर्घटनामा ज्यान गुमाएका परिवारका सदस्यसँग भेट गरी समवेदना व्यक्त गरेका छन् । उनले शोकसन्तप्त परिवारलाई धैर्यधारण गर्ने शक्ति मिलोस् भन्दै आगामी दिनमा यस्ता दुर्घटना दोहोरिन नदिन आवश्यक कडा कदम चालिने बताए ।

पीडित परिवारलाई राहत उपलब्ध गराउन संघ, प्रदेश र स्थानीय गरी तीनै तहका सरकारसँग पहल गर्ने प्रतिबद्धतासमेत उनले व्यक्त गरेका छन् ।

भेटका क्रममा पीडित परिवारका सदस्यहरूले दुर्घटनापछिको अवस्था, आफूहरूले भोग्नुपरेका समस्या तथा राहत र पुन:स्थापनाका विषयमा सभामुखसमक्ष आफ्ना कुरा राखेका थिए ।

सभामुख अर्यालसँगै सर्लाही निर्वाचन क्षेत्र नम्बर १ की प्रतिनिधिसभा सदस्य नितिमा कार्की, क्षेत्र नम्बर २ का सांसद रविन महतो, क्षेत्र नम्बर ३ का सांसद नरेन्द्र साह कलवार र पर्साबाट निर्वाचित सांसद रहबर अन्सारी पनि सुन्दरपुर पुगेका थिए । भ्रमणमा सर्लाहीका प्रमुख जिल्ला अधिकारी विजय राज सुवेदी पनि सहभागी थिए ।

गत २६ कात्तिकमा छठ पर्व मनाउन काठमाडौंँबाट सर्लाही आउँदै गरेको विद्युतीय माइक्रोबस मकवानपुरको भीमफेदी गाउँपालिका–६ स्थित चिसापानी गढीमा सडकबाट करिब ५०० मिटर तल खसेको थियो ।

दुर्घटनामा एउटै टोलका १३ जनासहित १४ जनाको मृत्यु भएको थियो भने ६ जना घाइते भएका थिए ।

मृतकमध्ये १३ जना चक्रघट्टा गाउँपालिका–४ सुन्दरपुरका स्थानीय थिए । एउटै टोलका धेरै जनाको एकैपटक मृत्यु भएपछि सुन्दरपुर शोकमा डुबेको छ । दुर्घटनाले कैयौँ परिवारका सदस्य गुमेका छन् भने गाउँमा अझै शोकको वातावरण छ ।

सभामुख अर्याल कात्तिक २८ गते पर्सा र बारा जिल्लाको भ्रमण तथा छठ पर्व मनाउन मधेश आएका थिए । यसअघि आइतबार नेपाली कांग्रेसका सभापति गगन थापा पनि दुर्घटनामा ज्यान गुमाएका परिवारलाई भेट्न सुन्दरपुर पुगेका थिए ।

Prev Swipe Story Next

Same Story from Other Publications

Compare how 5 other independent news outlets reported on this story.

5 Publications
Nagarik News
55m ago
भीमफेदी दुर्घटनाका पीडित परिवार भेट्न सभामुख अर्याल सुन्दरपुरमा, राहतका लागि पहल गर्ने

भीमफेदी दुर्घटनाका पीडित परिवार भेट्न सभामुख अर्याल सुन्दरपुरमा, राहतका लागि पहल गर्ने

प्रतिनिधिसभाका सभामुख डीपी अर्यालले मकवानपुरको भीमफेदी दुर्घटनामा आफन्त गुमाएका परिवारलाई राहत उपलब्ध गराउन संघ, प्रदेश र स्थानीय गरी तीनै तहका सरकारसँग पहल गर्ने प्रतिबद्धता व्यक्त गरेका छन्।

#दुर्घटना #सभामुख #अर्याल
Compare →
Ekantipur
2d ago
भीमफेदी दुर्घटना : सर्लाही सुन्दरपुरका १३ जनाको शव आफन्तले बुझे

भीमफेदी दुर्घटना : सर्लाही सुन्दरपुरका १३ जनाको शव आफन्तले बुझे

हेटौँडा अस्पतालमा आवश्यक प्रक्रिया पूरा गरी शव वाहनमार्फत सर्लाही पठाइएको छ । शवहरू तीनवटा शव वाहनमा राखेर सर्लाही पठाइएको अस्पतालले जनाएको छ ।

#दुर्घटना #सर्लाही #भीमफेदी
Compare →
Hamro Patro News
3h ago
सभामुख अर्यालद्वारा सहिदहरूप्रति श्रद्धाञ्जली अर्पण

सभामुख अर्यालद्वारा सहिदहरूप्रति श्रद्धाञ्जली अर्पण

काठमाडौँ, ३० कात्तिक । सभामुख डोलप्रसाद (डिपी) अर्याल वीरगञ्जस्थित सहिद स्मारकमा मधेस आन्दोलनका क्रममा आफ्नो जीवन उत्सर्ग गर्ने सहिदहरूप्रति पुष्पहार अर्पण गरी श्रद्धाञ्जली व्यक्त गरेका छन् । उनले...

#सभामुख #अर्याल
Compare →
Arthasansar
1h ago
बझाङमा अटो दुर्घटना, तीन जनाको मृत्यु, एक बेपत्ता

बझाङमा अटो दुर्घटना, तीन जनाको मृत्यु, एक बेपत्ता

बझाङमा अटो दुर्घटना हुँदा तीन जनाको मृत्यु भएको छ भने एक जना बेपत्ता छन् । बुंगल नगरपालिका–१० को टुमेडामा बिहान...

#दुर्घटना
Compare →
Bizshala
22h ago
इरानमा बस दुर्घटना : कम्तीमा १० जनाको मृत्यु, १८ घाइते

इरानमा बस दुर्घटना : कम्तीमा १० जनाको मृत्यु, १८ घाइते

काठमाण्डौ । इरानको पश्चिमी प्रान्त इलाममा यात्रुवाहक बस दुर्घटना हुँदा कम्तीमा १० जनाको मृत्यु भएको छ भने १८ जना...

#दुर्घटना
Compare →

Related Stories

Politics & Governance
Build #2612