टीयू क्रिकेट मैदानमा कर्णाली याक्सले टस जितेर पहिले ब्याटिङको निर्णय गरेको हो । चितवन यसअघि नै प्ले अफ पुगिसकेको छ र उसको सात अंक रहेको छ । यो खेलको नतिजाले चितवन तेस्रो अथवा चौथोमध्ये कुन स्थानमा रहेर खेल्नेछ भन्ने निर्णय गर्न सक्नेछ ।
काठमाडौँ — नेपाल प्रिमियर लिग (एनपीएल) को तेस्रो सिजन लिग चरणमा आफ्नो अन्तिम खेल खेलिरहेको चितवन राइनोजले शुक्रबार पहिले बलिङ गर्ने भएको छ ।
टीयू क्रिकेट मैदानमा कर्णाली याक्सले टस जितेर पहिले ब्याटिङको निर्णय गरेको हो । चितवन यसअघि नै प्ले अफ पुगिसकेको छ र उसको सात अंक रहेको छ । यो खेलको नतिजाले चितवन तेस्रो अथवा चौथोमध्ये कुन स्थानमा रहेर खेल्नेछ भन्ने निर्णय गर्न सक्नेछ ।
कर्णालीको भने प्रतियोगितामा चुनौती समाप्त भइसकेको छ र लिग चरणको आफ्नो अन्तिम खेलमा प्रतिष्ठाका लागि खेल्दैछ । कर्णालीको चार अंक मात्र छ र पुछारबाट सातौं स्थानमा छ ।
दुवै टिम यस प्रकार रहेको छ । चितवन राइनोज : कुशल मल्ल, रिजन ढकाल, कमलसिंह ऐरी, देव खनाल, विवेककुमार यादव, अशोक धामी, सलाहुद्दिन खान, सिकन्दर राजा (कप्तान), कमिल मिसारा, डन मोस्ली, उस्मा मिर ।
कर्णाली याक्स : सोमपाल कामी, गुल्सन झा, नन्दन यादव, दीपक डुम्रे, विपिन शर्मा, पवन सर्राफ, सचिन शर्मा, डेविड मिलर (कप्तान), अरिफुल इस्लाम, मार्क वाट र मोहम्मद हुसेन तलत ।
.jpg)
